ວັນຈັນ, ວັນທີ 11 ພຶດສະພາ 2026
ປະກາດການແຕ່ງຕັ້ງ ຄະນະກຳມະການ ປ້ອງກັນຊາດ-ປ້ອງກັນຄວາມສະຫງົບ ເມືອງຜາອຸດົມ
ເວລາອອກຂ່າວ: 2026-05-07 09:23:16 | ຜູ້ຂຽນ : admin1 | ຈຳນວນຄົນເຂົ້າຊົມ: 71 | ຄວາມນິຍົມ: 
ພິທີປະກາດການແຕ່ງຕັ້ງ ປະທານ, ຮອງປະທານ, ຜູ້ປະຈຳການ ແລະ ກຳມະການ ຄະນະກຳມະການ ປ້ອງກັນຊາດ-ປ້ອງກັນຄວາມສະຫງົບ ເມືອງຜາອຸດົມແຂວງບໍ່ແກ້ວ ໄດ້ຈັດຂຶ້ນໃນທ້າຍເດືອນເມສາຜ່ານມາ, ໂດຍການ
ເປັນປະທານຂອງສະຫາຍ ພັນເອກ ອຳພັນ ໄຊຍາສຸບັດ ກຳມະການປ້ອງກັນຊາດ-ປ້ອງກັນຄວາມສະຫງົບແຂວງ, ຫົວໜ້າການເມືອງ ກອງບັນຊາການທະຫານແຂວງບໍ່ແກ້ວ, ມີສະຫາຍ ກາງ ມະນີຫວ່າງ ເລຂາພັກ ເມືອງຜາອຸດົມ, ມີຄະນະພັກເມືອງ, ຫ້ອງການອ້ອມຂ້າງ ແລະ ພາກສ່ວນທີ່ກ່ຽວຂ້ອງ ເຂົ້າຮ່ວມ.
ສະຫາຍ ພັນໂທ ຄຳພັນ ດາລາສັກ ຮອງຫົວໜ້າຫ້ອງການ ຄະນະກຳມະການ ປ້ອງກັນຊາດ-ປ້ອງກັນຄວາມສະຫງົບແຂວງບໍແກ້ວ ໄດ້ຜ່ານມະຕິຕົກລົງ ຂອງຄະນະກຳມະການ ປກຊ-ປກສ ແຂວງບໍ່ແກ້ວວ່າດ້ວຍການແຕ່ງ
ຕັ້ງ ປະທານ, ຮອງປະທານ, ຜູ້ປະຈຳການ ແລະ ກຳມະການ ຄະ
ນະກຳມະການປ້ອງກັນຊາດປ້ອງກັນຄວາມສະຫງົບ ເມືອງຜາອຸດົມ ໃນນີ້, ແຕ່ງຕັ້ງ ສະຫາຍ ກາງ ມະນີຫວ່າງ ເປັນປະທານຄະນະກຳມະການປ້ອງກັນຊາດ-ປ້ອງກັນຄວາມສະຫງົບ, ສະຫາຍ ບຸນສີ ທອງສະໄຫວ ເປັນຮອງປະທານ, ສະຫາຍ ພັນໂທ ພອນສະຫວັນ ຈິດອຳໄພ ເປັນຮອງປະທານ ທັງເປັນຜູ້ປະຈຳ
ການ, ສະຫາຍ ພັນໂທ ສີ ຂັດຕິຍາ ແລະ ສະຫາຍ ນາງ ຄຳຈັນ ແສງອາລຸນ ເປັນກຳມະການ.
ໂອກາດນີ້, ສະຫາຍ ກາງ ມະນີຫວ່າງ ໄດ້ລາຍງານສະພາບການຈັດຕັ້ງປະຕິບັດວຽກງານປ້ອງກັນຊາດ-ປ້ອງກັນຄວາມສະຫງົບ ໃນໄລຍະຜ່ານມາ, ໂດຍໄດ້ຮັບການຊີ້ນຳໂດຍກົງຈາກສູນກາງ, ແຂວງ ເຮັດໃຫ້ການເຄື່ອນໄຫວວຽກງານປ້ອງກັນຊາດ-ປ້ອງກັນຄວາມສະຫງົບ ພາຍໃນເມືອງໄດ້ຮັບໝາກຜົນ
ສູງ, ຄະນະກຳມະການ ໄດ້ເຄື່ອນໄຫວວຽກງານຕາມພາລະບົົດບາດ, ສິດ, ໜ້າທີ່ ທີ່ໄດ້ກຳນົດ, ສຸມສະຕິປັນຍາ ແລະ ເຫື່ອແຮງ ເຂົ້າໃນການປະຕິບັດສອງໜ້າທີ່ຍຸດທະສາດ, ປົກປັກຮັກສາ ແລະ ສ້າງສາພັດທະນາແຂວງບໍ່ແກ້ວ, ຜ່ານການເຄື່ອນໄຫວເຮັດໜ້າທີ່ຢ່າງຕັ້ງໜ້າ ສາມາດແກ້ໄຂປະກົດການຫຍໍ້ທໍ້ຕ່າງໆ ທີ່ເກີດຂຶ້ນໃນທົ່ວເມືອງ ໄດ້ຫຼຸດໜ້ອຍຖອຍລົງ ແລະ ເຮັດໃຫ້ສະພາບລວມ ມີຄວາມສະຫງົບປອດໄພ.
ໂດຍ: ພາກ ສຸທິປັນຍາ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
