ວັນຈັນ, ວັນທີ 11 ພຶດສະພາ 2026
ສະຖາບັນອະນາໄມກັນພະຍາດ ແລະ ສົ່ງເສີມສຸຂະພາບກອງທັບ ສະຫຼຸບວຽກງານກໍ່ສ້າງກອງ 3 ປອດ
ເວລາອອກຂ່າວ: 2026-05-07 09:19:51 | ຜູ້ຂຽນ : admin1 | ຈຳນວນຄົນເຂົ້າຊົມ: 82 | ຄວາມນິຍົມ: 
ກອງປະຊຸບສະຫຼຸບວຽກງານການກໍ່ສ້າງກອງປອດໃສ, ປອດໄພ, ປອດຄະດີ (ກອງ 3 ປອດ) ປະຈຳສົກ 2025-2026 ໄດ້ຈັດຂຶ້ນໃນທ້າຍເດືອນເມສາຜ່ານມານີ້, ໂດຍການເປັນປະທານ ຂອງສະຫາຍ ພັນເອກ ສີສຸກ ສີຈັນທອນ
ເລຂາຄະນະພັກຮາກຖານ, ຫົວໜ້າການເມືອງ ສະຖາບັນອະນາໄມກັນພະຍາດ ແລະ ສົ່ງເສີມສຸຂະພາບກອງທັບ, ມີບັນດາສະຫາຍໃນຄະນະພັກ-ຄະນະບັນຊາ ແລະ ພະນັກງານ-ນັກຮົບ ເຂົ້າຮ່ວມ.
ສະຫາຍ ພັນໂທ ອ່ອນຈັນ ພູນສະຫວັດ ຮອງຫົວໜ້າພະແນກການເມືອງ ສະຖາບັນອະນາໄມກັນພະຍາດ ແລະ ສົ່ງເສີມສຸຂະພາບກອງທັບ ໄດ້ສະຫຼຸບຕີລາຄາຄືນ ຂະບວນການກໍ່ສ້າງກົມກອງ 3 ປອດ ( ປອດໃສ ປອດໄພ ປອດຄະດີ) ເຫັນວ່າ: ມີທັງຂໍ້ສະດວກ-ຂໍ້ຫຍຸ້ງຍາກ ຄຽງຄູ່ກັນໄປ, ໃນຜ່ານມາ ຄະນະພັກ-ຄະນະບັນຊາທຸກຂັ້ນ ໄດ້ຍົກສູງວຽກງານສຶກສາອົບຮົມການເມືອງ-ແນວຄິດເປັນຕົ້ນຕໍ ເພື່ອເຮັດໃຫ້ພະນັກງານ-ນັກຮົບ ມີແນວຄິດອຸ່ນອຽນທຸ່ນທ່ຽງ, ມີສະຕິລະວັງຕົວສູງ, ປະຕິບັດກົດລະບຽບຂອງພັກ, ກົດໝາຍຂອງລັດ, ຂໍ້ກຳນົດກົດລະບຽບຂອງກອງທັບ ແລະ ມະຕິຄຳສັ່ງຂອງຂັ້ນເທິງ ຢ່າງເຂັ້ມງວດ, ພ້ອມກັນເຮັດສຳເຮັດໜ້າທີ່ການເມືອງ ທີ່ໄດ້ຮັບມອບໝາຍ. ຜ່ານການປັບປຸງກໍ່ສ້າງກົມກອງປອດໃສ, ປອດໄພ, ປອດຄະດີ ໃນສົກ 2025-2026 ເຫັນວ່າ ສະພາບທາງດ້ານການເມືອງ ມີຄວາມສະຫງົບປອດໄພ 100%, ດ້ານວຽກງານວິຊາສະເພາະຂອງກົມກອງ ກໍມີຜົນສຳເລັດສູງ, ກົມກອງມີທ່າກ້າວຂຶ້ນ ສາມາດຢັ້ງຢືນໄດ້ກົມກອງ 3 ປອດ ທັງ 9 ໜ່ວຍພັກ ເທົ່າກັບ 100%. ພ້ອມດຽວກັນນີ້, ຍັງໄດ້ວາງທິດທາງແຜນການ ຂໍ້ແຂ່ງຂັນປະຕິບັດຂະບວນການກໍ່ສ້າງກົມກອງ 3 ປອດ ປະຈຳສົກ 2026-2927 ຕື່ມອີກ.
ໃນກອງປະຊຸມ ຍັງໄດ້ຜ່ານຂໍ້ຕົກລົງ ຂອງກະຊວງປ້ອງກັນປະເທດ ວ່າດ້ວຍການມອບຫຼຽນໄຊພິລະອາດຫານ ຊັ້ນ II ໃຫ້ພະນັກງານທີ່ເຂົ້າຮ່ວມຊ່ວຍເຫຼືອບັນເທົາທຸກ ຈາກແຜ່ນດິນໄຫວ ຢູ່ ສສ ມຽນມາ 1 ສະຫາຍ ແລະ
ຜ່ານຂໍ້ຕົກລົງ ຂອງສະຖາບັນອະນາໄມກັນພະຍາດ ແລະ ສົ່ງເສີມສຸຂະພາບກອງທັບ ວ່າດ້ວຍການແຕ່ງຕັ້ງ ຮັກສາການຫົວໜ້າພະແນກແຜນການ-ສັງລວມ ແລະ ສັບຊ້ອນພະນັກງານຊ່ວຍວຽກບັນດາຂະແໜງການວິຊາສະເພາະ ອີກຈຳນວນໜຶ່ງ.
ຂ່າວ: ອ້ອຍພັນ ແພງບຸນມີ
ພາບ: ນາງ ສຸພິພັກ ສີສະເກດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
