POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 21 ພຶດສະພາ 2026

ແມ່ຍິງ ໂຮງຮຽນກໍ່ສ້າງນາບສິບ ເລກ 2 ວຽງໄຊ ເຜີຍແຜ່ຜົນສຳເລັດ ກອງປະຊຸມໃຫຍ່ຜູ້ແທນແມ່ຍິງລາວ ທົ່ວປະເທດ ຄັ້ງທີ IX
ເວລາອອກຂ່າວ: 2026-05-06 09:00:50 | ຜູ້ຂຽນ : admin1 | ຈຳນວນຄົນເຂົ້າຊົມ: 96 | ຄວາມນິຍົມ:

ວັນທີ 25 ມີນາ 2026 ນີ້, ສະຫະພັນແມ່ຍິງໂຮງຮຽນກໍ່ສ້າງນາຍສິບ ເລກ 2 ວຽງໄຊ ໄດ້ຈັດຕັ້ງເຜີຍແຜ່ຜົນສໍາເລັດກອງປະຊຸມໃຫຍ່ຜູ້ແທນແມ່ຍິງລາວທົ່ວປະເທດ ຄັ້ງທີ IX, ໂດຍການເປັນປະທານຂອງ ສະຫາຍ ພັນເອກ ບຸນມີ ໄຕໄຊຍະວົງ ຮອງຫົວໜ້າການເມືອງໂຮງຮຽນ, ມີຄະນະພັກ-ຄະນະບັນຊາຫ້ອງ ການ, ກອງພັນ ແລະ ຄະນະນຳສະຫະພັນແມ່ຍິງ ໃນທົ່ວໂຮງຮຽນ ເຂົ້າຮ່ວມ. ສະຫາຍ ພັນໂທ ນາງ ແພງສີ ແກ້ວວັນດີ ຫົວໜ້າພະແນກສະຫະພັນແມ່ຍິງໂຮງຮຽນ ພ້ອມຄະນະ ໄດ້ຜັດປ່ຽນກັນຜ່ານເອກະສານໃນນີ້ມີ: ມະຕິກອງປະ ຊຸມໃຫຍ່ຜູ້ແທນແມ່ຍິງລາວທົ່ວປະເທດ ຄັ້ງທີ IX, ວິໄສທັດ ພັດທະນາແມ່ຍິງກອງທັບ ຮອດປີ 2035, ທິດທາງລວມ, ເປົ້າໝາຍ, ຄາດໝາຍ ແລະ ແຜນວຽກຈຸດສຸມ ຂອງແຜນພັດທະນາແມ່ຍິງກອງທັບ 5 ປີ (2026-2030). ກອງປະຊຸມດັ່ງກ່າວ ໄດ້ດຳເນີນໃນລະຫວ່າງ ວັນທີ 9-10 ກັນຍາ 2025 ທີ່ຜ່ານມາ, ມີຜູ້ແທນສົມບູນເຂົ້າຮ່ວມທັງໝົດ 373 ສະຫາຍ, ແຂກຖືກເຊີນ 150 ສະຫາຍ, ກອງປະຊຸມໃຫຍ່ໄດ້ເປັນເອກະສັນຮັບຮອງເອົາຫຼາຍເນື້ອໃນສຳຄັນ ເພື່ອສືບຕໍ່ຈັດຕັ້ງປະຕິບັດໃນຕໍ່ເປັນຕົ້ນແມ່ນ ໄດ້ຮັບຮອງເອົາບົດລາຍງານການເມືອງທັງສອງພາກ ເຊິ່ງໄດ້ວາງຄາດໝາຍສູ້ຊົນ (2026-2030), ຮັບຮອງເອົາວິໄສທັດຮອດປີ 2035, ແຜນພັດທະນາແມ່ຍິງລາວ 5 ປີ (2026-2030), ຮັບຮອງເອົາກົດລະບຽບຂອງສະຫະພັນແມ່ຍິງລາວ ສະໄໝທີ IX, ຮັບຮອງເອົາຄຳຂວັນ ແລະ ຂໍ້ແຂ່ງຂັນຂອງສະຫະພັນແມ່ຍິງລາວ ສະໄໝທີ IX ແລະ ຮັບຮອງເອົາຜົນການປ່ອນບັດຄັດເລືອກ ຄະນະບໍລິຫານງານສູນກາງສະຫະພັນແມ່ຍິງລາວ ສະໄໝທີ IX ຈຳນວນ 61 ສະຫາຍ. ພ້ອມນີ້ ສະຫາຍ ພັນເອກ ບຸນມີ ໄຕໄຊຍະວົງ ໄດ້ຜ່ານບົດຄຳເຫັນໂອ້ລົມ ຂອງ ສະຫາຍ ປອ ບຸນທອງ ຈິດມະນີ ກຳມະການກົມການເມືອງສູນກາງພັກ, ຜູ້ປະຈຳການຄະນະເລຂາສູນກາງພັກ, ຮອງປະທານປະເທດ ສປປ ລາວ ກ່າວຕໍ່ກອງປະຊຸມຜູ້ແທນແມ່ຍິງລາວ ທົ່ວປະເທດ ຄັ້ງທີ lX ແລະ ສະຫາຍ ໄດ້ໂອ້ລົມ ແລະ ຕີລາຄາສູງ ທັງເນັ້ນໃຫ້ຄະນະສະຫະພັນແມ່ຍິງຢູ່ໃນໂຮງຮຽນ ຕະຫຼອດຮອດຄະນະນຳແມ່ຍິງທີ່ເຂົ້າຮ່ວມຈົ່ງພ້ອມກັນນຳເອົາເນື້ອໃນຈິດໃຈກອງປະຊຸມເຂົ້າໃນການພັດທະນາວຽກງານຂອງຕົນດ້ວຍຄວາມ ຮັບຜິດຊອບສູງ ແລະ ມີຜົນສຳເລັດໃນໜ້າທີ່ວຽກງານທີ່ການຈັດຕັ້ງຂັ້ນເທິງມອບໝາຍໃຫ້ເຊີດຊູຄວາມເປັນແບບຢ່າງນຳໜ້າໃນທຸກດ້ານ ເພີ່ມທະວີຄວາມສາມັກຄີເປັນເອກະພາບສ້າງໄດ້ແມ່ຍິງ3ດີ, ສ້າງໄດ້ໜ່ວຍແມ່ຍິງ 3ດີ ແລະ ເພື່ອສ້າງໄດ້ຄອບຄົວໄດ້ຮັບການພັດທະນາດີມີຄວາມອົບອຸ່ນ ແລະ ມີຄວາມຜາສຸກ.

news to day and hot news