POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 11 ພຶດສະພາ 2026

ແບ່ງປັນນ້ຳໃຈໃຫ້ກັນ ແລະ ກັນ ເພື່ອຜ່ອນຜັນບັນຫາລົດຕິດ
ເວລາອອກຂ່າວ: 2026-05-05 09:24:58 | ຜູ້ຂຽນ : admin1 | ຈຳນວນຄົນເຂົ້າຊົມ: 218 | ຄວາມນິຍົມ:

ໃນຍຸກປັດຈຸບັນນີ້ສັງຄົມມີ ການຂະຫຍາຍຕົວໃນດ້ານເຕັກ ໂນໂລຢີ ຄຽງຄູ່ກັບການເພີ່ມຂຶ້ນ ຂອງຈຳນວນພົນລະເມືອງຢ່າງ ຫຼວງຫຼາຍ ເຊິ່ງໃນແຕ່ລະມື້ຄົນເຫຼົ່ານັ້ນຕ້ອງໄດ້ຕໍ່ສູ້້ດີ້ນຮົນ ເພື່ອຫາລ້ຽງຊີບຈຳເປັນຕ້ອງໄດ້ນຳໃຊ້ລົດປະເພດຕ່າງໆເປັນພາ ຫະນະໃນການເດີນທາງໂດຍ ພາກັນ ຫຼັ່ງໄຫຼອອກສູ່ທ້ອງຖະ ໜົນ ຫຼວງໃນເວລາດຽວກັນ ແລະ ໄດ້ມີການຍາດແຍ່ງແຂ່ງຂັນກັນ ເພື່ອແຊງຂຶ້ນໜ້າ, ຕ່າງຄົນຕ່າງ ຢາກໄປໃຫ້ຮອດເປົ້າໝາຍ ຂອງໃຜມັນສ່ວນຫຼາຍໃນເວລາຕອນເຊົ້າກ່ອນໂມງເຂົ້າການ ແລະ ຕອນແລງຫຼັງຈາກໂມງເລີກການລົດມັກຕິດຢູ່ບໍລິເວນຊຸມຊົນແອອັດ, ບ່ອນທາງແຄບ, ເຂດຕະ ຫຼາດ, ໂຮງຮຽນ ແລະ ອື່ນໆທີ່ມີຄົນສົນລະວົນຜູ້ຂັບຂີ່ບາງຄົນຊ້ຳ ຜັດເປັນຄົນເຫັນ ແກ່ຕົວບໍ່ນັບຖືກົດລະບຽບ ແລະ ບໍ່ປະຕິບັດຕາມ ເຈົ້າໜາທີ່ ແນະນຳຍັງລ່ວງລະ ເມີດຫ້າມ, ລ່ວງໄຟອຳນາດພາ ໃຫ້ເກີດອຸບັດຕິເຫດນຳຄວາມເສຍຫາຍມາສູ່ຕົນເອງ ແລະ ຄົນ ອື່ນ, ສ້າງບັນຫາໃຫ້ສັງຄົມບາງ ຄັ້ງ ຖະຫນົນຕ້ອງກາຍເປັນອຳ ມະພາດລົດຕິດຍາວຢຽດເປັນເວ ລາ ດົນນານຫຼາຍຊົ່ວໂມງ. ໃນໄລຍະທີ່ຜ່ານມາຍັງປະກົດເຫັນບາງບ່ອນມີບາງຄົນ ກໍສວຍໂອກາດຢຶດເອົາເຂດທາງຍ່າງແຄມທາງຫຼວງໄປເປັນບ່ອນດຳເນີນທຸລະກິດຫາລາຍໄດ້ ສ່ວນບຸກຄົນເປັນຕົ້ນແມ່ນວາງຂາຍເຄື່ອງແຄມທາງ, ມື້ດັບວັນ ສິນຂາຍໝາກເບັງ, ມື້ຫວຍອອກ ເປັນບ່ອນຂາຍ ໂດຍບໍ່ໄດ້ຮັບອະ ນຸຍາດຈາກພາກສ່ວນທີ່ກ່ຽວ ຂ້ອງກໍຍັງເຫັນມີ ດັ່ງນັ້ນ ເພື່ອເຮັດໃຫ້ບັນຫາດັ່ງກ່າວໄດ້ຮັບການແກ້ໄຂນັ້ນມັນຂຶ້ນຢູ່ກັບພວກເຮົາທຸກຄົນທີ່ນຳໃຊ້ລົດໃຊ້ຖະໜົນຫົນທາງຕ້ອງໄດ້ເປັນເຈົ້າການນຳກັນໃນການປະຕິບັດຕໍ່ລະບຽບການຕ່າງໆຢ່າງເຂັ້ມງວດ ແລະ ຮູ້ຈັກແບ່ງປັນນ້ຳໃຈໃຫ້ກຽດເຊິ່ງ ກັນ ແລະ ກັນໃນເວລາຂັບຂີ່ເພື່ອ ຜ່ອນຜັນບັນຫາລົດຕິດຫຼຸດລົງໄດ້. ຕໍ່ບັນຫາດັ່ງກ່າວນີ້, ໃນທ່າມ ກາງທີ່ທົ່ວພັກທົ່ວລັດ, ທົ່ວກຳລັງປະກອບອາວຸດ ແລະ ທົ່ວປວງຊົນ ລາວທັງຊາດຫາກໍສຳເລັດກອງປະຊຸມໃຫຍ່ຄັ້ງທີ XII ຂອງພັກປະຊາຊົນປະຕິວັດລາວ ແລະ ກອງປະຊຸມສະພາແຫ່ງຊາດເທື່ອທີ X ຊຸດທີ V ເຖິງເວລາແລ້ວ ທີ່ພວກເຮົາຄົນລາວທຸກຄົນຕ້ອງ ໄດ້ຮັດແໜ້ນຄວາມສາມັກຄີ, ແບ່ງປັນນ້ຳໃຈເອື້ອເຟື້ອເພື່ອແຜ່ຊ່ວຍເຫຼືອເຊິ່ງກັນ ແລະ ກັນ, ຮ່ວມແຮງຮ່ວມໃຈກັນເປັນເຈົ້າ ການໃນການປະຕິບັດຂໍ້ກຳນົດ. ກົດລະບຽບ, ກົດໝາຍຂອງບ້ານເມືອງບໍ່ສະເພາະແຕ່ການນຳໃຊ້ ຖະໜົນຫົນທາງໃນການສັນຈອນໄປມາເທົ່ານັ້ນເຮົາຕ້ອງພ້ອມກັນເປັນຫູເປັນຕາໃຫ້ແກ່ອຳນາດການປົກຄອງ, ເຈົ້າໜ້າທີ່ ແລະ ການຈັດຕັ້ງນັ້ນເທິງໃນການຕິດ ຕາມ-ລາຍງານຫາກເຫັນມີປະ ກົດການຫຍໍ້ທໍ້ເກີດຂຶ້ນ ຢູ່ໃນສັງ ຄົມ ເພື່ອຫາວິທີແກ້ໄຂໃຫ້ທັນເວ ລາເຮັດໃຫ້ສັງຄົມລາວມີຄວາມສີວິໄລຢູ່ເຢັນເປັນສຸກຍູ້ທ່າງທຳ ມາຫາກິນ ລ້ຽງຊີບໄດ້ຢ່າງສະ ດວກສະບາຍດ້ວຍຄວາມຖືກ ຕ້ອງຕາມກົດໝາຍ, ປອດໃສຂາວສະອາດ ພ້ອມກັນປະກອບສ່ວນເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ໃຫ້ຈະເລີນຮຸ່ງເຮືອງຍິ່ງໆຂຶ້ນ. ໂດຍ: ບຸນຊ້ອຍ ວິໄລພອນ

news to day and hot news