ວັນຈັນ, ວັນທີ 18 ພຶດສະພາ 2026
ປະກາດການບົ່ງຕົວແຕ່ງຕັ້ງເລຂາ, ຮອງເລຂາຄະນະພັກຮາກຖານ, ແຕ່ງຕັ້ງໜ້າທີ່ຂັ້ນພະແນກ ແລະ ປະດັບທຽບຊັ້ນ ໃຫ້ນາຍທະຫານ ທີ່ຮຽນຈົບວິຊາສະເພາະຈາກສາຍລັດ
ເວລາອອກຂ່າວ: 2026-05-05 09:11:51 | ຜູ້ຂຽນ : admin1 | ຈຳນວນຄົນເຂົ້າຊົມ: 131 | ຄວາມນິຍົມ: 
ພິທີປະກາດການບົ່ງຕົວແຕ່ງຕັ້ງເລຂາ, ຮອງເລຂາຄະນະພັກຮາກຖານຫ້ອງພະລາທິການ-ເຕັກນິກ, ແຕ່ງຕັ້ງໜ້າທີ່ ຂັ້ນພະແນກການ ແລະ ປະດັບທຽບຊັ້ນໃຫ້ນາຍທະຫານ ທີ່ຮຽນຈົບວິຊາສະເພາະຈາກສາຍລັດ ຂອງໂຮງຮຽນວັດທະນະທຳຊົນເຜົ່າກອງທັບ ໄດ້ຈັດຂຶ້ນໃນວັນທີ 28 ເມສາ 2026 ນີ້, ໂດຍການເປັນປະທານຂອງ ສະຫາຍ ພັນເອກ ເພັດສະໝອນ ວິລະວອນ ຮອງເລຂາຄະນະພັກ, ຫົວໜ້າການທະຫານ ໂຮງຮຽນວັດທະນະທຳຊົນເຜົ່າກອງທັບ, ມີຄະນະພັກ-ຄະນະອຳນວຍການ, ຄະນະຫ້ອງ, ກອງພັນ, ພະນັກງານຫຼັກແຫຼ່ງ ແລະ ພາກສ່ວນທີ່ກ່ຽວຂ້ອງ ເຂົ້າຮ່ວມ.
ສະຫາຍ ພັນໂທ ອຸໄລກອນ ກົມມະເມືອງ ກຳມະການຄະນະພັກ, ຮອງຫົວໜ້າຫ້ອງການເມືອງ ໂຮງຮຽນວັດທະນະທຳຊົນເຜົ່າກອງທັບ ໄດ້ຂຶ້ນຜ່ານມະຕິຕົກລົງ ຂອງຄະນະປະຈຳພັກ ວ່າດ້ວຍການບົ່ງຕົວແຕ່ງຕັ້ງ ເລຂາ-ຮອງເລຂາຄະນະພັກຮາກຖານ ຫ້ອງພະລາທິການ-ເຕັກນິກ ໃນນັ້ນ, ບົ່ງຕົວແຕ່ງຕັ້ງ ສະຫາຍ ພັນໂທ ບົວຄິດ ດາລາວົງ ເປັນເລຂາຄະນະພັກຮາກຖານ ຫ້ອງພະລາ
ທິການ-ເຕັກນິກ ແລະ ສະຫາຍ ພັນໂທ ຕຸ້ຍອຸດອນ ພິລາວົງ ເປັນຮອງເລຂາຄະນະພັກ ຫ້ອງພະລາທິການ-ເຕັກນິກ. ພ້ອມນັ້ນ, ຍັງໄດ້ຜ່ານຂໍ້ຕົກລົງ ວ່າດ້ວຍ
ການແຕ່ງຕັ້ງໜ້າທີ່ຂັ້ນພະແນກການ ໃນນັ້ນ, ແຕ່ງຕັ້ງ ສະຫາຍ ຮ້ອຍເອກ ສົມສັກ ສຸລະພັນ ເປັນຮອງຫົວໜ້າພະແນກກຳລົງພົນ ແລະ ຜ່ານຂໍ້ຕົກລົງ ວ່າດ້ວຍການປະດັບທຽບຊັ້ນ ໃຫ້ນາຍທະຫານທີ່ຮຽນຈົບຈາກສາຍລັດ ຈຳນວນ 35 ສະຫາຍ ໃນນີ້, ປະດັບທຽບຊັ້ນຮ້ອຍໂທ 34 ສະຫາຍ ແລະ ປະດັບທຽບຊັ້ນຮ້ອຍຕີ 1 ສະຫາຍ.
ໂດຍ: ໂອລິນ ມິ່ງມີໄຊ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
