POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 11 ພຶດສະພາ 2026

ແນວຄິດ ໄກສອນ ພົມວິຫານ ຕໍ່ກັບວຽກງານຂົນຂວາຍແມ່ຍິງ
ເວລາອອກຂ່າວ: 2026-04-24 09:36:54 | ຜູ້ຂຽນ : admin1 | ຈຳນວນຄົນເຂົ້າຊົມ: 451 | ຄວາມນິຍົມ:

ວຽກງານຂົນຂວາຍແມ່ຍິງ, ປະທານ ໄກສອນ ພົມວິຫານ ຖືວ່າການຂົນຂວາຍແມ່ຍິງ ແມ່ນໜ້າທີ່ ແລະ ຄວາມຮັບຜິດຊອບຂອງທົ່ວພັກ ປະທານມີຄຳເຫັນວ່າ: “ເອື້ອຍນ້ອງແມ່ຍິງຖືກກົດຂີ່ຂູດຮີດໜັກໜ່ວງ ໃນຂະບວນການຕໍ່ສູ້ປົດປ່ອຍຊາດຈົນມາເຖິງປັດຈຸບັນ. ເອື້ອຍນ້ອງແມ່ຍິງໄດ້ໄປຕາມພັກ ເພື່ອເຮັດການປະຕິວັດ, ມີການປະກອບສ່ວນຢ່າງໃຫຍ່ຫຼວງໃນການສ້າງໜ້າປະຫວັດສາດອັນສະຫງ່າລາສີຂອງຊາດ. ປະທານ ໄກສອນ ພົມວິຫານ ຫວັງວ່າ: ເອື້ອຍນ້ອງແມ່ຍິງເຮົາຈະແກ້ໄຂແນວຄິດຫຍໍ້ທໍ້ງໍ້ງ່ຽງ, ຖືແມ່ຍິງເປັນເພດອ່ອນແອ ບໍ່ມີຄວາມສາມາດໃນການເຮັດວຽກ ແລະ ຮ່ຳຮຽນເໝືອນເພດຊາຍ. ຄວາມພະຍາມຍາມບືນຕົວຂຶ້ນຢ່າງບໍ່ຮູ້ອິດຮູ້ເມື່ອຍຂອງເອື້ອຍນ້ອງໄດ້ປະກອບສ່ວນເຂົ້າໃນວຽກງານຂອງສັງຄົມ, ທັງເປັນການປະຕິບັດສິດສະເໝີພາບລະຫວ່າງຍິງ-ຊາຍ, ທັງເປັນການປົດປ່ອຍແມ່ຍິງເທື່ອລະກ້າວ. ການຕີລາຄາຂອງທ່ານປະທານຄືດັ່ງກ່າວນັ້ນເປັນການປຸກລະດົມອັນໃຫຍ່ຫຼວງ ຕໍ່ເອື້ອຍນ້ອງໃນພາລະກິດປົກປັກຮັກສາ ແລະ ສ້າງສາປະເທດຊາດ, ໄດ້ໃຫ້ຄວາມສຳຄັນທີ່ສຸດຕໍ່ການປົດປ່ອຍຈິນຕະນາການ ຊຶ່ງເປັນວຽກຈຳເປັນທຳອິດຕ້ອງໄດ້ເຮັດ ເນື່ອງຈາກວ່າທຸກພາລະກິດ, ໜ້າທີ່ວຽກງານຫາກຍັງມີແນວຄິດບໍ່ໂລ່ງ ບໍ່ມີຄວາມເຂົ້າໃຈ ກໍບໍ່ສາມາດຈະປະຕິບັດໄດ້ຢ່າງມີໝາກຜົນ, ປະທານໄດ້ເນັ້ນວ່າ: “ຍົກສູງຄວາມຕື່ນຕົວທາງດ້ານຊົນຊັ້ນ, ຄວາມຕື່ນຕົວກ່ຽວກັບສັງຄົມນິຍົມ, ເສີມຂະຫຍາຍນ້ຳໃຈຮັກຊາດ ແລະ ມູນເຊື້ອຂອງແມ່ຍິງໃຫ້ໄປຕາມເສັ້ນທາງສັງຄົມນິຍົມ ປະກອບສ່ວນຢ່າງຕັ້ງໜ້າເຂົ້າໃນການຍາດເອົາໄຊຊະນະອັນຕັດສິນມາໃຫ້ໜ້າທີ່ດັດສ້າງ ແລະ ກໍ່ສ້າງສັງຄົມນິຍົມ. ດັ່ງນັ້ນ, ຕ້ອງສຶກສາອົບຮົມແມ່ຍິງເຮົາ ໃຫ້ເຊື່ອມຊຶມກຳແໜ້ນບັນດາທັດສະນະໃຫຍ່ຂອງພັກ, ຕ້ອງເຊີດຊູສະຕິລະວັງຕົວປະຕິວັດ ໃຫ້ສູງຢູ່ສະເໝີເດັດດ່ຽວທັບມ້າງທຸກກົນອຸບາຍເລ່ລ່ຽມອັນເລິກແລບໂຫດຫ້ຽມຂອງສັດຕູເປັນຕົ້ນແມ່ນສົງຄາມຈິດຕະສາດ, ການຜັນປ່ຽນໂດຍສັນຕິ, ເຂົ້າຮ່ວມຢ່າງຕັ້ງໜ້າໃນການປະຕິບັດ 2 ໜ້າທີ່ຍຸດທະສາດຄື: ປົກປັກຮັກສາປະເທດຊາດ ແລະ ກໍ່ສ້າງສັງຄົມ. ໃນການສຶກສາອົບຮົມນັ້ນຕ້ອງເອົາໃຈໃສ່ເຖິງຈຸດພິເສດສະເພາະຂອງແມ່ຍິງ ເພື່ອຈະມີເນື້ອໃນຮູບການ ແລະ ວິທີການທີ່ສອດຄ່ອງ, ເຮັດແນວໃດໃຫ້ແຜນນະໂຍບາຍ, ນະໂຍບາຍຂອງພັກເຊື່ອມຊຶມເຂົ້າໃນຂະບວນການແມ່ຍິງນັບທັງແມ່ຍິງທີ່ກ້າວໜ້າຊ້າ ຫຼື ຫຼ້າຫຼັງກວ່າເພິ່ນ ໂດຍຜ່ານການເຄື່ອນໄຫວທາງດ້ານເສດຖະກິດ, ວັດທະນະທຳ ແລະ ສັງຄົມ ເພື່ອເຮັດໃຫ້ເນື້ອໃນສຶກສາອົບຮົມການເມືອງເຂົ້າສູ່ມະຫາຊົນຢ່າງງ່າຍດາຍ ແລະ ມີຜົນຕົວຈິງ”. ປະທານ ໄກສອນ ພົມວິຫານ ໄດ້ມີຄຳເຫັນສືບຕໍ່ພາລະກິດປົດປ່ອຍແມ່ຍິງທາງດ້ານຈິນຕະນາ ການ ໃນກອງປະຊຸມໃຫຍ່ຄັ້ງທີ II ຜູ້ແທນແມ່ຍິງລາວທົ່ວປະເທດ ປີ 1988 ວ່າ: “ຕ້ອງປ່ຽນແປງໃໝ່ກ່ຽວກັບຈິນຕະນາການໃນວຽກງານຂົນຂວາຍແມ່ຍິງ, ປ່ຽນແປງໃໝ່ກ່ຽວກັບເນື້ອໃນ ແລະ ແບບວິທີການເຄື່ອນໄຫວຂອງສະຫະພັນແມ່ຍິງ. ໝາຍຄວາມວ່າວຽກງານຂົນຂວາຍແມ່ຍິງ ເປັນຄວາມຮັບຜິດ ຊອບຂອງທົ່ວພັກ ແລະ ທົ່ວປວງຊົນ, ແຕ່ຫາກບໍ່ແມ່ນຂອງສະຫະພັນແມ່ຍິງຜູ້ດຽວ, ຈິງຢູ່ວ່າສະຫະ ພັນແມ່ຍິງເປັນອົງການຈັດຕັ້ງທີ່ພັກມອບໝາຍໃຫ້ເປັນທັງເສນາທິການ, ເປັນທັງອົງການຮັບຜິດຊອບການປຸກລະດົມ ແລະ ຈັດຕັ້ງຂະບວນການແມ່ຍິງ, ຕິດຕາມ ແລະ ກວດກາການປະຕິບັດທຸກແຜນນະໂຍບາຍ, ນະໂຍບາຍຂອງພັກ ແລະ ລັດກ່ຽວກັບແມ່ຍິງ” ອັນນີ້ເປັນຄວາມເລັ່ງທວງອັນຮີບດ່ວນສຳລັບຊຸກຍູ້ຂະບວນການແມ່ຍິງໄປສູ່ຄຸນນະພາບໃໝ່. ກ່ອນອື່ນຕ້ອງເຂົ້າໃຈແຈ້ງວ່າວຽກງານຂົນຂວາຍແມ່ຍິງເປັນໜ້າທີ່ປະຕິວັດອັນຍາວນານອັນໜຶ່ງ, ມັນບໍ່ພຽງແຕ່ກ່ຽວພັນເຖິງເພດຍິງທີ່ກວມກວ່າເຄິ່ງໜຶ່ງຂອງປະຊາກອນເທົ່ານັ້ນ, ແຕ່ຍັງກ່ຽວພັນເຖິງໝົດທັງສັງຄົມເວົ້າລວມ ແລະ ແຕ່ລະຄອບຄົວ ເວົ້າສະເພາະ, ທັງຕິດພັນຢ່າງສະໜິດແໜ້ນເຖິງການປົກປັນຮັກສາ ແລະ ການຂະຫຍາຍເຊື້ອພັນຂອງຊາດອີກດ້ວຍ. ດັ່ງນັ້ນ, ວຽກງານຂົນຂວາຍແມ່ຍິງຈຶ່ງຕ້ອງກວມໝົດທຸກຂົງເຂດເຊັ່ນ: ການເມືອງ, ເສດຖະກິດ, ສັງຄົມ, ວັດທະນະທຳ ແລະເຜົ່າຊົນ. ຂໍ້ມູນ: ສສຍລ

news to day and hot news