POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 11 ພຶດສະພາ 2026

ຄະນະແພດທະຫານ ແລະ ປົກຄອງ ກອງບັນຊາການທະຫານແຂວງຢາລາຍ ສສ ຫວຽດນາມ ເຄື່ອນໄຫວກວດສຸຂະພາບ, ຈ່າຍຢາ, ມອບຂອງຂວັນ ແລະ ທຶນຊ່ວຍເຫຼືອໃຫ້ປະຊາຊົນລາວ
ເວລາອອກຂ່າວ: 2026-04-20 09:09:21 | ຜູ້ຂຽນ : admin1 | ຈຳນວນຄົນເຂົ້າຊົມ: 100 | ຄວາມນິຍົມ:

ວັນທີ 24 ມີນາ 2026 ນີ້, ຄະນະແພດທະຫານ ແລະ ປົກຄອງ ທີ່ເດີນທາງມາຈາກກອງບັນຊາການທະຫານແຂວງຢາລາຍ ທະຫານ ເຂດ 5 ກອງທັບປະຊາຊົນຫວຽດນາມ, ເຊິ່ງນຳໂດຍ ສະຫາຍ ພັນເອກ ເລ ແທັງ ຕຸງ ຮອງຫົວໜ້າກອງບັນຊາການທະຫານແຂວງຢາລາຍ ພ້ອມດ້ວຍຄະນະ, ມີຄະນະພັກ-ຄະນະນຳວິຊາການແພດ ຈາກກອງບັນຊາການທະຫານແຂວງຈຳປາສັກ ແລະ ເມືອງຊະນະສົມບູນ ໄດ້ລົງເຄື່ອນໄຫວກວດສຸຂະພາບ, ຈ່າຍຢາ, ມອບຂອງຂວັນ ແລະ ທຶນຊ່ວຍເຫຼືອໃຫ້ແກ່ປະຊາຊົນ ຢູ່ທີ່ວັດບ້ານໜອງເມັກ ເມືອງຊະນະສົມບູນ ແຂວງຈຳປາສັກ, ໂດຍການຕ້ອນຮັບຂອງ ສະຫາຍ ບຸນເພັງ ສີລິວັດ ຮອງປະທານຄະນະກຳມະການປົກຄອງເມືອງຊະນະສົມບູນ ພ້ອມດ້ວຍ ອຳນາດການປົກຄອງບ້ານ ຕະຫຼອດຮອດປະຊາຊົນໃນ 7 ບ້ານ ຢ່າງອົບອຸ່ນ. ສະຫາຍ ພັນເອກ ເລ ແທັງ ຕຸງ ໄດ້ກ່າວສະແດງຄວາມຮູ້ສຶກດີໃຈທີ່ການນຳຂອງເມືອງ, ອຳ ນາດການປົກຄອງບ້ານ ກໍຄືປະຊາຊົນພາຍໃນ 7 ບ້ານ ຄື: ບ້ານໜອງເມັກ, ບ້ານບຸງຄ້າ, ບ້ານສີທວນ, ບ້ານອອກເມືອງ, ບ້ານຊອນພາກ, ບ້ານໃໝ່ສີງສຳພັນ ແລະ ບ້ານສຸລະ ທີ່ໄດ້ໃຫ້ການຕ້ອນຮັບຢ່າງອົບອຸ່ນ ແລະ ໄດ້ກ່າວຄວາມຢ້ຽມຢາມຖາມຂ່າວເຖິງຊີວິດການເປັນຢູ່, ດ້ານສຸຂະພາບ ຂອງພໍ່ແມ່ປະຊາຊົນ ດ້ວຍຄວາມເປັນຫວ່ງເປັນໃຍ, ເຊິ່ງສະຫາຍໄດ້ກ່າວວ່າ: ເພື່ອເສີມຂະຫຍາຍ ແລະ ສົ່ງເສີມສາຍພົວພັນຄວາມສາມັກຄີແບບພິເສດ, ທັງເປັນການແບ່ງເບົາຄວາມທຸກຍາກຂອງປະຊາຊົນຊາວແຂວງຈຳປາສັກ ແລະ ປະຕິບັດນະໂຍບາຍການຕ່າງປະເທດ, ຄະນະກຳມະການສູນກາງ, ກະຊວງປ້ອງກັນປະເທດ ແລະ ຄະນະພັກກອງບັນຊາການທະຫານ ເຂດ 5 , ຄະນະພັກ, ຄະນະກຳມະການປົກຄອງແຂວງຢາລາຍ ກໍຄືກອງບັນຊາການທະຫານແຂວງຢາລາຍ ສສ ຫວຽດນາມ ຈຶ່ງໄດ້ຈັດຕັ້ງຄະນະຜູ້ແທນ ແພດທະຫານ ແລະ ແພດປົກຄອງ ມາຢ້ຽມຢາມ, ມອບຂອງຂວັນ, ມອບອຸປະກອນການແພດ, ກວດສຸຂະ ພາບ, ຈ່າຍຢາ ແລະ ມອບທຶນຊ່ວຍເຫຼືອ ໃຫ້ແກ່ປະຊາຊົນ ພາຍໃນບ້ານຕ່າງໆ ຂອງເມືອງຊະນະສົມບູນ ແຂວງຈຳປາສັກ ເນື່ອງໃນໂອກາດວັນບຸນປີໃໝ່ລາວທີ່ໃກ້ຈະມາເຖິງນີ້ ແລະ ອວຍພອນ ໄຊອັນປະເສີດແດ່ການນຳຂັ້ນເມືອງ, ຕະຫຼອດຮອດອຳນາດການປົກຄອງ ແລະ ປະຊາຊົນໃນ 7 ບ້ານ ຈົ່ງມີສຸຂະພາບແຂງແຮງ, ມີພະລະນາໄມສົມບູນ, ຄອບຄົວມີຄວາມຜາສຸກ, ອວຍພອນແດ່ ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງ ສອງຊາດ, ສອງກອງທັບ ແລະ ປະຊາຊົນສອງຊາດ ລາວ-ຫວຽດນາມ ເວົ້າລວມ ເວົ້າສະ ເພາະ ກໍຄື ແຂວງຈຳປາສັກ ກັບ ແຂວງຢາລາຍ ໃຫ້ມີສາຍພົວພັນຮ່ວມມືອັນສະໜິດແໜ້ນ, ເພີ່ມພູນຄູນສ້າງ ແລະ ຍືນຍົງຕະຫຼອດໄປ. ໃນການເດີນທາງມາຢ້ຽມຢາມອວຍພອນປີໃໝ່ ແລະ ກວດພະຍາດ,ຈ່າຍຢາ ໃຫ້ປະຊາຊົນ ຈຳນວນ 1.000 ຄອບຄົວ, ມອບຂອງຂວັນ ຈຳນວນ 200 ຊຸດ ແຕ່ລະຊຸດມີມູນຄ່າ 500.000 ດົ້ງ ແລະ ທຶນຊ່ວຍເຫຼືອ ສ້ອມ ແປງເຮືອນໃຫ້ຄອບຄົວທີ່ທຸກຍາກ 5 ຄອບຄົວ, ຄອບຄົວລະ 20.000.000 ດົ້ງ. ໃນນີ້, ຄອບ ຄົວທະຫານ 3 ຄອບຄົວ ແລະ ຄອບຄົວ ປະຊາຊົນ 2 ຄອບຄົວ. ໂດຍ: ດາວົງ ບຸດຕະວົງ

news to day and hot news