POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 11 ພຶດສະພາ 2026

ກອງພັນໃຫຍ່ 605 ສະຫຼຸບການລົງເຝິກງານ ຂອງນັກສຶກສາປະລິນຍາຕີ ຊຸດທີ VII ທີ່ລົງມາເຝິກງານ
ເວລາອອກຂ່າວ: 2026-04-20 09:05:21 | ຜູ້ຂຽນ : admin1 | ຈຳນວນຄົນເຂົ້າຊົມ: 94 | ຄວາມນິຍົມ:

ວັນທີ 27 ມີນາ 2026 ນີ້, ກອງພັນໃຫຍ່ 605 ໄດ້ຈັດຕັ້ງສະຫຼຸບຕີລາຄາໂດຍຫຍໍ້ວຽກງານນັກສຶກສາ ປະລິນຍາຕີ ຊຸດທີ VII ຂອງວິທະຍາຄານການແພດກອງທັບ ທີ່ລົງມາເຝິກງານຢູ່ກອງພັນໃຫຍ່ 605 ແລະ ມອບນັກສຶກສາສົ່ງຄືນວິທະຍາຄານການແພດກອງທັບ, ໂດຍການເປັນປະທານຂອງ ສະຫາຍ ພັນເອກ ໄມສີ ມາວັນດີ ຫົວໜ້າການເມືອງ ກອງພັນໃຫຍ່ 605, ມີສະຫາຍ ພັນເອກ ຈັນພອນ ພົນຫາວົງ ຄະນະພັກ-ຄະນະອຳນວຍການວິທະຍາຄານການ ແພດກອງທັບ, ມີຄະນະພັກ-ຄະນະບັນຊາກອງພັນໃຫຍ່, ພະນັກງານທີ່ກ່ຽວຂ້ອງ ແລະ ນັກສຶກສາເຂົ້າຮ່ວມ. ສະຫາຍ ພັນໂທ ແສງທອງ ສີຫາລາດ ຫົວໜ້າຂະແໜງເສນາຮັກ ກອງພັນໃຫຍ່ 605 ໄດ້ຂຶ້ນສະຫຼຸບການສັງເກດຕີລາຄາໂດຍຫຍໍ້ກ່ຽວກັບການລົງມາເຝິກ ງານ ຂອງນັກສຶກສາຄະນະດັ່ງກ່າວ, ໂດຍໄດ້ຍົກໃຫ້ເຫັນດ້ານດີ, ດ້ານຄົງຄ້າງ ແລະ ບົດຮຽນທີ່ຖອດຖອນໄດ້, ໂດຍອີງຕາມແຜນການ ການຮັບນັກສຶກສາແພດປະລິນຍາຕີ ຊຸດທີ VII ລະບົບ 6 ປີ, ຫຼັງຈາກຮຽນຈົບຫຼັກສູດການຮຽນການສອນຈົບແລ້ວ ແລະ ໄດ້ລົງເຝິກງານ ວິຊາບັນຊາເສນາຮັກ ເພື່ອໃຫ້ຮັບຮູ້, ເຂົ້າໃຈແຈ້ງຕໍ່ບົດຮຽນວິຊາບັນຊາເສນາຮັກຂັ້ນກອງພັນໃຫຍ່, ກອງພັນ, ກອງຮ້ອຍ ແລະ ໜ້າທີ່ ຂອງຫົວໜ້າໂຮງໝໍ ກອງພັນໃຫຍ່ ເພື່ອນຳເອົາໜ້າທີ່ດັ່ງກ່າວເຂົ້າໃນບົດລາຍງານໃນການສອບເສັງຈົບຊັ້ນຂອງຕົນ, ການລົງເຝິກງານຕົວຈິງຄັ້ງນີ້ ແມ່ນໄດ້ລົງຂະແໜງເສນາຮັກກອງພັນໃຫຍ່, ໂຮງໝໍ 15 ຕຽງ, 3 ກອງພັນ ແລະ 4 ກອງຮ້ອຍເອກະລາດ, ເຊິ່ງວຽກງານທີ່ລົງຕົວຈິງ ແມ່ນ ໃຫ້ຮູ້ໜ້າທີ່ເສນາຮັກຂອງກອງພັນໃຫຍ່, ກອງພັນ, ກອງຮ້ອຍ ແລະ ໂຮງໝໍ ໃນການປະຕິບັດໜ້າທີ່ ໃນນີ້, ມີການປິ່ນປົວ, ປ້ອງກັນພະຍາດຕາມລະດູການ, ວຽກງານອົບຮົມຫັດແອບວິຊາສະເພາະ, ວຽກງານກຽມພ້ອມສູ້ຮົບໄລຍະປົກກະຕິ, ເພີ່ມທະວີ ແລະ ໄລຍະຄົບຖ້ວນ, ວຽກງານບໍລິຫານເສນາຮັກ, ວຽກງານແຜນການຂອງເສນາຮັກໃນຍາມສັນຕິພາບ ແລະ ແຜນການກຽມພ້ອມສູ້ຮົບ, ວຽກງານສະຖິຕິຂອງເສນາຮັກຮູ້ທີ່ຕັ້ງການພົວພັນຂອງເສນາຮັກຂັ້ນກອງພັນໃຫຍ່, ກອງພັນ, ກອງຮ້ອຍ ແລະ ໂຮງໝໍ, ຈຸດປະສົງ ກໍເພື່ອໃຫ້ນັກສຶກສາ ສາມາດຮັບຮູ້ໄດ້ໜ້າທີ່ດັ່ງກ່າວ ແລະ ສາມາດບັນຊາໄດ້, ເຊິ່ງການລົງເຝິກງານຕົວຈິງຄັ້ງນີ້ເປັນເວລາ 25 ວັນ, ເຫັນໄດ້ວ່ານັກສຶກສາທຸກສະຫາຍ ກໍ່ໄດ້ເອົາໃຈໃສ່ຮ່ຳ ຮຽນ ແລະ ສາມາດຮັບຮູ້ບົດຮຽນໄດ້ດີພໍສົມຄວນ. ໂດຍ: ນາງ ໜູແດງ ລາດສະແກ້ວ

news to day and hot news