ວັນຈັນ, ວັນທີ 11 ພຶດສະພາ 2026
ທະຫານເມືອງພຽງ ແຂວງໄຊຍະບູລີ ປະກາດການຈັດຕັ້ງ
ເວລາອອກຂ່າວ: 2026-04-20 09:03:51 | ຜູ້ຂຽນ : admin1 | ຈຳນວນຄົນເຂົ້າຊົມ: 99 | ຄວາມນິຍົມ: 
ວັນທີ 25 ມີນາ 2026 ນີ້, ກອງບັນຊາການທະຫານເມືອງພຽງ ແຂວງໄຊຍະບູລີ ໄດ້ຈັດພິທີປະກາດການຈັດຕັ້ງ ຢູ່ທີ່ສະໂມສອນຫ້ອງວ່າການປົກຄອງ
ເມືອງພຽງ ແຂວງໄຊຍະບູລີ, ໂດຍການເປັນປະທານຂອງ ສະຫາຍ ເສນ ພັນລັກ ກຳມະການພັກແຂວງ, ເລຂາຄະນະບໍລິຫານງານພັກເມືອງພຽງ, ມີສະຫາຍ ພັນໂທ ສີປະເສີດ ສອນພັນ ຄະນະພັກກອງບັນຊາການ, ຫົວໜ້າຫ້ອງການເມືອງ ກອງບັນຊາການທະຫານແຂວງໄຊຍະບູລີ, ມີບັນດາພະແນກການຂອງເມືອງ, ຄະນະພັກ-ຄະນະບັນຊາ, ພະນັກງານ-ນັກຮົບພາຍໃນກົມກອງເຂົ້າຮ່ວມ.
ສະຫາຍ ພັນໂທ ທອງໃບ ແກ້ວອຸດົມ ຫົວໜ້າພະແນກຈັດຕັ້ງພັກ ກອງບັນຊາການທະຫານແຂວງໄຊຍະບູລີ ໄດ້ຂຶ້ນຜ່ານຂໍ້ຕົກລົງຂອງກະຊວງປ້ອງກັນປະເທດ ວ່າດ້ວຍການອະນຸມັດໃຫ້ນາຍທະຫານຢູ່ກອງບັນຊາການທະຫານແຂວງໄຊຍະບູລີ ພັກການເພື່ອກຽມຮັບບຳນານ ແລະ ຂໍ້ຕົກລົງ ວ່າດ້ວຍການແຕ່ງ
ຕັ້ງຫົວໜ້າການທະຫານ ກອງບັນຊາການທະຫານເມືອງພຽງ ຂຶ້ນກັບກອງບັນຊາການທະຫານແຂວງໄຊຍະບູລີ. ອີງຕາມ ກົດໝາຍ ວ່າດ້ວຍນາຍທະຫານກອງທັບປະຊາຊົນລາວ, ອີງຕາມທິດທາງກ່ຽວກັບການປັບປຸງບູລະນະກົງຈັກການຈັດຕັ້ງນຳພາ-ບັນຊາໃນກຳລັງປະກອບອາວຸດໃຫ້ເຂັ້ມແຂງ, ໜັກແໜ້ນຮອບດ້ານ ເພື່ອເຮັດສຳເລັດໜ້າທີ່ປົກປັກຮັກສາ ແລະ ພັດທະນາປະເທດຊາດ. ເຊິ່ງໃນນີ້, ກະຊວງປ້ອງກັນປະເທດ ຕົກລົງອະນຸມັດໃຫ້ ສະຫາຍ ພັນໂທ ຫັນ ອາລຸນ ຫົວໜ້າການທະຫານ ກອງບັນຊາການທະຫານເມືອງພຽງ ແຂວງໄຊຍະບູລີ ພັກການເພື່ອກຽມຮັບບຳນານ ແລະ ແຕ່ງຕັ້ງ ສະຫາຍ ພັນໂທ ຈັນທອງ ຈັນຟອງ ເປັນຫົວໜ້າການທະຫານ ກອງບັນຊາການທະຫານເມືອງພຽງ ແຂວງໄຊຍະບູລີ. ຈາກນັ້ນ, ທ່ານ ສາຄອນ ແກ້ວສຸຂະວົງ ຮອງຫົວໜ້າຄະນະຈັດຕັ້ງເມືອງພຽງ ໄດ້ຂຶ້ນຜ່ານມະຕິຕົກລົງ ວ່າດ້ວຍການແຕ່ງຕັ້ງຮອງເລຂາຄະນະພັກຮາກຖານ ກອງບັນຊາການທະຫານເມືອງພຽງ ອີງຕາມກົດລະບຽບ ຂອງພັກປະຊາຊົນປະຕິວັດລາວ ວ່າດ້ວຍການບົ່ງຕົວແຕ່ງຕັ້ງ, ຍົກຍ້າຍ ແລະ ການສິ້ນສຸດເປັນກຳມະການຄະນະພັກ ແລະ ອີງຕາມ ການຕົກລົງເຫັນດີເປັນເອກະພາບຂອງຄະນະປະຈຳພັກເມືອງ, ຄະນະປະຈຳພັກເມືອງຕົກລົງ ອະນຸມັດແຕ່ງຕັ້ງ ສະຫາຍ ພັນໂທ ຈັນທອງ ຈັນຟອງ ຫົວໜ້າການທະຫານ ກອງບັນຊາການທະຫານເມືອງພຽງ ເປັນຮອງເລຂາຄະນະພັກຮາກຖານ ກອງບັນຊາການທະຫານເມືອງພຽງ.
ໂອກາດນີ້, ໄດ້ມອບ-ຮັບໜ້າທີ່ລະຫວ່າງ ສະຫາຍ ພັນໂທ ຫັນ ອາລຸນ ຫົວໜ້າການທະຫານ ກອງບັນຊາການທະຫານເມືອງພຽງ ຜູ້ເກົ່າ ກັບ ສະຫາຍ ພັນໂທ ຈັນທອງ ຈັນຟອງ ຫົວໜ້າການທະຫານ ກອງບັນຊາການທະຫານເມືອງພຽງຜູ້ໃໝ່.
ໂດຍ: ໄຊຍະສັກ ມະນີວັນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
