ວັນຈັນ, ວັນທີ 20 ເມສາ 2026
ໂຮງຮຽນກໍ່ສ້າງນາຍສິບ ເລກ 2 ວຽງໄຊ ປະກາດການເລື່ອນຊັ້ນໃຫ້ນາຍທະຫານ
ເວລາອອກຂ່າວ: 2026-04-09 09:10:32 | ຜູ້ຂຽນ : admin1 | ຈຳນວນຄົນເຂົ້າຊົມ: 430 | ຄວາມນິຍົມ: 
ໃນວັນທີ 7 ເມສາ 2026 ນີ້, ໂຮງຮຽນກໍ່ສ້າງນາຍສິບເລກ 2 ວຽງໄຊ ໄດ້ປະກາດການ ເລື່ອນຊັ້ນໃຫ້ນາຍທະຫານຂອງ ຕົນ, ໂດຍການເປັນປະທານ ຂອງ ສະຫາຍ ພັນເອກ ບຸນມີ ໄຕໄຊຍະວົງ ຮອງຫົວໜ້າການ ເມືອງໂຮງຮຽນ, ມີຄະນະພັກ- ຄະນະບັນຊາ ຫ້ອງການ, ກອງ ພັນ, ພະແນກການທີ່ກຽ່ວຂອ້ງ ຕະຫຼອດຮອດພະນັກງານທີ່ໄດ້ຮັບຊັ້ນໃໝ່ ເຂົ້າຮ່ວມ.
ສະຫາຍ ພັນໂທ ທິດສະດີ ອຸດທະວົງ ຫົວໜ້າພະແນກພະນັກງານໂຮງຮຽນກໍ່ສ້າງນາຍສິບ ເລກ 2 ວຽງໄຊ ໄດ້ຜ່ານຂໍ້ຕົກລົງຂອງກົມໃຫຍ່ການເມືອງກອງທັບ ວ່າດ້ວຍການປະດັບທຽບຊັ້ນ ນາຍທະຫານ ໃຫ້ນັກຮຽນທີ່ຮຽນ
ຈົບວິຊາສະເພາະຈາກສາຍລັດ ຢູ່ໂຮງຮຽນກໍ່ສ້າງນາຍສິບ ເລກ 2 ວຽງໄຊ, ອີງຕາມມາດຕາ 19 ແລະ 20 ຂອງກົດໝາຍວ່າດວ້ຍນາຍທະຫານກອງທັບປະຊາ ຊົນລາວ, ໃນນີ້ ກົມໃຫຍ່ການເມືອງກອງທັບຕົກ ລົງ ປະດັບທຽບຊັ້ນ ຮ້ອຍໂທ 6 ສະຫາຍ, ຊັ້ນຮ້ອຍຕີ 1 ສະຫາຍ.
ໂອກາດນີ້, ສະຫາຍ ພັນເອກ ບຸນມີ ໄຕໄຊຍະວົງ ໄດ້ສະແດງຄວາມຍ້ອງຍໍຊົມເຊີຍຕໍ່ພະນັກງານທີ່ໄດ້ຮັບການປະດັບຊັ້ນຄັ້ງນີ້ ແລະ ເນັ້ນໜັກໃຫ້ບັນດາສະຫາຍທີ່ໄດ້ຮັບການທຽບຊັ້ນໃໝ່ຈົ່ງເອົາໃຈໃສ່ຝຶກຝົນຫຼໍ່ຫຼອມຕົນເອງຢ່າງຮອບດ້ານ, ເສີມຂະຫຍາຍຫົວຄິດປະດິດສ້າງ ເຂົ້າໃນແບບແຜນວິທີເຮັດວຽກ, ເພີ່ມທະວີການນໍາພາບັນຊາ, ມີແບບແຜນດໍາລົງຊີວິດທີ່ປອດໃສຂາວສະອາດ, ເອົາໃຈໃສ່ເຮັດສຳເລັດວຽກງານທີ່ການຈັດຕັ້ງມອບໝາຍໃຫ້ມີຜົນສໍາເລັດເປັນຢ່າງສູງ ສ້າງ
ໃຫ້ຕົນເອງກາຍເປັນພະນັກງານຜູ້ສືບທອດທີ່ດີຂອງກອງທັບ.
ໂດຍ: ຄຳແປງ ຟອງສາຍໄໝ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
