ວັນຈັນ, ວັນທີ 20 ເມສາ 2026
ຮອງອຳນວຍການ ໂຮງງານປະສານເຫຼົ່າພາກກາງ ອວຍພອນ ກຳລັງປ້ອງກັນຄວາມສະຫງົບ ເມືອງອຸທຸມພອນ
ເວລາອອກຂ່າວ: 2026-04-09 09:09:22 | ຜູ້ຂຽນ : admin1 | ຈຳນວນຄົນເຂົ້າຊົມ: 438 | ຄວາມນິຍົມ: 
ໃນວັນທີ 2 ເມສາ 2026 ນີ້, ສະຫາຍ ພັນໂທ ບຸນຕາ ພິມມະໄລສອນ ຮອງອຳນວຍການໂຮງງານປະສານເຫຼົ່າພາກກາງ ພ້ອມດ້ວຍຄະນະ ໄດ້ນຳກະຕ່າຂອງຂວັນ ອວຍພອນການນຳກອງບັນຊາການປ້ອງກັນຄວາມສະຫງົບເມືອງອຸທຸມພອນ, ເນື່ອງໃນໂອກາດວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 65 ປີ ( 5 ເມສາ 1961-5 ເມສາ 2026), ໂດຍການຕ້ອນຮັບຂອງ ສະຫາຍ ພັນໂທ ສົມສັກ ຈັນທະລາສອນ ຫົວໜ້າກອງບັນຊາການປ້ອງກັນຄວາມສະຫງົບ ເມືອງອຸທຸມພອນ ພ້ອມດ້ວຍຄະນະ.
ສະຫາຍ ພັນໂທ ບຸນຕາ ພິມມະໄລສອນ ໄດ້ສະແດງຄວາມຢ້ຽມຢາມຖາມຂ່າວມາຍັງ ນາຍ ແລະ ພົນຕຳຫຼວດ ເນື່ອງໃນວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 65 ປີ ທີ່ໝູນວຽນມາຄົບຮອບອີກວາລະໜຶ່ງ ພ້ອມທັງອວຍພອນໄຊອັນປະເສີດມາຍັງ ຄະນະພັກ - ຄະນະບັນຊາ ກອງບັນຊາການປ້ອງກັນຄວາມສະຫງົບ ເມືອງອຸທຸມພອນ ຕະຫຼອດຮອດ ນາຍ ແລະ ພົນຕຳ
ຫຼວດ ຈົ່ງມີສຸຂະພາບເຂັ້ມແຂງ ພ້ອມກັນເຮັດສຳເລັດທຸກໜ້າທີ່ວຽກງານທີ່ພັກ-ລັດ ມອບໝາຍໃຫ້, ພ້ອມກັນເອົາໃຈໃສ່ປັບປຸງກໍ່ສ້າງກຳລັງ, ກົມກອງ ໃຫ້ເຕີບໃຫຍ່ຂະຫຍາຍຕົວ ເຂັ້ມແຂງຢ່າງບໍ່ຢຸດຢັ້ງ.
ໂອກາດນີ້, ສະຫາຍ ພັນໂທ ສົມສັກ ຈັນທະລາສອນ ກໍໄດ້ສະແດງຄວາມຂອບໃຈມາຍັງ ຄະນະພັກ - ຄະນະບັນຊາ ໂຮງງານປະສານເຫຼົ່າພາກກາງທີ່ນຳເອົາຄວາມຢື້ຢາມຖາມຂ່າວມາຮອດມາເຖິງໃນຄັ້ງນີ້, ສະຫາຍ ໄດ້ໃຫ້ຄຳໝັ້ນ
ສັນຍາວ່າຈະເພີ່ມທະວີຄວາມສາມັກຄີປອງດອງ ລະຫວ່າງ ກອງບັນຊາການປ້ອງກັນຄວາມສະຫງົບເມືອງອຸທຸມພອນ ກັບໂຮງງານປະສານເຫຼົ່າພາກກາງ ໃຫ້ດີຂຶ້ນເລື້ອຍໆ, ຄຽງບ່າຄຽງໄຫຼ່ປົກປັກຮັກສາຄວາມສະຫງົບສຸກ, ອຳນວຍຄວາມສະດວກ ປະສານງານກັນຢ່າງແໜ້ນແຟ້ນ, ສາມັກຄີຮັກແພງ, ຊ່ວຍເຫຼືອເຊິ່ງ
ກັນ ແລະ ກັນຕະຫຼອດໄປ.
ນັກຂ່າວ: ໂຮງງານປະສານເຫຼົ່າພາກກາງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
