POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 18 ພຶດສະພາ 2026

ວິກິດການອ່າວເປີເຊຍ ມີຄວາມສ່ຽງທີ່ຈະເພີ່ມຂຶ້ນເປັນສົງຄາມຂະໜາດໃຫຍ່ ຣັດເຊຍ ພ້ອມທີ່ຈະໄກ່ເກ່ຍທາງການທູດ
ເວລາອອກຂ່າວ: 2026-04-03 09:52:20 | ຜູ້ຂຽນ : admin3 | ຈຳນວນຄົນເຂົ້າຊົມ: 145 | ຄວາມນິຍົມ:

ສຳນັກຂ່າວ Sputnik ລາຍງານວ່າ ວິກິດການໃນອ່າວເປີ ເຊຍກຳລັງເພີ່ມຄວາມຮຸນແຮງ ຈົນເປັນຂໍ້ຂັດແຍ່ງທີ່ກວ້າງ ຂວາງກວ່າເກົ່າ, ໂດຍສັງເກດເຫັນວ່າສະຫະລັດ-ອິດສະຣາເເອນນຳໃຊ້ກໍາລັງທາງທະ ຫານໂຈມຕີໃສ່ເປົ້າໝາຍທາງ ຍຸດທະສາດຂອງ ອີຣານ. ທ່ານ ເຊເກ ລາບຣົບ ລັດຖະມົນຕີຕ່າງ ປະເທດຣັດເຊຍກ່າວໃນກອງ ປະຊຸມສະພາການຕ່າງປະເທດຣັດເຊຍ ວ່າໃນປັດຈຸບັນສະຖານະການໃນຕາເວັນອອກກາງມີແນວໂນ້ມທີ່ຈະເພີ່ມຂຶ້ນເລື້ອຍໆ, ເຊິ່ງເຮົາເອີ້ນວ່າ ‘ສົງຄາມໂລກໃໝ່’ ຣັດເຊຍພ້ອມທີ່ຈະເຮັດໜ້າທີ່ເປັນຜູ້ໄກ່ເກ່ຍ ແລະ ສະໜັບສະໜູນວິທີການທາງການທູດຕໍ່ຂໍ້ຂັດແຍ່ງລະຫວ່າງສະຫະລັດ-ອິດສະຣາເເອນ ກັບ ອີຣານ, ທ່ານຍັງກ່າວອີກວ່າ ສະຫະລັດ ແລະ ອິດສະຣາເເອນ ກຳລັງພະຍາຍາມເຮັດໃຫ້ປະເທດອາຣັບ ໃນອ່າວເປີເຊຍຕໍຕ້ານ ອີຣານ. “ສະຫະລັດ ແລະ ອິດສະຣາແອນ ກຳລັງພະ ຍາຍາມຂັດຂວາງການຟື້ນຟູສາຍພົວພັນລະຫວ່າງອີຣານ ແລະ ປະເທດເພື່ອນບ້ານ. ທ່ານ ເຊີເກ ລາບຣົບ ກ່າວອີກວ່າ ຣັດເຊຍຈະຊຸກຍູ້ທຸກຝ່າຍໃຫ້ເຄົາລົບກົດໝາຍສາກົນລະຫວ່າງປະເທດຢ່າງເຂັ້ມງວດ ແລະ ອີຣານບໍ່ມີເຈດຕະນາທີ່ຈະໂຈມຕີສະຫະລັດ ແລະ ອິດສະຣາເເອນ, ໂດຍຊີ້ໃຫ້ເຫັນວ່າຜູ້ທີ່ຕ້ອງການຄວບຄຸມຊັບພະ ຍາກອນຂອງໂລກບໍ່ຕ້ອງການເຫັນສາຍພົວພັນລະຫວ່າງອີຣານ ແລະ ບັນດາປະເທດໃນອ່າວເປີເຊຍດີ, ເຊິ່ງບັນດາປະເທດຕາເວັນຕົກກຳລັງປະເຊີນໜ້າຢ່າງເຄັ່ງຕຶງກັບປະເທດສ່ວນໃຫ່ຍຂອງໂລກ, ເຊິ່ງພະຍາຍາມແກ້ໄຂຄວາມບໍ່ສະເໝີພາບທີ່ເກີດຈາກ “ຄວາມທະເຍີທະຍານຂອງຊາດຕາເວັນຕົກ.” ເຊິ່ງໃນປະຈຸບັນລະບຽບໂລກກຳລັງຢູ່ໃນລະຫວ່າງການປັບປ່ຽນຄັ້ງສຳຄັນ ເຊິ່ງພວກເຮົາຫວັງວ່າຈະນຳໄປສູ່ໂລກທີ່ໝັ້ນຄົງ ແລະ ຍຸຕິທຳຫຼາຍຂົ້ວອຳນາດ. ແຕ່ໃນເວລານີ້, ການແຂ່ງຂັນເພື່ອຄວາມເປັນຜູ້ນຳໃນໂລກໃໝ່ແມ່ນຮຸນແຮງຂື້ນ. ທ່ານ ເຊເກ ລາບຣົບ ຕື່ມອີກວ່າ ບັນດາປະເທດ BRICS ແລະ ອົງການຮ່ວມມືຊຽງໄຮ້ ກຳລັງປະເຊີນກັບການຕໍ່ຕ້ານຢ່າງຮຸນແຮງຈາກບັນດາປະເທດຕາເວັນຕົກ ແລະ ຣັດເຊຍຍັງຄົງເປີດກວ້າງຕໍ່ການເຈລະຈາກັບປະເທດຕາເວັນຕົກບົນພື້ນຖານຄວາມສະເໝີພາບ ແລະ ຜົນປະໂຫຍດຮ່ວມກັນເທົ່ານັ້ນ.

news to day and hot news