POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 11 ພຶດສະພາ 2026

ໂລກກຳລັງຫັນມາເປັນຫຼາຍຂົ້ວຫຼາຍຂຶ້ນ, ທຶນທົ່ວໂລກຮ່ວມກັນ “ສົ່ງສາຍຕາມາຍັງທິດຕາເວັນອອກ”
ເວລາອອກຂ່າວ: 2026-04-01 09:49:06 | ຜູ້ຂຽນ : admin3 | ຈຳນວນຄົນເຂົ້າຊົມ: 76 | ຄວາມນິຍົມ:

ວິທະຍຸໂທລະພາບສູນກາງຈີນ CMG ລາຍງານວ່າ: ໃນກອງປະຊຸມເວທີປຶກສາຫາລືລະດັບສູງ ການພັດທະນາຈີນ ປະຈຳປີ 2026 ທີ່ຈັດຂຶ້ນຢູ່ນະຄອນຫຼວງປັກກິ່ງ ຂອງຈີນ ໃນທ້າຍເດືອນມີນາ ນີ້, ຜູ້ນຳວິສາຫະກິດຂ້າມຊາດ ປະມານ 100 ຄົນ ໄດ້ເຕົ້າໂຮມກັນເພື່ອຮ່ວມກັນຕອບສະ ໜອງ “ການນັດໝາຍໃນລະດູໃບໄມ້ປົ່ງ” ຂອງຈີນ. ເຫດຜົນຢູ່ເບື້ອງຫລັງຂອງເລື່ອງນີ້ຄືດັ່ງຄຳປາໄສຂອງທ່ານ ຫລີສຽງ ນາຍົກລັດຖະມົນຕີຈີນ ໃນພິທີໄຂກອງປະຊຸມດັ່ງກ່າວທີ່ລະບຸວ່າ: ຈີນ ສຸມໃສ່ຈະກາຍເປັນ “ເສົາຄ້ຳແຫ່ງຄວາມແນ່ນອນ” ແລະ “ທ່າກຳປັ່ນແຫ່ງຄວາມໝັ້ນທ່ຽງ” ຂອງໂລກ. ຄວາມແນ່ນອນ ແລະ ຄວາມ ໝັ້ນທ່ຽງດັ່ງກ່າວ ມາຈາກຄວາມໜັກແໜ້ນດ້ານຍຸດທະສາດຂອງແຜນແມ່ບົດ ວ່າດ້ວຍການພັດ ທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ 15 ເຊິ່ງເປັນເອ ກະສານຫຼັກນະໂຍບາຍການພັດທະນາເສດຖະກິດ-ສັງຄົມແຫ່ງຊາດຂອງຈີນ ໃນ 5 ປີຂ້າງໜ້າ ທີ່ໄດ້ກຳນົດ 7 ເປົ້າໝາຍຕົ້ນ ຕໍຢ່າງຈະແຈ້ງ, ລວມເຖິງເປົ້າໝາຍ “ການພັດທະນາທີ່ມີຄຸນນະພາບສູງໄດ້ຮັບປະສິດທິຜົນຢ່າງພົ້ນເດັ່ນ”. ທ່ານ ແບຣນດັນ ຕັນຊີ ຜູ້ອຳນວຍການໃຫຍ່ ບໍລິສັດກຳ ປັ່ນທ່ອງທ່ຽວວິຄິງ (Viking Cruises) ປະຈຳຈີນ ໃຫ້ຮູ້ວ່າ: ແຜນພັດທະນາຂອງຈີນ ມີລັກ ສະນະເບິ່ງກວ້າງເຫັນໄກ ແລະ ມີຄວາມແນ່ນອນໃນລະດັບສູງ ເຊິ່ງເປັນທ່າແຮງດ້ານການແຂ່ງຂັນໃນຂົງເຂດສຳຄັນ ແລະ ເປັນສາເຫດທີ່ພວກເຮົາກ້າເພີ່ມການລົງທຶນຢູ່ຈີນ ຫຼາຍກວ່າເກົ່າ. ຄວາມແນ່ນອນ ແລະ ຄວາມໝັ້ນທ່ຽງດັ່ງກ່າວມາຈາກທ່າ ແຮງບົ່ມຊ້ອນອັນມະຫາສານຂອງຕະຫຼາດຂະໜາດໃຫຍ່ພິເສດຂອງຈີນ. ປີນີ້, ລັດຖະບານຈີນ ໄດ້ຖືເອົາ “ການສຸມໃສ່ສ້າງຕະຫຼາຍພາຍໃນທີ່ເຂັ້ມແຂງ” ເປັນວຽກງານບຸລິມະສິດ. ໃນກອງປະຊຸມເວທີປຶກສາຫາລື ດັ່ງກ່າວ, ຈີນ ໄດ້ໃຫ້ຄຳໝັ້ນສັນຍາວ່າຈະນຳເຂົ້າສິນຄ້າທີ່ມີຄຸນນະພາບສູງຈາກຕ່າງປະເທດຫຼາຍກວ່າເກົ່າ ເພື່ອຮ່ວມກັນສົ່ງເສີມການເຕີບໂຕລວມຂອງເສດຖະກິດການຄ້າໃນທົ່ວໂລກ. ຄວາມແນ່ນອນ ແລະ ຄວາມໝັ້ນທ່ຽງດັ່ງກ່າວມາຈາກຄວາມສາມາດດ້ານການປະດິດສ້າງທີ່ເຂັ້ມແຂງຂອງຈີນ. ສຳລັບທຶນຕ່າງປະເທດແລ້ວ, ຈີນ ບໍ່ພຽງແຕ່ເປັນ “ໂຮງງານໂລກ” ເທົ່ານັ້ນ, ຍັງເປັນສູນກາງແຫ່ງການປະຍຸກໃຊ້ ແລະ ປະດິດສ້າງດ້ານວິທະຍາສາດເຕັກໂນໂລຊີທີ່ນຳໜ້າໂລກອີກດ້ວຍ. ໜັງສືພິມ Financial Times ຂອງອັງກິດ ຕີລາຄາວ່າ: ຈີນ ຈະກາຍເປັນສະ ໜາມທົດລອງ ແລະ ໝາກປິ່ນຊີ້ທິດຕົວຊ່ວຍອັດສະລິຍະ ຫຼື AI Agent. ຄວາມແນ່ນອນ ແລະ ຄວາມໝັ້ນທ່ຽງດັ່ງກ່າວມາຈາກ “ການເປີດປະຕູສູ່ພາຍນອກ” ທີ່ນັບມື້ນັບກວ້າງຂວາງກວ່າເກົ່າຂອງຈີນ ອີກດ້ວຍ. ຈາກການສ້າງຕັ້ງດ່ານພາສີອິດສະຫລະທົ່ວເກາະໄຫຫຼຳ ຮອດແຜນພັດທະນາ 5 ປີ ຄັ້ງທີ 15 ໄດ້ຈັດວາງດ້ານການເປີດກວ້າງການເປີດປະຕູສູ່ພາຍນອກທີ່ມີລະດັບສູງໂດຍສະເພາະ, ຈີນ ໄດ້ສົ່ງສັນຍານຢ່າງຈະແຈ້ງດ້ວຍມາດຕະການຕ່າງໆທີ່ຕິດແທດຕົວຈິງວ່າ: ຈີນ ຈະບໍ່ອັດປະຕູ ຫາກຈະນັບມື້ນັບເປີດກວ້າງການເປີດປະຕູສູ່ພາຍນອກ. ໃນໄລຍະເດືອນມັງກອນ ຫາ ເດືອນກຸມພາ ປີນີ້, ຈີນ ໄດ້ສ້າງຕັ້ງວິສາຫະກິດລົງທຶນຈາກນັກທຸລະກິດຕ່າງ ປະເທດໃໝ່ເຖິງ 8.631 ແຫ່ງ, ເພີ່ມຂຶ້ນ 14% ເມື່ອທຽບໃສ່ໄລຍະດຽວກັນຂອງປີ 2025, ຄຳເວົ້າທີ່ວ່າ “ການລົງທຶນຕໍ່ຈີນ ກໍແມ່ນລົງທຶນຕໍ່ອະນາຄົດ” ໄດ້ກາຍເປັນຄວາມເຫັນທີ່ເປັນເອກະພາບກັນຂອງທຶນຕ່າງປະເທດໄປແລ້ວ, ເຮັດໃຫ້ສາຍຕາຊາວໂລກກຳລັງຫັນມາເປັນຫຼາຍຂົ້ວຫຼາຍຂຶ້ນ, ທຶນທົ່ວໂລກຮ່ວມກັນ “ສົ່ງສາຍຕາມາຍັງທິດຕາເວັນອອກ”, ເຊິ່ງມີທ່າອ່ຽງໝັ້ນຄົງ ຍືນຍົງ ແລະ ຍຸຕິທຳກວ່າ. ໃນທ່າມກາງຄວາມຜັນຜວນບໍ່ໝັ້ນທ່ຽງດ້ານພະລັງງານ, ຈີນ ຍິນດີຮ່ວມກັບປະຊາຄົມໂລກເພື່ອແກ້ໄຂບັນຫາຄວາມໝັ້ນຄົງດ້ານພະລັງງານ. ເນື່ອງຈາກເກີດ ສົງຄາມ ລະຫວ່າງ ອາເມຣິກາ ແລະ ອິດສະຣາແອນ ກັບ ອີຣານ ເຮັດໃຫ້ລາຄາພະລັງງານເໜັງຕີງ, ໂດຍສະເພາະແມ່ນຜົນກະທົບຮ້າຍແຮງຕໍ່ປະເທດໃນອາຊີຕາເວັນ ອອກສ່ຽງໃຕ້. ສະຖານະການຢູ່ພາກພື້ນຕາ ເວັນອອກກາງໃນປັດຈຸບັນນີ້ສົ່ງຜົນກະທົບຕໍ່ຄວາມໝັ້ນຄົງດ້ານພະລັງງານຂອງໂລກ, ຄວາມສະດວກຂອງຕ່ອງໂສ້ການຜະລິດ ແລະ ການສະໜອງ ແລະ ລະບຽບ ການຄ້າສາກົນ. ປະເທດທີ່ກ່ຽວ ຂ້ອງຄວນຢຸດຕິການເຄື່ອນໄຫວທາງການທະຫານໃນທັນທີເພື່ອປ້ອງກັນບໍ່ໃຫ້ຄວາມບໍ່ໝັ້ນຄົງໃນພາກພື້ນສົ່ງຜົນກະທົບຕໍ່ການພັດທະນາເສດຖະກິດຂອງໂລກຕື່ມອີກ.

news to day and hot news