POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 18 ພຶດສະພາ 2026

ອຳນາດການປົກຄອງ ແລະ ປະຊາຊົນ ບ້ານໂພນສົມບູນ ຂອບໃຈຕໍ່ຄວາມເອົາໃຈໃສ່ໃນການຊ່ວຍເຫຼືອເບື້ອງຕົ້ນຂອງການນຳ ນວ-ພາກສ່ວນເອກະຊົນ
ເວລາອອກຂ່າວ: 2026-03-30 09:18:14 | ຜູ້ຂຽນ : admin3 | ຈຳນວນຄົນເຂົ້າຊົມ: 88 | ຄວາມນິຍົມ:

ອຳນາດການປົກຄອງ ຕາງໜ້າໃຫ້ປະຊາຊົນ ບ້ານໂພນສົມບູນ ເມືອງສີໂຄດຕະບອງ ນະຄອນຫຼວງວຽງຈັນ ອອກມາຂອບໃຈຕໍ່ການເປັນຫ່ວງເປັນໃຍ ແລະ ໄດ້ເອົາໃຈໃສ່ຢ່າງໃກ້ຊິດຈາກ ພັກ-ລັດ ກໍຄືການນຳນະຄອນຫຼວງວຽງຈັນ ແລະ ພາກສ່ວນເອກະຊົນ ເຊົ້າມາໃຫ້ການຊ່ວຍເຫຼືອແກ່ຄອບຄົວ ປະຊາຊົນໃນເບື້ອງຕົ້ນ ທີ່ພາຍຫຼັງທີ່ມີພາ ຍຸລະດູຮ້ອນພັດເຂົ້າໄດ້ສ້າງຄວາມເສຍຫາຍໃຫ້ແກ່ສັບສິນຂອງປະຊາຊົນ. ທ່ານ ສຸວັນໄຊ ລິດທະລັງສີ ເລຂາພັກບ້ານ, ນາຍບ້ານ ບ້ານໂພນສະບູນ ໄດ້ໃຫ້ສຳພາດຕໍ່ສື່ມວນຊົນໃນວັນທີ 26 ມີນາ 2026 ວ່າກ່ຽວກັບສະພາບຄວາມເສຍຫາຍ ແລະ ການຊ່ວຍເຫຼືອຟື້ນຟູ ພາຍຫຼັງທີ່ບ້ານໂພນສະບູນ ໄດ້ຮັບຜົນກະທົບຢ່າງໜັກໜ່ວງຈາກພາຍຸໝາກເຫັບ ແລະ ຟ້າລົມແຮງ ໃນທ້າຍອາທິດທີ່ຜ່ານມາເຫດການດັ່ງກ່າວໄດ້ເກີດຂຶ້ນໃນເວລາປະມານ 16:00 ໂມງ ຂອງວັນອາທິດ ວັນທີ 22 ມີນາ ຜ່ານມາ ຈາກການລົງສຳຫຼວດ ແລະ ເກັບກຳຂໍ້ມູນຕົວຈິງຂອງຄະນະກຳມະການປົກຄອງບ້ານ ຮ່ວມກັບພາກສ່ວນກ່ຽວຂ້ອງຂອງເມືອງ ເຫັນວ່າຕົວເລກຄອບຄົວທີ່ໄດ້ຮັບຜົນກະທົບແມ່ນເພີ່ມຂຶ້ນຈາກການຄາດການເບື້ອງຕົ້ນໂດຍໃນຈຳນວນທັງໝົດ 1.278 ຄອບຄົວທົ່ວບ້ານ ມີເຮືອນຊານທີ່ໄດ້ຮັບຄວາມເສຍຫາຍລວມທັງໝົດ 584 ຄອບ ຄົວ ເຊິ່ງແບ່ງອອກເປັນ 3 ເຂດຜົນກະທົບຄື: ເຂດໃຈກາງບ້ານ ເຂດສັນພູກະແຕ ແລະ ເຂດການຜະລິດ (ເຮືອນສວນ). ກ່ຽວກັບການຊ່ວຍເຫຼືອໃນເບື້ອງຕົ້ນ ທ່ານ ສຸວັນໄຊ ລິດທະລັງ ສີກ່າວຕື່ມວ່າ: ບ້ານຂອງພວກເຮົາໄດ້ຮັບຄວາມເອົາໃຈໃສ່ຢ່າງໃກ້ຊິດຈາກການນຳນະຄອນຫຼວງວຽງຈັນ ແລະ ພາກສ່ວນເອກະຊົນ ໂດຍອົງການປົກຄອງນະຄອນຫຼວງວຽງຈັນ ໄດ້ມອບເງິນຊ່ວຍເຫຼືອສຸກເສີນຈຳນວນ 100 ລ້ານກີບ ເພື່ອແຈກຢາຍໃຫ້ແກ່ຄອບຄົວທີ່ໄດ້ຮັບຜົນກະທົບໃນເບື້ອງຕົ້ນ ນອກຈາກນັ້ນ ຍັງມີງົບປະມານຊ່ວຍເຫຼືອຜູ້ທີ່ໄດ້ຮັບບາດເຈັບ ແລະ ເຄື່ອງອຸປະໂພກ-ບໍລິໂພກ ເຊັ່ນ: ເຂົ້າສານ, ໝີ່, ນ້ຳດື່ມ, ມຸ້ງ, ສາດ ແລະ ອຸປະກອນຈຳເປັນອື່ນໆຕື່ມອີກ ພ້ອມນັ້ນ ບັນດາຫ້າງຮ້ານ ແລະ ຜູ້ໃຈບຸນກໍໄດ້ມາມອບການຊ່ວຍເຫຼືອເຊັ່ນກັນ. ສຳລັບສະພາບພື້ນຖານໂຄງລ່າງ ປະຈຸບັນລະບົບໄຟຟ້າ ແລະ ນ້ຳປະປາ ຍັງບໍ່ທັນສາມາດນຳໃຊ້ໄດ້ປົກກະຕິ 100% ເນື່ອງຈາກມີຕົ້ນໄມ້ລົ້ມທັບສາຍໄຟຫຼາຍຈຸດ ເຊິ່ງເຈົ້າໜ້າທີ່ເຕັກນິກກຳລັງເລັ່ງມືສ້ອມແປງຢ່າງຮີບດ່ວນ ໃນຂະນະດຽວກັນປະຊາຊົນ ສ່ວນໃຫຍ່ແມ່ນໄດ້ຫັນມານຳໃຊ້ນ້ຳບາດານເພື່ອແກ້ໄຂບັນຫາສະເພາະໜ້າ. ຢ່າງໃດກໍຕາມ ສິ່ງທີ່ເປັນສິ່ງທ້າທາຍທີ່ສຸດໃນເວລານີ້ແມ່ນ “ວັດສະດຸກໍ່ສ້າງ”ໂດຍສະເພາະແມ່ນກະເບື້ອງມຸງຫຼັງຄາ ເຊິ່ງກຳລັງຂາດຕະຫຼາດ ແລະ ບໍ່ພຽງພໍຕໍ່ຄວາມຕ້ອງການ ທ່ານ ນາຍບ້ານໄດ້ເນັ້ນໜັກວ່າ: ທາງຄະນະປົກຄອງບ້ານ ຈະສືບຕໍ່ປະສານງານກັບຂັ້ນເທິງຢ່າງໃກ້ຊິດ ເພື່ອຊອກຫາແຫຼ່ງວັດສະດຸ ແລະ ງົບປະມານເພີ່ມເຕີມ ເພື່ອຊ່ວຍເຫຼືອຄອບຄົວທີ່ທຸກຍາກຂາດເຂີນ ຖ້າຫາກຫົວໜ່ວຍທຸລະກິດຕ້ອງການຊ່ວຍ ເຫຼືອປະຊາຊົນ ສາມາດຕິດຕໍ່ມາໄດ້ທີ່ອຳນາດການປົກຄອງບ້ານເພື່ອໃຫ້ປະຊາຊົນສາ ມາດກັບມາມີທີ່ຢູ່ອາໄສທີ່ໝັ້ນຄົງໂດຍໄວທີ່ສຸດ. ທ່ານ ສຸວັນໄຊ ລິດທະລັງສີ ໄດ້ສະແດງຄວາມຂອບໃຈມາຍັງທຸກພາກສ່ວນທີ່ໄດ້ຍື່ນມືເຂົ້າມາຊ່ວຍເຫຼືອໃນຍາມຄັບຂັນນີ້ ແລະ ຢືນຢັນວ່າຈະເຮັດວຽກຢ່າງເຕັມກຳລັງ ເພື່ອໃຫ້ພໍ່ແມ່ປະຊາຊົນຊາວບ້ານໂພນສົມບູນ ກັບມາມີຊີວິດການເປັນຢູ່ທີ່ປົກກະຕິໂດຍໄວ.

news to day and hot news