POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 18 ພຶດສະພາ 2026

ລາຍງານສະພາບຄວາມເສຍຫາຍ ຈາກພາຍຸລະດູຮ້ອນ ຢູ່ເມືອງສີໂຄດຕະບອງ ແລະ ນາຊາຍທອງ
ເວລາອອກຂ່າວ: 2026-03-27 14:56:03 | ຜູ້ຂຽນ : admin1 | ຈຳນວນຄົນເຂົ້າຊົມ: 144 | ຄວາມນິຍົມ:

ຄະນະກຳມະການຄຸ້ມຄອງ ໄພພິບັດ ນະຄອນຫຼວງວຽງຈັນ ໄດ້ລາຍງານສະພາບຄວາມເສຍຫາຍ ຈາກພາຍຸລະດູຮ້ອນທີ່ເກີດຂຶ້ນ ໃຫ້ຊາບວ່າ: ໃນຕອນແລງຂອງວັນອາທິດ, ວັນທີ 22 ມີນາ 2026, ເວລາປະມານ 16:00 ໂມງ ໄດ້ມີພາຍຸລະດູຮ້ອນເກີດຂຶ້ນ ເຊິ່ງເຮັດໃຫ້ເກີດມີລົມແຮງ, ຝົນຕົກໜັກ ແລະ ເກີດມີໝາກເຫັບຕົກໜັກ ຢູ່ເມືອງສີໂຄດຕະບອງ ແລະ ເມືອງນາຊາຍທອງ ເຊິ່ງໄດ້ສົ່ງຜົນກະທົບຕໍ່ທີ່ຢູ່ອາໄສ ແລະ ຊັບສິນ ຂອງປະຊາຊົນ ຈຳນວນ 17 ບ້ານ, ຈຳນວນ 5.490 ຫຼັງຄາເຮືອນ, ໂຮງຮຽນ 5 ແຫ່ງ, ວັດ 2 ແຫ່ງ, ຫ້ອງການບ້ານ 1 ຫຼັງ, ສຸກສາລາບ້ານ 1 ແຫ່ງ, ສູນຜະລິດຢາວັກຊິນ 1 ແຫ່ງ, ລົດ ໃຫຍ່ເປ່ເພ 53 ຄັນ ແລະ ປະຊາຊົນໄດ້ຮັບບາດເຈັບ 9 ຄົນ ແລະ ຄ້າຍທະຫານ ກອງພັນໃຫຍ່ 11 ໄດ້ຮັບຜົນເສຍຫາຍ ຈຳນວນ 109 ຫຼັງຄາ ລາຍລະອຽດດັ່ງນີ້: ເມືອງສີໂຄດຕະບອງ: ມີ 10 ບ້ານ ຈຳນວນ 5.012 ຫຼັງຄາ, ໂຮງຮຽນ 5 ແຫ່ງ, ວັດ 2 ແຫ່ງ, ຫ້ອງການບ້ານ 1 ຫຼັງ, ສຸກສາລາບ້ານ 1 ແຫ່ງ, ສູນຜະລິດຢາວັກຊິນ 1 ແຫ່ງ, ລົດໃຫຍ່ເປ່ເພ 53 ຄັນ ແລະ ປະຊາຊົນໄດ້ຮັບບາດ ເຈັບ 9 ຄົນ ແລະ ຄ້າຍທະຫານກອງພັນໃຫຍ່ 11 ໄດ້ຮັບຜົນເສຍຫາຍ ຈຳນວນ 109 ຫຼັງຄາຄື: - ບ້ານ ວຽງຄຳ: ມີເຮືອນປະຊາຊົນ ໄດ້ຮັບຜົນເສຍຫາຍ ຈຳນວນ 1.593 ຫຼັງຄາເຮືອນ, ຫ້ອງການບ້ານ 1 ຫຼັງ, ໂຮງຮຽນປະຖົມ 1 ແຫ່ງ, ລົດໃຫຍ່ເປ່ເພ 14 ຄັນ ແລະ ປະຊາຊົນໄດ້ຮັບບາດເຈັບ 8 ຄົນ. - ບ້ານ ຈັນສະຫວ່າງ: ມີເຮືອນປະຊາຊົນ ໄດ້ຮັບຜົນເສຍຫາຍ ຈຳນວນ 1.200 ຫຼັງຄາເຮືອນ, ວັດ 2 ແຫ່ງ, ໂຮງຮຽນມັດທະຍົມ 1 ແຫ່ງ, ໂຮງຮຽນອະນຸບານ 1 ແຫ່ງ, ສຸກສາລາບ້ານ 1 ແຫ່ງ ແລະ ສູນຜະລິດຢາວັກຊິນ 1 ແຫ່ງ, ລົດ ໃຫຍ່ເປ່ເພ 3 ຄັນ. - ບ້ານ ໂພນສົມບູນ: ມີເຮືອນປະຊາຊົນ ໄດ້ຮັບຜົນເສຍຫາຍ ຈຳນວນ 430 ຫຼັງຄາເຮືອນ, ເສຍຫາຍ 100% ຈຳນວນ 258 ຫຼັງຄາ, ລົດໃຫຍ່ເປ່ເພ 30 ຄັນ, ຄອບຄົວຂາດເຂີນ ຈຳນວນ 7 ຄອບຄົວ. - ບ້ານ ໜອງດາ: ມີເຮືອນປະຊາຊົນ ໄດ້ຮັບຜົນເສຍຫາຍ ຈຳນວນ 37 ຫຼັງຄາເຮືອນ, ເສຍ ຫາຍ 100% ຈຳນວນ 14 ຫຼັງ ຄາ, ລົດໃຫຍ່ເປ່ເພ 1 ຄັນ. - ບ້ານຕາດທອງ: ມີເຮືອນປະຊາຊົນ ໄດ້ຮັບຜົນກະທົບ ຈຳ ນວນ 546 ຫຼັງຄາເຮືອນ, ເສຍຫາຍ 100% ຈຳນວນ 253 ຫຼັງຄາ, ລົດໃຫຍ່ເປ່ເພ 5 ຄັນ, ຄອບຄົວຂາດເຂີນ ຈຳນວນ 5 ຄອບຄົວ. - ບ້ານໜອງແຕ່ງເໜືອ: ມີ ເຮືອນປະຊາຊົນ ໄດ້ຮັບຜົນເສຍຫາຍ ຈຳນວນ 415 ຫຼັງຄາເຮືອນ, ລົດໃຫຍ່ 1 ຄັນ, ໂຮງຮຽນລ້ຽງເດັກ+ໂຮງຮຽນປະຖົມ 1 ແຫ່ງ, ຄອບຄົວຂາດເຂີນ ຈຳນວນ 3 ຄອບຄົວ. - ບ້ານໃໝ່: ມີເຮືອນປະຊາ ຊົນໄດ້ຮັບຜົນເສຍຫາຍ ຈຳນວນ 618 ຫຼັງຄາເຮືອນ, ເສຍຫາຍໜັກ 303 ຫຼັງຄາ, ເສຍຫາຍປານກາງ 127 ຫຼັງຄາ, ເສຍຫາຍເລັກໜ້ອຍ 188 ຫຼັງຄາ. - ບ້ານຈຳປາ: ມີເຮືອນປະຊາຊົນ ໄດ້ຮັບຜົນເສຍຫາຍ ຈຳນວນ 22 ຫຼັງຄາເຮືອນ. - ບ້ານໜອງໜ່ຽວ: ມີເຮືອນປະຊາຊົນ ໄດ້ຮັບຜົນເສຍຫາຍ ຈຳນວນ 130 ຫຼັງຄາເຮືອນ. - ບ້ານໂພນສະຫວາດເໜືອ: ມີເຮືອນປະຊາຊົນ ໄດ້ຮັບຜົນເສຍຫາຍ ຈຳນວນ 21 ຫຼັງຄາເຮືອນ, ເສຍຫາຍ ເລັກໜ້ອຍ 15 ຄອບຄົວ, ໂຮງຮຽນລາວ-ເກົາຫຼີ 1 ຫຼັງ. - ຄ້າຍທະຫານກອງພັນໃຫຍ່ຈໍ 11: ໄດ້ຮັບຜົນເສຍຫາຍ ຈຳ ນວນ 109 ຫຼັງຄາ ຄື: ຫ້ອງ ການ 17 ຫຼັງຄາ, ສະໂມສອນ 1 ຫຼັງ, ເຮືອນນອນ 36 ຫຼັງ, ເຮືອນຄົວ 13 ຫຼັງ, ກະລາລົດສູ້ຮົບ 2 ຫຼັງ, ສາງເຂົ້າ 9 ຫຼັງ, ສາງອາ ວຸດ 3 ຫຼັງ, ຫ້ອງນໍ້າ 18 ຫຼັງ, ສາງສາກໝໍ້ໄຟ 1 ຫຼັງ, ຫໍມູນ ເຊື້ອ 1 ຫຼັງ, ໂຮງໝໍ 10 ຕຽງ ມີ 2 ຫຼັງ, ໂຮງງານນ້ຳດື່ມ 1 ຫຼັງ ແລະ ສູນບັນຊາ 1 ຫຼັງ. - ເມືອງນາຊາຍທອງ: ມີ 7 ບ້ານ, ຈຳນວນ 478 ຫຼັງຄາເຮືອນ ຄື: - ບ້ານນາງລ່ຽນ: ມີເຮືອນປະຊາຊົນ ໄດ້ຮັບຜົນເສຍຫາຍ ຈຳ ນວນ 95 ຫຼັງຄາເຮືອນ, ບ້ານສີເກີດ: ມີເຮືອນປະຊາຊົນ ໄດ້ຮັບຜົນເສຍຫາຍ ຈຳນວນ 298 ຫຼັງຄາເຮືອນ, ບ້ານໄຊມຸງຄຸນ: ມີເຮືອນປະຊາຊົນ ໄດ້ຮັບຜົນເສຍຫາຍ ຈຳນວນ 30 ຫຼັງຄາເຮືອນ, ບ້ານດົງຫຼວງ: ມີເຮືອນປະຊາຊົນ ໄດ້ຮັບຜົນເສຍຫາຍ ຈຳນວນ 28 ຫຼັງຄາເຮືອນ, ບ້ານປັກແຮດ: ມີເຮືອນປະຊາຊົນໄດ້ຮັບຜົນເສຍຫາຍ ຈຳນວນ 23 ຫຼັງຄາເຮືອນ, ບ້ານນາຊາຍເໜືອ: ມີເຮືອນປະຊາຊົນ ໄດ້ຮັບຜົນເສຍຫາຍ ຈຳນວນ 1 ຫຼັງຄາເຮືອນ ແລະ ບ້ານນາຊາຍກາງ: ມີເຮືອນ ປະຊາຊົນ ໄດ້ຮັບຜົນເສຍຫາຍ ຈຳນວນ 3 ຫຼັງຄາເຮືອນ. ສຳລັບການເສຍຫາຍເປັນແຕ່ລະດັບ ແມ່ນທາງຄະນະກອງເລຂາຄະນະຄຸ້ມຄອງໄພພິບັດຂັ້ນເມືອງ, ຂັ້ນນະຄອນຫຼວງ ແລະ ຂັ້ນສູນກາງ ກຳລັງເກັບກຳຂໍ້ມູນ ເພື່ອວາງແຜນໃນການຊ່ວຍເຫຼືອ. ຕໍ່ກັບສະພາບທີ່ເກີດຂຶ້ນນັ້ນ ໃນລະຫວ່າງ ວັນທີ 23-26 ມີ ນາ 2026 ຄະນະກຳມະການຄຸ້ມຄອງໄພພິບັດຂັ້ນສູນກາງ, ຄະນະນຳບັນດາກະຊວງ, ການ ນຳແຂວງ, ພະນັກງານ-ນັກຮົບ, ບັນດານັກທຸລະກິດ ແລະ ປະຊາຊົນບັນດາເຜົ່າຜູ້ທີ່ມີນ້ຳໃຈ ຕາງກໍໄດ້ນຳເອົາເຄື່ອງອຸປະໂພກ-ບໍລິໂພກ ແລະ ວັດຖຸ-ປັດໄຈ ນຳໄປຊ່ວຍເຫຼືອ ບັນດາຄອບຄົວທີ່ຖືກຜົນກະທົບ ຈາກພາຍຸໃນຄັ້ງນີ້ ເພື່ອຊ່ວຍແບ່ງເບົາພາລະປະກອບສ່ວນເຂົ້າໃນການແກ້ໄຂຜົນກະທົບ ແລະ ການຊ່ວຍເຫຼືອບັນເທົາທຸກ, ຄວາມເປັນຫ່ວງເປັນໄຍ, ໃຫ້ກຳລັງໃຈເຊິ່ງກັນ ແລະ ກັນ ໃນເວລາທີ່ພົບກັບຄວາມຫຍຸ້ງຍາກ.

news to day and hot news