ວັນຈັນ, ວັນທີ 18 ພຶດສະພາ 2026
ພຸດທະວົງ ສັງວິໄລ ກັບມາເຝິກຊ້ອມຊ່ວຍຕົ້ນສັງກັດ ລຸ້ນໂຄຕ້າໄປ ເອເອັບຊີ ແຊັມປ້ຽນລີກ ລະດູການໜ້າ
ເວລາອອກຂ່າວ: 2026-03-16 09:55:04 | ຜູ້ຂຽນ : admin1 | ຈຳນວນຄົນເຂົ້າຊົມ: 219 | ຄວາມນິຍົມ: 
ພຸດທະວົງ ສັງວິໄລ ກອງຫຼັງແບັກຊ້າຍ ທີມຊາດລາວ ຂອງສະໂມສອນ ບີຈີ ປະທຸມ ຢູໄນເຕັດ ທີມຊັ້ນນຳໃນ ໄທລີກ 1 ລີກສູງສຸດຂອງປະເທດໄທ ໄດ້ຮັບບາດເຈັບບໍລິເວນຂໍ້ພັບຫຼັງຫົວເຂົ່າໃນເກມລີກນັດຫຼ້າສຸດທ້າຍອາທິດຜ່ານມາ ນັດທີ່ ບີຈີ ປະທຸມ ເສຍຄາບ້ານໃຫ້ ຊົນບູຣີ ເອັບຊີ 2-3 ປະຕູ.
ແບັກຊ້າຍ ອາຍຸ 21 ປີ ໄດ້ຮັບໂອກາດເປັນຕົວຈິງ 2 ນັດຕິດຕໍ່ກັນ ໄດ້ລົງຫຼິ້ນ ເວລາ 71 ນາທີ ກ່ອນຖືກປ່ຽນໂຕອອກຍ້ອນບາດເຈັບ.
ຫຼັງເກມ ພຸດທະວົງ ໄດ້ໃຫ້ສຳພາດວ່າ: ຫຼັງທີມແພດໄດ້ປະຖົມພະຍາບານ ກວດຮ່າງກາຍ ເຫັນວ່າ: ເຈັບບໍ່ໜັກ ຄາດວ່າ: ຈະກັບມາເຝິກຊ້ອມເປັນປົກກະຕິໃນໄວໆນີ້.
ພຸດທະວົງ ສັງວິໄລ ສາມາດຈັດແອັດຊິດໃຫ້ເພື່ອນຍິງປະຕູໃນລີກສູງສຸດຂອງປະເທດໄທໄດ້ແລ້ວ ໃນນັດທີ່ ບີຈີ ປະທຸມ ບຸກໄປຊະນະ ອາຍຸດທະຍາ ຢູໄນເຕັດ 2-0 ປະຕູ ແລະ ມີສ່ວນຜ່ານບານເຂົ້າມາໃນຂອບເຂດໂທດໃຫ້ທີມສ້າງຈັງຫວະຍິງປະຕູ ນັດທີ່ຕົ້ນສັງກັດເປີດບ້ານຊະນະ ສຸໂຂໄທ ເອັບຊີ 2-1 ປະຕູ.
ພຸດທະວົງ ສັງວິໄລ ໂບກມືລາ ເອສະຣາ ທີມແຊັມລີກສູງສຸດຂອງລາວ ຫຼັງຈົບລະດູການຜ່ານມາ ເພື່ອໄປຫາຄວາມທ້າທາຍໃໝ່ໃນໄທລີກລະດູການນີ້.
ເຊິ່ງລະດູການນີ້ ພຸດທະວົງ ໄດ້ລົງຫຼິ້ນພຽງ 8 ນັດ ໃນນີ້, ໃນໄທລີກ 4 ນັດ, ເອັບເອຄັບ ໄທ 1 ນັດ (ຈັດໜຶ່ງແອັດຊິດ), ອາຊຽນ ຊັອບປີ້ ຄັບ 1 ນັດ ແລະ ເອເອັບຊີ ແຊັມປ້ຽນລີກ ທູ 2 ນັດ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
