ວັນຈັນ, ວັນທີ 18 ພຶດສະພາ 2026
ນັກກິລາລອຍນ້ຳເຍົາວະຊົນລາວຍາດໄດ້ 2 ຫຼຽນເງິນ 2 ຫຼຽນທອງ ການແຂ່ງຂັນລອຍນ້ຳລະດັບໂຮງຮຽນນາໆຊາດ ທີ່ພູເກັດ ປະເທດໄທ 2026
ເວລາອອກຂ່າວ: 2026-03-13 09:48:48 | ຜູ້ຂຽນ : admin3 | ຈຳນວນຄົນເຂົ້າຊົມ: 187 | ຄວາມນິຍົມ: 
ລາຍການນີ້ ມີຊື່ວ່າ: BISP Sea Eagles ຈັດຂຶ້ນລະຫວ່າງວັນທີ 6-8 ມີນາຜ່ານມາ ໂດຍມີນັກກິລາ 500 ກວ່າຄົນຈາກ 7 ປະເທດເຂົ້າຮ່ວມ, ໃນນີ້
ມີນັກກິລາເຍົາວະຊົນຈາກລາວ ຕາງໜ້າຈາກໂຮງ ຮຽນນາໆຊາດ ຮິດເຟວ ວຽງຈັນ (Heathfield International School Vientiane) ເຂົ້າຮ່ວມ ແລະ ສາມາດຍາດໄດ້ 2 ຫຼຽນເງິນ 2 ຫຼຽນທອງ.
2 ຫຼຽນເງິນ ໄດ້ຈາກ ນາງ ວິພາດາ ພັນທະຈັກ ຫລື ນ້ອງ ວິນນີ້ ລາຍການ ລອຍ 50 ແມັດຍິງ ທ່າຟຣີສະໄຕ ເວລາ 32.21 ວິນາທີ ແລະ ທ້າວ ສຸກພະໄຊ ພັນທະຈັກ ຫລື ນ້ອງ ວິນເນີ ອ້າຍຄີງຂອງ ວິນນີ້ ລາຍການ ລອຍ 50 ແມັດຊາຍ ທ່າຟຣີສະໄຕ ເວລາ 28.54 ວິນາທີ.
ສ່ວນ 2 ຫຼຽນທອງ ໄດ້ຈາກ ນ້ອງ ວິນເນີ ລາຍການ ລອຍ 50 ແມັດຊາຍ ທ່າແມງກະເບື້ອ ເວລາ 32.57 ວິນາທີ ແລະ ນາງ ຊາຣລີ ລອຍ 200 ແມັດຍິງ ທ່າຟຣີສະໄຕ ເວລາ 3 ນາທີ 20.05 ວິນາທີ.
ສຳລັບ ສອງອ້າຍນ້ອງ ວິນເນີ ແລະ ວິນນີ້ ເຄື່ອນໄຫວເຝິກແອບແຂ່ງຂັນມາຢ່າງຕໍ່ເນື່ອງ ທັງພາຍໃນ ແລະ ຕ່າງປະເທດ ໂດຍສາມາດຍາດຫຼຽນລາງວັນມາຄອງຫຼາຍລາຍການ ກາຍເປັນດາວດວງໃໝ່ທີ່ໜ້າຈັບຕາ ເພື່ອກ້າວສູ່ການເປັນນັກກິລາທີມຊາດໃນອະນາຄົດ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
