ວັນເສົາ, ວັນທີ 18 ເມສາ 2026
ບໍລິສັດ ຮວຍຢີນ ກໍ່ສ້າງເຄຫາສະຖານ ຈຳກັດຜູ້ດຽວ ມອບລົດ ໃຫ້ກອງບັນຊາການທະຫານແຂວງບໍ່ແກ້ວ
ເວລາອອກຂ່າວ: 2026-03-06 09:07:05 | ຜູ້ຂຽນ : admin1 | ຈຳນວນຄົນເຂົ້າຊົມ: 270 | ຄວາມນິຍົມ: 
ວັນທີ 2 ມີນາ 2026 ນີ້, ບໍລິສັດ ຮວຍຢີນ ກໍ່ສ້າງເຄຫາສະຖານ ຈຳກັດຜູ້ດຽວ ໄດ້ນຳເອົາລົດຈ້ານຕີ່ ແລະ ເງິນສົດຈຳນວນໜຶ່ງ ມາມອບໃຫ້ກອງບັນຊາການທະຫານແຂວງບໍ່ແກ້ວ, ຕາງໜ້າກ່າວຮັບໂດຍ ສະຫາຍ ພັນເອກ ແສງເພັດ ແສງມະນີ ຫົວໜ້າການທະຫານ ກອງບັນຊາການທະຫານແຂວງບໍ່ແກ້ວ ພ້ອມດ້ວຍຄະນະ.
ການມອບລົດ ແລະ ເງິນໃນຄັ້ງນີ້, ກໍເພື່ອເປັນການປະກອບ ສ່ວນອຸປະຖຳຊຸກຍູ້ ເຂົ້າໃນການ ປັບປຸງກໍ່ສ້າງກົມກອງ ໃຫ້ມີ ຄວາມສະດວກສະບາຍ ກໍຄືປະ ກອບສ່ວນເຂົ້າໃນການຈັດຕັ້ງປະ ຕິບັດ ໜ້າທີ່ການເມືອງຂອງກອງບັນຊາການທະຫານແຂວງບໍ່ແກ້ວ.
ໂອກາດນີ້, ສະຫາຍ ພັນເອກ ແສງເພັດ ແສງມະນີ ໄດ້ຕາງໜ້າກອງບັນຊາການທະຫານແຂວງບໍ່ແກ້ວ ສະແດງຄວາມຂອບໃຈມາຍັງ ບໍລິສັດ ຮວຍຢີນ ກໍ່ສ້າງເຄຫາສະຖານ ຈຳກັດຜູ້ດຽວ ທີ່ໄດ້ນຳເອົາລົດ ແລະ ເງິນຈຳນວນດັ່ງກ່າວ ມາມອບໃຫ້ກົມກອງພວກເຮົາ ພ້ອມທັງໃຫ້ຄຳໝັ້ນສັນຍາວ່າ ຈະນຳເອົາລົດ ແລະ ເງິນຈຳນວນດັ່ງກ່າວ ໄປໝູນໃຊ້ເຂົ້າໃນການປັບປຸງກໍ່ສ້າງກົມກອງ ໃຫ້ມີໝາກຜົນສຳເລັດ ແລະ ເກີດຜົນປະໂຫຍດສູງສຸດ.
ໂດຍ: ນີ່ ທຳມະວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
