ວັນຈັນ, ວັນທີ 09 ມີນາ 2026
ຫົວໜ້າກົມໂຄສະນາອົບຮົມ ກົມໃຫຍ່ການເມືອງກອງທັບ ລົງຊຸກຍູ້ວຽກງານການເມືອງ ຢູ່ບັນດາກົມກອງປະຕິບັດໜ້າທີ່ ເຂດຊາຍແດນ
ເວລາອອກຂ່າວ: 2026-03-03 10:19:35 | ຜູ້ຂຽນ : admin2 | ຈຳນວນຄົນເຂົ້າຊົມ: 573 | ຄວາມນິຍົມ: 
ກຸມພາ 2026 ນີ້, ສະຫາຍ ພົນຈັດຕະວາ ແກ້ວສຸວັນ ຜາງພິລາວົງ ກຳມະການຄະນະພັກກະຊວງ, ຫົວກົມໂຄສະນາອົບຮົມ ກົມໃຫຍ່ການເມືອງກອງທັບ ຄະນະຮັບຜິດຊອບວຽກງານການເມືອງແນວຄິດ ພ້ອມດ້ວຍຄະນະ ໄດ້ລົງເຄື່ອນໄຫວຕິດຕາມ, ຊຸກຍູ້ ແລະ ເກັບກຳສະພາບການຈັດຕັ້ງປະຕິບັດວຽກງານການເມືອງ-ແນວຄິດ ຢູ່ບັນດາກົມກອງປະຕິບັດໜ້າທີ່ເຂດຊາຍແດນ ເມືອງມຸນລະປະໂມກ ແຂວງຈຳປາສັກ-ລາຊະອານາຈັກກຳປູເຈຍ.
ໃນການລົງເຄື່ອນໄຫວຄັ້ງນີ້, ສະຫາຍ ຫົວໜ້າກົມໂຄສະນາອົບຮົມ ພ້ອມຄະນະ ຮັບຟັງການລາຍງານສະພາບການປະຕິບັດໜ້າທີ່ວຽກງານຂອງກອງບັນຊາການທະຫານແຂວງຈຳປາສັກ ໃນໄລຍະຜ່ານມາ, ໂດຍສະເພາະແມ່ນ ວຽກງານຮັບປະກັນເຮັດໃຫ້ຂົງເຂດຮັບຜິດຊອບມີຄວາມສະຫງົບປອດໄພ, ວຽກງານສຶກສາອົບຮົມການເມືອງ-ນຳພາແນວຄິດ ໃຫ້ແກ່ນາຍ ແລະ ພົນທະຫານ ໃຫ້ມີຄວາມອຸ່ນອຽງທຸ່ນທ່ຽງ, ກຳແໜ້ນແນວທາງນະໂຍບາຍຂອງພັກ-ລັດ ແລະ ວຽກງານອື່ນໆປິ່ນອ້ອມ 4 ໜ້າທີ່ໃຫຍ່ 26 ແຜນງານທີ່ກະຊວງວາງອອກ.
ໂອກາດດັ່ງກ່າວ, ສະຫາຍ ພົນຈັດຕະວາ ແກ້ວສຸວັນ ຜາງພິລາວົງ ໄດ້ມີຄຳເຫັນໂອລົມ ແລະ ເນັ້ນໜັກໃຫ້ຄະນະພັກ-ຄະນະບັນຊາ ແຕ່ລະຂັ້ນເອົາໃຈໃສ່ບາງບັນຫາສຳຄັນເປັນຕົ້ນແມ່ນການ
ສືບຕໍ່ນໍາພາ-ຊີ້ນໍາການຈັດຕັ້ງປະຕິບັດແບບແຜນການດໍາເນີນວຽກງານສຶກສາອົບຮົມການເມືອງ-ນໍາພາແນວຄິດ ໃຫ້ແກ່ພະນັກງານ-ນັກຮົບ ຢ່າງເປັນປົກກະຕິ ແລະ ຕໍ່ເນື່ອງ, ກຳໃຫ້ໄດ້ສະພາບແນວຄິດຂອງກຳລັງ ທີ່ປະຕິບັດໜ້າທີ່ຢູ່ເຂດຫ່າງໄກສອກຫຼີກ. ເພີ່ມທະວີຄວາມຮັບຜິດຊອບຕໍ່ໜ້າທີ່ວິຊາສະເພາະ ຕາມການມອບໝາຍຂອງຂັ້ນເທິງ ເພື່ອຮັບປະກັນຄວາມສະຫງົບ ແລະ ປົກປັກຮັກສາອຳນາດອະທິປະໄຕຂອງຊາດໄວ້ໃຫ້ໝັ້ນຄົງ.
ໃນວັນດຽວກັນນັ້ນ, ສະຫາຍ ຫົວໜ້າກົມໂຄສະນາອົບຮົມ ພ້ອມດ້ວຍຄະນະ ກໍໄດ້ສືບຕໍ່ລົງຊີ້ນຳຊຸກຍູ້ວຽກງານ ດັ່ງກ່າວຢູ່ບັນດາກົມກອງປະຕິບັດໜ້າທີ່ຢູ່ລຽບຕາມຊາຍແດນເມືອງມຸນລະປະໂມກ-ລາຊະອານາຈັກກຳປູເຈຍ ເຊັ່ນກອງພັນ 28 ກອງບັນຊາການທະຫານແຂວງຈຳປາສັກ, ກອງຮ້ອຍທະຫານຊາຍແດນ525 ແລະ ກອງຮ້ອຍທະຫານຊາຍແດນ 529.
ໃນໂອກາດ ການລົງເຄື່ອນໄຫວວຽກງານໃນຄັ້ງນີ້ ສະຫາຍ ຫົວໜ້າກົມໂຄສະນາອົບຮົມ ຍັງໄດ້ນຳເອົາວັດຖຸປັດໄຈ ແລະ ອຸປະກອນຮັບໃຊ້ວຽກງານວິຊາສະເພາະ ຈຳນວນໜຶ່ງມອບໃຫ້ບັນດາກົມກອງດັ່ງກ່າວຕື່ມອີກ.
ອາໄຊ ໂທລະພາບກອງທັບ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
