POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 14 ກຸມພາ 2026

ປິດແຂ່ງຂັນສິລະປະວັນນະຄະດີ ສະໝັກຫຼີ້ນ ທົ່ວກົມໃຫຍ່ເສນາທິການກອງທັບ
ເວລາອອກຂ່າວ: 2026-01-21 14:55:17 | ຜູ້ຂຽນ : admin2 | ຈຳນວນຄົນເຂົ້າຊົມ: 530 | ຄວາມນິຍົມ:

ພິທີປິດຂະບວນການແຂ່ງຂັນສິລະປະ-ວັນນະຄະດີ ສະໝັກຫຼີ້ນທົ່ວ ກົມໃຫຍ່ເສນາທິການກອງທັບ ໄດ້ສໍາເລັດລົງໃນວັນທີ 16 ມັງກອນ 2026 ນີ້, ໂດຍການເປັນປະທານ ຂອງສະຫາຍ ພົນຈັດຕະວາ ບົວຄໍາ ສາມາວົງ ຫົວໜ້າຫ້ອງການເມືອງ ກົມໃຫຍ່ເສນາທິການກອງທັບ, ມີບັນດາກົມ, ຫ້ອງການ, ຄະນະພັກ-ຄະນະບັນຊາກົມກອງ, ຄະນະກໍາມະການ ແລະ ນັກສິລະປະທັງໝົດ ເຂົ້າຮ່ວມ. ໃນພິທີ ສະຫາຍ ພັນເອກ ສັນຕິ ເພັດດວງສິດ ຮອງຫົວໜ້າຫ້ອງການເມືອງ ກົມໃຫຍ່ເສນາທິການກອງທັບ ໄດ້ຜ່ານບົດຫຼຸບ ການແຂ່ງຂັນແຂ່ງຂັນສິລະປະ-ວັນນະຄະດີ ສະໝັກຫຼີ້ນທົ່ວ ກົມໃຫຍ່ເສນາທິການກອງທັບ, ເພື່ອຂໍ່ານັບຮັບຕ້ອນ ຂໍ່ານັບຊົມເຊີຍວັນສໍາຄັນຕ່າງໆຂອງຊາດ, ການແຂ່ງຂັນແຂ່ງຂັນສິລະປະ-ວັນນະຄະດີ ສະໝັກຫຼີ້ນ ໄດ້ເປີດຂຶ້ນຢ່າງເປັນທາງການ ໃນຕອນເຊົ້າຂອງວັນທີ 15 ມັງກອນ 2026 ແລະ ປິດລົງໃນວັນທີ 16 ມັງກອນ 2026, ມີນັກສິລະປະເຂົ້າຮ່ວມທັງໝົດ 317 ສະຫາຍ, ຍິງ 105 ສະຫາຍ, ຄະນະຮັບຜິດຊອບແຕ່ລະພາກສ່ວນ, ກຳມະການຕັດສິນ, ຄະນະກົມ, ຫ້ອງການ, ຄະນະພັກ-ຄະນະບັນຊາ, ນັກສິລະປິນ-ນັກສະແດງ ແລະ ກອງຊົມກອງເຊຍ ໄດ້ເອົາໃຈໃສປະກອບສ່ວນຢ່າງຕັ້ງໜ້າ ເຂົ້າໃນການຈັດຕັ້ງປະຕິບັດແຜນການໃນຄັ້ງນີ້ ບັນລຸຜົນສໍາເລັດເປັນຢ່າງສູງ, ບັນດານັກສິລະປະແຕ່ລະສະຫາຍ ໄດ້ທຸ່ມເທເຮື່ອແຮງ ສະຕິປັນຍາ ທາງດ້ານເຕັກນິກ, ພອນສະຫວັນຫຼີ້ນດ້ວຍນໍ້ໃຈນັກສິລະປິນ ຢ່າງສຸດຄວາມສາມາດ ເຂົ້າໃນການແຂ່ງຂັນ, ມີນໍ້າໃຈຕັດສິນໃຈສູງເຂົ້າຮ່ວມແຂ່ງຂັນ ແລະ ເຊຍການແຂ່ງຂັນ ຢ່າງສະເໝີຕົ້ນສະເໝີປາຍ ເຮັດໃຫ້ບັນຍາກາດຂອງງານແຂ່ງຂັນມີຄວາມເບີກບານມ່ວນຊື່ນຟົດຟື້ນຕໍ່-ເນື່ອງ. ສະຫຼຸບຜົນການແຂ່ງຂັນໄດ້ດັ່ງນີ້: ປະເພດບົດຮ້ອງເພງດ່ຽວຊາຍ, ອັນດັບທີ I ໄດ້ແກ່ສະຫາຍ ຮ້ອຍເອກ ທອງໄຫຼ ບົວຄໍາຫຼ້າ ຈາກກອງພັນ 203, ອັນດັບທີ II ໄດ້ແກ່ສະຫາຍ ສິບເອກ ອານຸສອນ ພັນທອງເຮືອງ ຈາກສູນ 14 ແລະ ອັນດັບທີ III ໄດ້ແກ່ສະຫາຍ ພັນຕີ ສຸກປະເສີດ ເພົາລັດສະໝີ ຈາກຫ້ອງການກົມໃຫຍ່ເສນາທິການ; ປະເພດບົດຮ້ອງເພງດ່ຽວຍິງ, ອັນດັບທີ I ໄດ້ແກ່ສະຫາຍ ຊັ້ນ 1 ນາງ ສີແພງ ໄຊຍະວົງ ຈາກກອງຍິງປືນ 199, ອັນດັບທີ II ໄດ້ແກ່ສະຫາຍ ຮ້ອຍເອກ ນາງ ພອນສຸກ ແກ້ວສີນ້າ ຈາກກອງພັນ 203 ແລະ ອັນດັບທີ III ໄດ້ແກ່ສະຫາຍ ຮ້ອຍຕີ ນາງ ຊ້ອນນາລີ ແສງໂສພາ ຈາກກອງພັນ 511; ປະເພດບົດຂັບລຳທ້ອງຖິ່ນ ອັນດັບທີ I ໄດ້ແກ່ສະຫາຍ ຮ້ອຍໂທ ວັນນາ ສຸນາສຸວັນນະສິງ ສູນ 986, ອັນດັບທີ II ໄດ້ແກ່ສະຫາຍ ພັນຕີ ນາງ ແສງພະຈັນ ທອງວິໄຊ ກອງພັນ 224 ແລະ ອັນດັບທີ III ໄດ້ແກ່ສະຫາຍ ສິບເອກ ສຸກ ວົງຄໍາມູນ ຈາກໂຮງຮຽນ 307; ປະເພດບົດຟ້ອນລວມໝູ່ຍິງ-ຊາຍ ອັນດັບທີ I ໄດ້ແກ່ສູນ 2061, ອັນດັບທີ II ໄດ້ແກ່ສູນ 14 ແລະ ອັນດັບທີ III ໄດ້ແກ່ໂຮງຮຽນ 303. ໂອກາດນີ້ໃຫ້ກຽດໂດຍ ສະຫາຍ ພົນຈັດຕະວາ ບົວຄໍາ ສາມາວົງ ຂຶ້ນມອບລາງວັນໃຫ້ແກ່ນັກສິລະປະຢ່າງສົມກຽດ. ໂດຍ: ພຸດທະວອນ

news to day and hot news