ວັນອາທິດ, ວັນທີ 15 ກຸມພາ 2026
ຫຼາຍພາກສ່ວນ ມອບເງິນຊຸກຍູ້ ກະຊວງປ້ອງກັນປະເທດ
ເວລາອອກຂ່າວ: 2026-01-21 14:23:43 | ຜູ້ຂຽນ : admin2 | ຈຳນວນຄົນເຂົ້າຊົມ: 572 | ຄວາມນິຍົມ: 
ວັນທີ 19 ມັງກອນ 2026 ນີ້, ຫຼາຍພາກສ່ວນ ມອບເງິນຊຸກຍູ້ ກະຊວງປ້ອງກັນປະເທດ, ໃນນີ້, ບໍລິສັດ ບໍ່ຄຳ ວັງຕັດ ຈຳນວນ 4 ຕື້ກີບ ກ່າວມອບໂດຍ ທ່ານ ນາງ ສິລິວັນ ປັດທຳມະວົງ ຮອງຜູ້ອຳນວຍການບໍລິສັດວັງຕັດ, ບໍລິສັດ ລັດວິສາຫະກິດລາວເດີນອາກາດ ຈຳນວນ 350 ລ້ານກີບ ກ່າວມອບໂດຍ ສະຫາຍ ພັນເອກ ປັນທະວີ ສີສົງຄາມ ຜູ້ອຳນວຍການ ບໍລິສັດລັດວິສາຫະກິດລາວເດີນອາກາດ ແລະ ທະນາຄານການຄ້າຕ່າງປະເທດລາວ ມະຫາຊົນ, ຈຳນວນ 100 ລ້ານກີບ ກ່າວມອບໂດຍ ທ່ານ ນາງ ສາຍສະໝອນ ຈັນທະຈັກ ຜູ້ອຳນວຍການໃຫຍ່ທະນາຄານການຄ້າຕ່າງປະເທດລາວ ມະຫາຊົນ ແລະ ກ່າວຮັບໂດຍ ສະຫາຍ ພົນໂທ ຄຳລຽງ ອຸທະໄກສອນ ລັດຖະມົນຕີກະຊວງປ້ອງກັນປະເທດ ພ້ອມດ້ວຍຄະນະ
ໂອກາດນີ້, ແຕ່ລະພາກສ່ວນໄດ້ກ່າວຄຳອວຍພອນໄຊອັນປະເສີດ ຕໍ່ສະຫາຍ ພົນໂທ ຄໍາລຽງ ອຸທະໄກສອນ, ພ້ອມດ້ວຍຄະນະນໍາກະຊວງປ້ອງກັນປະເທດ ຕະຫຼອດຮອດ ພະນັກງານ-ນັກຮົບ ໃນທົ່ວກອງທັບ ຈົ່ງມີພາລະນາໄມສົມບູນ, ມີຄວາມຜາສຸກໃນຊິວິດສ່ວນຕົວ ແລະ ຄອບຄົວ, ພ້ອມກັນສືບຕໍ່ເຮັດສຳເລັດໜ້າທີ່ອັນມີກຽດສະຫງ່າທີ່ພັກ-ລັດ ແລະ ປະຊາຊົນມອບໜາຍໃຫ້, ສືບຕໍ່ປົກປັກຮັກສາປະເທດຊາດໃຫ້ມີຄວາມສະຫງົບສຸກຕະຫຼອດໄປ.
ໂອກາດດຽວກັນ, ສະຫາຍ ລັດຖະມົນຕີກະຊວງປ້ອງກັນປະເທດ ໄດ້ສະແດງຄວາມຂອບໃຈ ຕໍ່ພາກສ່ວນຕ່າງໆ ທີ່ໄດ້ນຳເອົາວັດຖຸປັດໄຈດັ່ງກ່າວ ມາປະກອບສ່ວນຊຸກຍູ້ໃຫ້ກະຊວງປ້ອງກັນປະເທດ ໃນຄັ້ງນີ້, ເປັນການປະກອບສ່ວນອັນສຳຄັນເຂົ້າໃນວຽກງານປ້ອງກັນຊາດ ກໍຄືຂະບວນການຂໍ່ານັບຮັບຕ້ອນ 3 ວັນປະຫວັດສາດ ຂອງຊາດ, ຂອງພັກ, ຂອງກອງທັບ ໂດຍສະເພາະແມ່ນ ວັນສ້າງຕັ້ງກອງທັບປະຊາຊົນລາວ ຄົບຮອບ 77 ປີ, ພ້ອມທັງກ່າວອວຍພອນໄຊອັນປະເສີດມາຍັງ 3 ພາກສ່ວນພ້ອມດ້ວຍພະນັກງານຈົ່ງມີສຸຂະພາບແຂງແຮງ, ພ້ອມກັນສືບຕໍ່ດໍາເນີນທຸລະກິດຂອງບໍລິສັດຈະເລີນກ້າວໜ້າ ແລະ ມີຄວາມສໍາເລັດໃນຊີວິດສ່ວນຕົວ ແລະ ຄອບຄົວ.
ໂດຍ: ນາງ ອານຸພອນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
