ວັນອາທິດ, ວັນທີ 15 ກຸມພາ 2026
ໂຮງຮຽນກໍ່ສ້າງນາຍສິບ ເລກ 2 ວຽງໄຊ ມອບເງິນອຸດໜູນໃຫ້ພະນັກງານກ່ອນເຂົ້າຮັບບຳນານ
ເວລາອອກຂ່າວ: 2026-01-19 09:25:09 | ຜູ້ຂຽນ : admin1 | ຈຳນວນຄົນເຂົ້າຊົມ: 178 | ຄວາມນິຍົມ: 
ວັນທີ 14 ມັງກອນ 2026 ນີ້, ໂຮງຮຽນກໍ່ ສ້າງນາຍສິບ ເລກ 2 ວຽງໄຊ ໄດ້ມອບເງິນອຸດໜູນໃຫ້ພະນັກງານກ່ອນເຂົ້າຮັບບຳນານ ໂດຍການເປັນປະທານ ຂອງ ສະຫາຍ ພັນເອກ ສຳລີ ຈັນທະວົງ ຫົວໜ້າການເມືອງໂຮງຮຽນກໍ່ສ້າງນາຍສິບເລກ 2 ວຽງໄຊ, ມີຄະນະພັກ-ຄະນະບັນຊາຫ້ອງການ, ກອງພັນ, ພະແນກການ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.
ສະຫາຍ ພັນໂທ ນາງ ອາລັນຍາ ແກ້ວສຸລິຍາ ຫົວໜ້າພະແນກນະໂຍ ບາຍ ໂຮງຮຽນ ໄດ້ຂຶ້ນຜ່ານຂໍ້ຕົກລົງຂອງກະຊວງປ້ອງກັນປະເທດ ວ່າດ້ວຍການອະນຸມັດໃຫ້ນາຍທະຫານພັກການຮັບເບ້ຍບຳນານ, ອີງຕາມກົດໝາຍ ວ່າດ້ວຍນາຍທະຫານ ກອງທັບປະຊາຊົນລາວໝວດ 1 ມາດຕາ 33 ແລະ 34, ອີງຕາມກົດໝາຍວ່າດວ້ຍປະກັນສັງຄົມ ແລະ ຂໍ້ຕົກລົງ ວ່າດວ້ຍການປະຕິບັດເງິນ ອຸດໜູນໃຫ້ນາຍທະຫານທີ່ພັກການຮັບເບ້ຍບຳນານຢູ່ໂຮງຮຽນກໍ່ສ້າງນາຍສິບເລກ 2 ວຽງໄຊ ຈຳນວນ 8 ສະຫາຍ ລວມເປັນເງິນທັງໝົດຈຳນວນ 163.800.000 ກວ່າກີບ.
ສະຫາຍ ພັນເອກ ສຳລີ ຈັນທະວົງ ໄດ້ສະແດງຄວາມຍ້ອງຍໍຊົມເຊີຍຕໍ່ບັນດາຜົນງານໃນໄລຍະຜ່ານມາ ທີ່ບັນດາສະຫາຍໄດ້ປະກອບສ່ວນໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດເວົ້າລວມ, ເວົ້າສະເພາະກໍ່ຄືໂຮງຮຽນກໍ່ສ້າງນາຍສິບ ເລກ 2 ວຽງໄຊ ທີ່ໄດ້ປະກອບສ່ວນເຮັດໃຫ້ໂຮງຮຽນ ເຕີບໃຫຍ່ຂະຫຍາຍຕົວກ້າວຂຶ້ນຢ່າງບໍ່ຢຸດຢັ້ງ ພ້ອມທັງຮຽກຮ້ອງໃຫ້ບັນດາສະຫາຍ ທີ່ພັກການຮັບເບ້ຍບຳນານຈົ່ງສືບຕໍ່ນຳມູນເຊື້ອ ແລະ ຄວາມຮູ້ຄວາມສາມາດຂອງຕົນປະກອບສ່ວນເຂົ້າໃນອົງການຈັດຕັ້ງຂອງບ້ານທີ່ຕົນອາໃສຢູ່, ຈົ່ງພ້ອມກັນນຳເອົາເງິນຈຳນວນດັງກ່າວນີ້ໄປນຳໃຊ້ເຂົ້າໃນການສ້າງສາພັດທະນາເສດຖະກິດແກ້ໄຂຊີວິດການເປັນຢູ່ພາຍໃນຄອບຄົວຂອງຕົນໃຫ້ດີຂຶ້ນ ສືບຕໍ່ສຶກສາອົບຮົບລູກຫລານຂອງຕົນໃຫ້ມີແນວຄິດການເມືອງໜັກແໝ້ນປະຕິບັດລະບຽບກົດໝາຍບ້ານເມືອງວາງອອກໃຫ້ເຂັ້ມງວດ.
ໂດຍ: ຄຳແປງ ຟອງສາຍໄໝ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
