POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 21 ມັງກອນ 2026

ກອງບັນຊາການທະຫານແຂວງຜົ້ງສາລີ ສໍາເລັດການປະກາດສ້າງຕັ້ງ ໝວດທະຫານຮາບ ທີ່ຂຶ້ນກັບ ກອງບັນຊາການທະຫານເມືອງຂວາ, ເມືອງໃໝ ແລະ ເມືອງສໍາພັນ
ເວລາອອກຂ່າວ: 2026-01-07 09:41:47 | ຜູ້ຂຽນ : admin2 | ຈຳນວນຄົນເຂົ້າຊົມ: 181 | ຄວາມນິຍົມ:

ໃນທ້າຍເດືອນທັນວາ 2025 ຜ່ານມາ, ກອງບັນຊາການທະຫານແຂວງຜົ້ງສາລີ ໄດ້ຈັດກອງປະຊຸມສະຫຼຸບຜົນສໍາເລັດການປະກາດການສ້າງຕັ້ງໝວດທະຫານຮາບ ທີ່ຂຶ້ນກັບ ກອງບັນຊາການທະຫານເມືອງຂວາ, ເມືອງໃໝ່ ແລະ ເມືອງສໍາພັນ, ໂດຍການເປັນປະທານຂອງ ສະຫາຍ ພົນຈັດຕະວາ ຊຽງເພັງ ບົວລະວົງ ຫົວໜ້າການເມືອງ ກອງບັນຊາການທະຫານແຂວງຜົ້ງສາລີ, ມີກໍາມະການພັກແຂວງ, ເລຂາພັກເມືອງ, ປະທານປ້ອງກັນຊາດ-ປ້ອງກັນຄວາມສະຫງົບຂັ້ນເມືອງ, ມີບັນດາຄະນະປະຈໍາພັກເມືອງ, ກໍາມະການພັກເມືອງ, ຄະນະພັກ-ຄະນະບັນຊາ, ພະແນກການທີ່ກ່ຽວຂ້ອງ, ຄະນະກອງບັນຊາການທະຫານເມືອງ, ຕະຫລອດຮອດພະນັກງານ-ນັກຮົບ ພາຍໃນກົມກອງເຂົ້າຮ່ວມ. ສະຫາຍ ພັນໂທ ລິນທອງ ຍອດວິໄລ ຮອງຫົວໜ້າຫ້ອງເສນາທິການ ກອງບັນຊາການທະຫານແຂວງ, ໄດ້ຜ່ານຂໍ້ຕົກລົງ ຂອງກົມໃຫຍ່ເສນາທິການກອງທັບ ວ່າດ້ວຍການສ້າງຕັ້ງໝວດທະຫານຮາບ (ລະຫັດ 23, 24, 25) ທີ່ຂຶ້ນກັບກອງບັນຊາການທະຫານເມືອງຂວາ, ເມືອງໃໝ່ ແລະ ເມືອສໍາພັນ ກອງບັນຊາການທະຫານແຂວງຜົ້ງສາລີ, ພ້ອມທັງໄດ້ຜ່ານຂໍ້ຕົກລົງ ຂອງກອງບັນຊາການທະຫານແຂວງ ວ່າດ້ວຍໂຄງປະກອບການຈັດຕັ້ງຂັ້ນໝວດ. ໂອກາດນີ້, ສະຫາຍ ພົນຈັດຕະວາ ຊຽງເພັງ ບົວລະວົງ ໄດ້ໂອ້ລົມ ພ້ອມທັງເນັ້ນໜັກໃຫ້ຄະນະພັກ-ຄະນະບັນຊາ ກອງບັນຊາການທະຫານເມືອງທັງ 3 ເມືອງ, ຈົ່ງເອົາໃຈໃສ່ໃນການຊີ້ນໍາບັນຊາກົມກອງໃນການປະຕິບັດຂໍ້ກຳນົດ, ກົດລະບຽບຂອງກອງທັບ ກໍຄືຂອງກົມກອງວາງອອກໃຫ້ເຂັ້ມງວດ, ຕ້ານ ແລະ ສະກັດກັ້ນ ບັນຫາປະກົດການຫຍໍ້ທໍ້ຕ່າງໆ ທີ່ຈະເກີດຂຶ້ນໃນຖັນແຖວພະນັກງານ-ນັກຮົບ ພາຍໃນກົມກອງ, ພ້ອມທັງຮຽກຮ້ອງໃຫ້ບັນດາສະຫາຍ ຜູ້ທີ່ຖືກແຕ່ງຕັ້ງໜ້າທີ່ໃໝ່ ຈົ່ງມີຄວາມອຸ່ນອຽນທຸ່ນທ່ຽງ, ປະຕິບັດໜ້າທີ່ຕາມການມອບໝາຍຂອງຂັ້ນເທິງໃຫ້ມີຜົນສໍາເລັດໃນແຕ່ລະໄລຍະ, ປະຕິບັດຕາມພາລະບົດບາດ, ສິດ ແລະ ໜ້າທີ່ຂອງຕົນໃນການປົກປັກຮັກສາ, ຮັບປະກັນໃຫ້ຂອບເຂດຄວາມຮັບຜິດຊອບຂອງຕົນໃຫ້ມີຄວາມສະຫງົບໂດຍພື້ນຖານ, ເຮັດວຽກເປັນໝູ່ຄະນະ, ປະຕິບັດຕາມພາລະບົດບາດ, ສິດ, ໜ້າທີ່ໃນການປົກປັກຮັກສາເຂດນໍ້າແດນດິນ, ຄຽງຄູ່ກັບການເຮັດໜ້າທີ່ກໍ່ສ້າງຮາກຖານການເມືອງ, ຂອບເຂດຮັບຜິດຊອບຂອງຕົນໃຫ້ມີຄວາມສະຫງົບ ແລະ ເປັນລະບຽບຮຽບຮ້ອຍ, ພ້ອມກັບການສ້າງພະລາທິການກັບທີ່ ດ້ວຍການປູກ-ການລ້ຽງຕາມເງື່ອນໄຂ ຕາມທິດເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ. ໂດຍ: ທອງໄຊ ແສງອຸດົມ

news to day and hot news