POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 11 ພຶດສະພາ 2026

ປະທານ ໄກສອນ ພົມວິຫານ ກັບພາລະກິດປົດປ່ອຍຊາດ
ເວລາອອກຂ່າວ: 2025-12-15 09:14:30 | ຜູ້ຂຽນ : admin1 | ຈຳນວນຄົນເຂົ້າຊົມ: 3864 | ຄວາມນິຍົມ:

ກ່ອນໜ້ານີ້ 105 ປີ ໂລກມະນຸດ ໄດ້ໃຫ້ກຳເນີດມີວີລະບູລຸດ ທີ່ມີຊື່ວ່າ ໄກສອນ ພົມວິຫານ ທີ່ບ້ານ ນາແຊງ ເມືອງຄັນທະບູລີ, ແຂວງສະຫວັນນະເຂດ ໃນສະພາບແວດລ້ອມທີ່ປະຊາຊົນລາວ ຖືກກົດຂີ່ຂົ່ມເຫັງຢ່າງໂຫດ ຮ້າຍປ່າເຖື່ອນ, ບໍ່ມີອິດສະພາບ, ຖືກເກນໄປເປັນຂ້ອຍຂ້າ, ເປັນຂ້າທາດຮັບໃຊ້ຝຣັ່ງທຸກຮູບແບບ, ຊາຕາກຳຂອງຊາດ ແລະ ຂອງປະຊາຊົນ ຈົມຢູ່ໃນຄວາມສິ້ນຫວັງ; ຂະບວນການຕໍ່ສູ້ຂອງບັນ ດານັກຮັກຊາດທັງຫຼາຍ ໃນຕົ້ນສະຕະວັດທີ XX ໄດ້ເກີດຂຶ້ນຢ່າງຕໍ່ເນື່ອງ, ແຕ່ບັນດາຂະບວນການຕ່າງໆ ບໍ່ໄດ້ຮັບໄຊຊະຈົນກວ່າມີ ພັກກອມມູນິດກຳເນີດເກີດຂຶ້ນ ແລະ ພັກແຄວ້ນລາວນຳພາ. ໃນທ່າມກາງສະພາບອັນແສນສາຫັດດັ່ງກ່າວ ປະທານ ໄກສອນ ພົມວິຫານ ໃນເມື່ອເຍົາໄວໄດ້ແຕ່ຕັ້ງໃຈຮ່ຳຮຽນ, ຊອກ ຫາຄວາມຮູ້ອັນໃໝ່ບົນເສັ້ນທາງການສຶກສານັບແຕ່ຊັ້ນປະຖົມສຶກສາ, ມັດທະຍົມສຶກສາ, ອຸດົມສຶກ ສາພາສາຝລັ່ງ ແລະ ຮຽນທີ່ວິທະ ຍາໄລແພດສາດ, ວິທະຍາໄລກົດໝາຍທີ່ຮ່າໂນ້ຍ ສສ ຫວຽດ ນາມ. ໃນຊ່ວງໄລຍະແຫ່ງການ ຮ່ຳຮຽນນັ້ນ ສະພາບການຢູ່ອິນ ດູຈີນ ໄດ້ຜັນແປຢ່າງສັບສົນ ແລະ ສົ່ງຜົນກະທົບເຖິງ 3 ປະເທດ ໃນ ອິນດູຈີນ, ປະທານ ໄກສອນ ພົມ ວິຫານ ຮູ້ດີກ່ຽວກັບທ່າອ່ຽງຂະ ຫຍາຍຕົວຂອງສະພາບການຢູ່ລາວ ແລະ ຫວຽດນາມ, ໃນທ້າຍ ປີ 1944 ປະທານ ໄກສອນ ພົມ ວິຫານ ໄດ້ເຂົ້າເປັນສະມາຊິກສະມາຄົມຊາວໜຸ່ມກູ້ຊາດຫວຽດ ນາມ (ຫວຽດມິນ) ເຊິ່ງເປັນບາດກ້າວທຳອິດ ຂອງການເຂົ້າສູ່ເສັ້ນທາງເຄື່ອນໄຫວປະຕິວັດ. ເພິ່ນເປັນຜູ້ໜຶ່ງໃນບັນດາຜູ້ຮັກຊາດ ເຂົ້າຮ່ວມໃນຂະບວນການ ຢຶດອຳນາດການປົກຄອງຈາກ ກຳມືຂອງພວກຍີ່ປຸ່ນ ຢູ່ແຂວງສະຫວັນນະເຂດ ໃນວັນທີ 23 ສິງຫາ 1945, ນັ້ນຄືຈຸດເລີ່ມຕົ້ນ ຂອງການເຄື່ອນໄຫວປະຕິວັດຂອງປະທານ ໄກສອນ ພົມວິ ຫານ. ບົນເສັ້ນທາງປະຕິວັດອັນຍືດເຍື້ອຍາວນານນັ້ນ, ປະທານ ໄກສອນ ພົມວິຫານ ໄດ້ຜ່ານຜ່າສິ່ງທ້າທາຍທົດສອບ, ລະອິດລະ ອ້ຽວ, ມີບາງຄັ້ງເກືອບເອົາຊີວິດ ບໍ່ລອດ. ເພິ່ນໄດ້ປະຕິບັດບົດບາດເປັນແກ່ນກາງສຳຄັນ ໃນການນຳພາສ້າງຕັ້ງກອງທັບປະຊາຊົນລາວ (ກອງລາດຊະວົງ) ແລະ ສ້າງຕັ້ງພັກປະຊາຊົນລາວ, ໄດ້ນຳພາຂະບວນການຕໍ່ສູ້ກູ້ຊາດ ດ້ວຍຫຼາຍຮູບການ ແລະ ວິທີການ ຕ້ານການຮຸກຮານ ຂອງຈັກກະ ພັດຝຣັ່ງ ແລະ ອາເມຣິກາ, ໄດ້ຊີ້ນຳການປະຕິວັດ ແລະ ລວມລາວຄັ້ງທີໜຶ່ງ, ຊີ້ນຳດ້ານທິດທາງ, ວິທີເຈລະຈາ, ນຳໃຊ້ຍຸດໂທບາຍປະນິປະນອມ ຢ່າງມີຫຼັກການ; ໄດ້ມີການຊີ້ນຳໃນການຫັນທິດຕໍ່ສູ້ ແລະ ວາງນະໂຍບາຍການຕໍ່ ສູ້, ສົມທົບ ການຕໍ່ສູ້ດ້ວຍອາວຸດ ກັບການຕໍ່ສູ້ແບບອື່ນ, ຕ້ານການແຊກແຊງຂອງພວກຈັກກະພັດອາເມຣິກາ, ຕ້ານນະໂຍບາຍທໍ ລະຍົດຊາດ, ທຳລາຍປະຊາຊົນ ຂອງລັດຖະບານຫຸ່ນ, ຮູ້ໝູນໃຊ້ຮູບການ ແລະ ວິທີການຕໍ່ສູ້ຢ່າງຖືກຕ້ອງ ສອດຄ່ອງກັບສະພາບຄວາມເປັນຈິງ ຂອງປະເທດເຮົາ; ໄດ້ຊີ້ນຳກອງພັນທີ 2 ປະເທດລາວ ຕີຜ່າວົງປິດລ້ອມຂອງສັດຕູ (18 ພຶດສະພາ-2 ມິຖຸນາ1959) ແລະ ຊີ້ນຳໂດຍກົງກ່ຽວກັບແຜນ ການເອົາບັນດາຜູ້ນຳແນວລາວ ຮັກຊາດໂຕນອອກຈາກຄຸກໂພນ ເຄັງກັບຄືນຖານທີ່ໝັ້ນການປະ ຕິວັດ ດ້ວຍຄວາມປອດໄພ (24 ພຶດສະພາ 1960), ໄດ້ຊີ້ນຳການຢຶດອຳນາດການປົກຄອງດ້ວຍ 3 ບາດຄ້ອນຍຸດທະສາດ “ແບບບົວບໍ່ຊ້ຳ ນ້ຳບໍ່ຂຸ່ນ ແຕ່ຈັບ ປາໄດ້ທັງໝົດ”; ໄດ້ຊີ້ນຳ ແລະ ບັນຊາການຫຼາຍຂະບວນການຕໍ່ ສູ້ໄດ້ຮັບໄຊຊະນະເປັນກ້າວໆ, ສາມາດປົດ ປ່ອຍປະເທດຊາດໄດ້ຢ່າງ ມີໄຊ ແລະ ສະຖາປະນາສາທາລະນະ ລັດປະຊາທິປະໄຕ ປະຊາຊົນລາວ ຂຶ້ນຢ່າງສະຫງ່າຜ່າເຜີຍ ໃນວັນທີ 2 ທັນວາ 1975. ຊີວິດ ແລະ ພາລະກິດປະຕິວັດ ຂອງປະທານ ໄກສອນ ພົມວິຫານ ຍາມໃດກໍຕິດພັນກັບໄຊຊະນະອັນຍິ່ງໃຫຍ່ແຫ່ງການຕໍ່ສູ້ປົດປ່ອຍຊາດ ແລະ ການລຸກຮືຂຶ້ນຢຶດອຳນາດ ຂອງປະຊາຊົນລາວບັນດາເຜົ່າ, ພາຍໃຕ້ການນຳພາຂອງພັກ.

news to day and hot news