ວັນພຸດ, ວັນທີ 21 ມັງກອນ 2026
ມອບປິ່ນເຕີໃຫ້ພະແນກຄູຍຸດທະວິທີ ແລະ ພະແນກຄູລະບຽບກິລາຫ້ອງອົບຮົມ ໂຮງຮຽນກໍ່ສ້າງນາຍສິບເລກ 1
ເວລາອອກຂ່າວ: 2025-12-10 09:26:12 | ຜູ້ຂຽນ : admin1 | ຈຳນວນຄົນເຂົ້າຊົມ: 223 | ຄວາມນິຍົມ: 
ໃນວັນທີ 26 ເດືອນ ພະຈິກ 2025 ນີ້ ນັກຮຽນບຳລຸງການທະຫານ ລະບົບ 6 ເດືອນ ຊຸດທີ 12 ໄດ້ນຳເອົາ ວັດຖຸ-ປັດໃຈ ມາມອບໃຫ້ພະແນກຄູຍຸດທະວິທີ ແລະ ພະແນກຄູລະບຽບກິລາ ຫ້ອງອົບຮົມ ໂຮງຮຽນກໍ່ສ້າງນາຍສິບເລກ1. ໂດຍການເປັນປະທານຂອງ ສະຫາຍ ພັນເອກ ລຸນທອງ ແກ້ວໂພໄຊ ຫົວໜ້າຫ້ອງອົບຮົມ ໂຮງຮຽນກໍ່ສ້າງນາຍສິບເລກ1, ມີບັນດາ ຄູ-ອາ ຈານ ສອງພະແນກການ ແລະ ຕາງໜ້ານັກຮຽນບຳລຸງການທະຫານ ລະບົບ 6 ເດືອນ ຊຸດທີ 12 ເຂົ້າຮ່ວມ.
ສະຫາຍ ພັນຕີ ຫົງທອງ ສະວົງຫຼຽນຄຳ ຕາງໜ້າໃຫ້ນັກ ຮຽນບຳລຸງການທະຫານ ລະບົບ 6 ເດືອນ ຊຸດ ທີ 12 ໄດ້ຂື້ນກ່າວຈຸດປະສົງ ເນື່ອງໃນໂອກາດຂ່ຳ ນັບຮັບຕ້ອນວັນບຸນສຳຄັນທາງ ປະຫັວດສາດ ໂດຍສະເພາະແມ່ນຕ້ອນຮັບວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 50 ປີ ນັກສຶກສາໄດ້ນຳເອົາ ປີ່ນເຕີ ຈຳນວນ 2 ເຄື່ອງ,ລວມມູນຄ່າ 5,430,000 ກີບ ມາມອບໃຫ້ພະແນກຄູຍຸດທະວິທີ ແລະ ພະແນກຄູລະບຽບກິລາ ໂດຍແມ່ນທຶນສົມທົບຂອງນັກຮຽນ-ນັກສຶກສາເອງ, ຕາງໜ້າຄູ-ອາຈານຂຶ້ນຮັບໂດຍ ສະຫາຍ ພັນໂທ ພາສີ ວິໄລວັນ ຫົວໜ້າພະແນກຄູຍຸດທະວິທີ ພ້ອມທັງສະແດງຄວາມຂອບໃຈມາຍັງນັກຮຽນ-ນັກສຶກສາ ບຳລຸງການທະຫານ ລະບົບ 6 ເດືອນ ຊຸດທີ 12 ທີໄດ້ສະຫຼະວັດຖຸປັດໃຈສວ່ນບຸກຄົນມາມອບໃຫ້ພະແນກຄູພວກເຮົາ ແລະ ໃຫ້ຄຳໜັ້ນສັນຍາວ່າຈະປົກປັກຮັກສາ ແລະ ນຳເອົາວັດຖຸດັ່ງກ່າວໄປນຳໃຊ້ເຂົ້າໃນວຽກງານລວມຂອງກົມກອງ, ໂດຍສະເພາະແມ່ນນຳໃຊ້ເຂົ້າໃນວຽກງານການສຶກສາໃຫ້ມີຄວາມສະ ດວກວ່ອງໄວທ່ວງທັນຕາມຄວາມຮຽກຮ້ອງຕ້ອງການຂອງໜ້າທີ່ວຽກງານວິຊາສະເພາະ.
ໂອກາດນີ້, ສະຫາຍ ພັນເອກ ລຸນທອງ ແກ້ວໂພໄຊ ໄດ້ໂອ້ລົມ ແລະ ສະແດງຄວາມຂອບໃຈ ແລະ ຮູ້ບຸນຄຸນຕໍ່ນັກຮຽນທີເຫັນໄດ້ຄວາມສຳຄັນ, ຄວາມຈຳເປັນຂອງວຽກງານລວມຂອງກົມກອງ ແລະ ເນັ້ນໜັກໃຫ້ສອງພະແນກຄູຈົ່ງພ້ອມກັນຄຸ້ມຄອງ,ປົກປັກຮັກສານຳໃຊ້ເຂົ້າໃນວຽກງານວິຊາສະ ເພາະຂອງຕົນໃຫ້ ເກີດປະໂຫຍດສູງສຸດ ແລະ ອວຍພອນໃຫ້ນັກຮຽນບຳລຸງການທະຫານ ຊຸດທີ 12 ນີ້ຈົ່ງມີສຸຂະພາບແຂງແຮງ,ສຸມໃສ່ການຮ່ຳຮຽນຍາດແຍ່ງເອົາບົດຮຽນນຳ ຄູ-ອາຈານ, ຜູ້ທີ່ມີປະສົບການເພື່ອນຳເອົາຄວາມຮູ້ດັ່ງກ່າວໄປໜູນໃຊ້ຢູ່ກົມກອງຂອງຕົນໃນສະເພາະໜ້າໃຫ້ມີຜົນສຳເລັດ.
ໂດຍ: ນ້ອຍຈັນໄພ ແກ້ວວັນເຮືອງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
