ວັນພຸດ, ວັນທີ 21 ມັງກອນ 2026
ກອງຮ້ອຍປືນໃຫຍ່ໜ້າດິນ ກອງພັນໃຫຍ່ 101 ຈັດຕັ້ງຫັດແອບຍິງລູກປືນແທ້ເທິງພູມິປະເທດຕົວຈິງ
ເວລາອອກຂ່າວ: 2025-12-10 09:23:53 | ຜູ້ຂຽນ : admin1 | ຈຳນວນຄົນເຂົ້າຊົມ: 236 | ຄວາມນິຍົມ: 
ໃນວັນທີ 28 ພະຈິກ 2025 ຜ່ານມານີ້ ກອງຮ້ອຍປືນໃຫຍ່ ໜ້າດິນ ທີ່ຂຶ້ນກັບກອງພັນ ໃຫຍ່ 101 ກອງພົນທະຫານຮາບທີ 1 ໄດ້ຈັດຕັ້ງຍິງລູກປືນເເທ້ຢູ່ພູມິປະເທດຕົວຈິງ ໂດຍການເຂົ້າຮ່ວມ ຂອງສະຫາຍ ພັນໂທ ບຸນຊູ ເດດອຸໄທ ຫົວໜ້າການທະຫານ ກອງພັນໃຫຍ່ 101 ແລະ ສະຫາຍ ພັນໂທ ຜາສິດ ຈັນທະວົງສາ ຮອງຫົວ ໜ້າພະເເນກປືນໃຫຍ່ໜ້າດິນກອງພົນ ທະຫານຮາບທີ 1, ມີຄະນະພັກ- ຄະນະບັນຊາກອງພັນໃຫຍ່, ມີຂະເເໜງການທີ່ກ່ຽວຂ້ອງຕະຫຼອດຮອດພະນັກງານ-ນັກຮົບພາຍໃນກົມກອງເຂົ້າຮ່ວມ.
ເພື່ອຈັດຕັ້ງປະຕິບັດຕາມແຜນການອົບຮົມ-ຫັດແອບປະຈຳປີຂອງກົມປືນໃຫຍ່ໜ້າດິນ ກໍຄືແຜນການອົບຮົມ-ຫັດແອບວິຊາ ສະເພາະ ປະຈຳປີ 2025 ຂອງ ກອງພັນໃຫຍ່101 ກອງພົນທີ 1 ເພື່ອເປັນການປັບປຸງແບບແຜນ ແລະ ເຝິກຝົນຫຼໍ່ຫຼອມກຳລັງແຮງກາຍທັງເປັນການຮັບປະກັນເຮັດ ໃຫ້ພະນັກງານ-ນັກຮົບພາຍໃນ ກົມກອງມີລະດັບຄວາມຮູ້ຄວາມສາມາດໃນດ້ານວິຊາສະເພາະປືນໃຫຍ່ໜ້າດິນໃຫ້ນັບມື້ນັບເເຂງເເກ່ນ ແລະ ຮັບປະກັນໃນການ ກຽມພ້ອມສູ້ຮົບ ແລະ ສູ້ຮົບມີໄຊໃນທຸກສະພາບການ. ໃນການ ຈັດຕັ້ງຍິງລູກປືນເເທ້ໃນຄັ້ງນີ້ ເເມ່ນໄດ້ຈັດຕັ້ງຍິງໃນບົດ: ຍິງກຳ ລັງໄຟຊ່ວຍໜຸນຂັ້ນເທິງ ບຸກຕີສັດຕູ ໂດຍນຳໃຊ້ປືນ ຄົກ 120 ມມ ແລະ ປືນເດກາ-65, ປືນເຊ 82, ເຊ 60 ຍິງປະສານດັບສູນເປົ້າໝາຍເທິງພູມີປະເທດຕົວຈິງ. ຜ່ານການຈັດຕັ້ງຍິງເປົ້າໝາຍຕົວ ຈິງເຫັນວ່າ ພະນັກງານ-ນັກຮົບ ເເຕ່ລະສະຫາຍສາມາດກຳໄດ້ ບັນດາທ່າ, ຈັ່ງຫວະ ແລະ ເນື້ອໃນບົດຮຽນໄດ້ເປັນຢ່າງດີ ແລະ ຮູ້ນຳໃຊ້ອຸປະກອນໃນການຄິດໄລ່ບັນຊາຍິງ ແລະ ມີຄວາມຊຳນິຊຳ ນານດ້ານສິນລະປະຍຸດ-ຍຸດ ທະວິທີ, ສາມາດຍິງດັບສູນເປົ້າໝາຍ ເທິງພູມິປະເທດຕົວຈິງໄດ້ຢ່າງເເມ້ນຢຳ ແລະ ບັນລຸຕາມລະດັບຄາດໝາຍທີ່ວາງໄວ້ ພ້ອມທັງຮັບ ປະກັນຄວາມປອດໄພ 100%.
ໂດຍ: ສິບຕີ ຕີ້ ຍົດພູທອນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
