POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 21 ມັງກອນ 2026

ບໍລິສັດ ຮ່ວມທຶນກະສິກຳຄົບວົງຈອນຈຳກັດ ເປັນຫົວໜ່ວຍ ທຸລະກິດໜຶ່ງທີ່ສຳຄັນ ໃນການສ້າງສາພັດທະນາປະເທດຊາດ
ເວລາອອກຂ່າວ: 2025-12-04 09:20:19 | ຜູ້ຂຽນ : admin1 | ຈຳນວນຄົນເຂົ້າຊົມ: 559 | ຄວາມນິຍົມ:

ເນື່ອງໃນໂອກາດວັນສະຖາ ປະນາ ສປປ ລາວ ຄົບຮອບ 50 ປີ ແລະ ວັນຄ້າຍວັນເກີດຂອງປະທານ ໄກສອນ ພົມວິຫານ ຄົບຮອບ 105 ປີ ທີ່ຈະມາເຖິງ, ສະຫາຍ ພັນໂທ ມີໄຊ ພິມມະສອນ ຮອງອຳນວຍການບໍລິສັດຮ່ວມ ທຶນກະສິກຳຄົບວົງຈອນຈຳກັດ ໃນນາມຕາງໜ້າບໍລິສັດ ໄດ້ສະ ແດງຄວາມຮູ້ສຶກຕໍ່ວັນດັ່ງກ່າວວ່າ: ຕະຫຼອດໄລຍະ 50 ປີຜ່ານ ມາ ປະເທດຊາດຂອງພວກເຮົາ ໄດ້ຮັບການພັດທະນາກ້າວຂຶ້ນຢ່າງບໍ່ຢຸດຢັ້ງ, ນັບທັງດ້ານລະບົບພື້ນຖານໂຄງລ່າງ, ເສດຖະກິດ-ວັດທະນະທຳ-ສັງຄົມ ແລະ ດ້ານອື່ນໆ. ໃນນີ້, ບໍລິສັດພວກເຮົາ ເປັນບໍລິສັດໜຶ່ງທີ່ໄດ້ຮັບການສ້າງຕັ້ງຂຶ້ນ ໃນປີ 2021 ເປັນໂຄງການດ້ານກະສິກຳ ແລະ ລ້ຽງສັດ ທີ່ຮ່ວມມືກັບກະຊວງປ້ອງກັນປະເທດ ແຫ່ງ ສປປ ລາວ, ເພື່ອດຳເນີນທຸລະກິດກ່ຽວກັບການຜະລິດກະສິກຳ ໂດຍສະ ເພາະແມ່ນການລ້ຽງສັດໃຫຍ່ ເປັນຕົ້ນ ງົວ ແລະ ຄວາຍ ຈຳໜ່າຍໄປ ສປ ຈີນ ແລະ ສົ່ງເສີມການລ້ຽງພາຍໃນປະເທດ, ເຊິ່ງໃນໄລ ຍະຜ່ານມາ ບໍລິສັດພວກເຮົາ ກໍ ໄດ້ປະກອບສ່ວນຢ່າງຕັ້ງໜ້າເຂົ້າ ໃນການສ້າງສາພັດທະນາປະ ເທດຊາດ ໂດຍສະເພາະກໍແມ່ນປະກອບສ່ວນຊ່ວຍເຫຼືອໃຫ້ແກ່ກຳລັງປະກອບອາວຸດປ້ອງກັນຊາດ ໃນຫຼາຍດ້ານ. ສະນັ້ນ, ຖືເອົາໂອກາດອັນມີ ຄວາມໝາຍສຳຄັນດັ່ງກ່າວນີ້, ຂ້າພະເຈົ້າຂໍສະແດງຄວາມຮູ້ບຸນຄຸນ ແລະ ສະແດງຄຳອວຍ ພອນມາຍັງການນຳພັກ-ລັດ, ພະ ນັກງານປະຕິວັດອາວຸໂສບຳນານ ຕະຫຼອດຮອດປະຊາຊົນລາວບັນດາເຜົ່າ ໃນທົ່ວປະເທດຈົ່ງມີສຸຂະພາບແຂງແຮງ, ມີພາລະນາໄມສົມບູນ, ມີຄວາມຜາສຸກໃນຊີວິດສ່ວນຕົວ ແລະ ຄອບຄົວ, ອວຍພອນການນຳກະຊວງປ້ອງກັນປະເທດ ກໍຄື ຄະນະນຳກົມໃຫຍ່ພະລາທິການກອງທັບ ຈົ່ງມີສຸຂະພາບເຂັ້ມແຂງ, ສືບຕໍ່ຊີ້ນຳ-ນຳພາກອງທັບ ກໍຄື ບໍລິສັດພວກເຮົາໃຫ້ມີຄວາມຈະເລີນກ້າວໜ້າ ຂຶ້ນຢ່າງບໍ່ຢຸດຢັ້ງ, ອວຍພອນພະ ນັກງານ-ນັກຮົບ, ພໍ່ແມ່ປະຊາຊົນລາວບັນດາເຜົ່າ ແລະ ພະນັກງານບໍລິສັດທຸກທົ່ວໜ້າ ຈົ່ງມີສຸຂະພາບແຂງແຮງ ພ້ອມກັນສືບຕໍ່ເຮັດສຳ ເລັດໜ້າທີ່ ທີ່ຂັ້ນເທິງມອບໝາຍ ໃຫ້ ແລະ ປະກອບສ່ວນຢ່າງຕັ້ງ ໜ້າ ເຂົ້າໃນການສະເຫຼີມສະຫຼອງວັນສະຖາປະນາ ສປປ ລາວ ຄົບ ຮອບ 50 ປີ ແລະ ວັນເກີດຂອງປະທານ ໄກສອນ ພົມວິຫານ ຄົບ ຮອບ 105 ປີ ໃຫ້ເປັນຂະບວນຟົດ ຟື້ນກວ້າງຂວາງ ແລະ ມີເນື້ອໃນເລິກເຊິ່ງ ໃຫ້ສົມກັບ 50 ປີ ແຫ່ງການສະຖາປະນາ ສປປ ລາວ ໃຫ້ສັງຄົມລາວ ກໍຄື ປະຊາຄົມໂລກໄດ້ຮັບຮູ້ຊາດລາວຫຼາຍຂຶ້ນ. ໂດຍ: ຈິດ ເພັດພູທອງ

news to day and hot news