POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 05 ທັນວາ 2025

ແຂວງຜົ້ງສາລີ ປາຖະກະຖາວັນສະຖາປະນາ ສປປລາວ ຄົບຮອບ 50 ປີ ແລະ ວັນເກີດປະທານ ໄກສອນ ພົມວິຫານ ຄົບຮອບ 105 ປີ
ເວລາອອກຂ່າວ: 2025-12-03 15:50:34 | ຜູ້ຂຽນ : admin2 | ຈຳນວນຄົນເຂົ້າຊົມ: 576 | ຄວາມນິຍົມ:

ວັນທີ 1 ທັນວາ 2025 ນີ້, ແຂວງຜົ້ງສາລີ ໄດ້ຈັດພິທີປາຖະກະຖາວັນສະຖາປະນາ ສປປ ລາວ ຄົບຮອບ 50 ປີ ແລະ ວັນເກີດປະທານ ໄກສອນ ພົມວິຫານ ຄົບຮອບ 105 ປີ ໂດຍການເປັນປະທານ ແລະ ປາຖະກະຖາຂອງ ສະຫາຍ ພົນຕີ ສົມພອນ ມິດຕະພອນ ເລຂາຄະນະບໍລິຫານງານພັກແຂວງຜົ້ງສາລີ, ມີການນໍາພັກ-ລັດແຂວງ, ອະດີດການນໍາພັກ-ລັດແຂວງ, ການນໍາພັກ-ລັດເມືອງ, ກໍາລັງປ້ອງກັນຊາດ-ປ້ອງກັນຄວາມສະຫງົບ ແລະ ພະນັກງານ-ລັດຖະກອນ ອ້ອມຂ້າງແຂວງ ເຂົ້າຮ່ວມ. ສະຫາຍ ພົນຕີ ສົມພອນ ມິດຕະພອນ ໄດ້ຫວນຄືນມູນເຊື້ອຄວາມໝາຍຄວາມສໍາຄັນທາງປະຫວັດສາດຂອງຊາດລາວ, ກໍຄືວັນຊາດ ທີ 2 ທັນວາ ເປັນວັນທີ່ປະຊາຊົນລາວບັນດາເຜົ່າໃນທົ່ວປະເທດມີມູນເຊື້ອແຫ່ງການຕໍ່ສູ້ຕ້ານການຮຸກຮານຂອງສັດຕູຈາກພາຍນອກຢ່າງອົງອາດກ້າຫານ ໂດຍສືບທອດມູນເຊື້ອອັນສະຫງ່າງາມຂອງບັນພະບຸລຸດແຕ່ລະຍຸກແຕ່ລະສະໄໝ, ພາຍໃຕ້ການນຳພາຂອງພັກປະຊາຊົນປະຕິວັດລາວ, ໄດ້ສາມັກຄີກັນຕໍ່ສູ້ຢ່າງພິລະອາດຫານຕ້ານການຮຸກຮານ ແລະ ການຄອບຄອງຂອງພວກຈັກກະພັດລ່າເມືອງຂຶ້ນ ເເບບເກົ່າ ແລະ ໃໝ່, ຈົນສາມາດປົດປ່ອຍປະເທດຊາດໄດ້ຢ່າງມີໄຊ ແລະ ສະຖາປະນາສາທາລະນະລັດ ປະຊາທິປະໄຕ ປະຊາຊົນລາວ ຂຶ້ນຢ່າງສະຫງ່າຜ່າເຜີຍ ໃນວັນທີ 2 ທັນວາ 1975. ລັດປະຊາທິປະໄຕ ປະຊາຊົນ ແມ່ນລັດທີ່ເກີດຈາກການຕໍ່ສູ້ທີ່ເສຍສະຫຼະອັນໃຫຍ່ຫຼວງຂອງປະຊາຊົນລາວບັນດາເຜົ່າ, ເປັນລັດທີ່ມາຈາກປະຊາຊົນ ໂດຍປະຊາຊົນ ແລະ ເພື່ອປະຊາຊົນຢ່າງແທ້ຈິງ, ວັນທີ 2 ທັນວາ ແມ່ນວັນສຸດທີ່ມີຄວາມໝາຍສໍາຄັນ ຂອງທົ່ວພັກ, ທົ່ວລັດ ແລະ ທົ່ວປວງຊົນລາວທັງຊາດ, ແມ່ນວັນແຫ່ງໄຊຊະນະອັນຍິ່ງໃຫຍ່ ໃນປະຫວັດສາດແຫ່ງການຕໍ່ສູ້ເປັນພັນໆປີ ຂອງຊາດລາວເຮົາ, ປະຊາຊົນລາວບັນດາເຜົ່າໄດ້ມີອິດສະຫຼະພາບ ແລະ ໄດ້ເປັນເຈົ້າຂອງປະເທດຊາດຢ່າງແທ້ຈິງ, ປະເທດລາວໄດ້ມີເອກະລາດຢ່າງສົມບູນ ແລະ ມີອະທິປະໄຕຢ່າງຄົບຖ້ວນ, ມີຖານະເທົ່າທຽມກັບປະເທດອື່ນໆໃນເວທີປະຊາຄົມໂລກ. ແມ່ນວັນແຫ່ງສັນຕິພາບ, ວັນແຫ່ງການກ້າວສູ່ຍຸກສະໄໝໃໝ່ ແຫ່ງການສ້າງປະເທດລາວ ສັນຕິພາບ, ເອກະລາດ, ປະຊາທິປະໄຕ,ເອກະພາບ, ວັດທະນະຖາວອນ. ພ້ອມທັງຍົກໃຫ້ເຫັນ ປະທານ ໄກສອນ ພົມວິຫານ ແມ່ນເປັນບັນພະບູລຸດທີ່ແສນເຄົາລົບຮັກຂອງປວງຊົນລາວທັງຊາດ, ແມ່ນຜູ້ນໍາທີ່ສະຫຼຽວສະຫຼາດ, ມີໄຫວພິບ ແລະ ມີຄວາມອົງອາດກ້າຫານ, ໄດ້ນໍາພາປະຊາຊົນລາວບັນດາເຜົ່າລຸກຂຶ້ນຕໍ່ສູ້ຕ້ານການຮຸກຮານຂອງພວກສັດຕູຢ່າງພິລະອາດຫານໃນຫຼາຍໆບັ້ນຮົບຈົນສາມາດຍາດໄດ້ໄຊຊະນະເປັນກ້າວໆມາ. ໂອກາດນີ້, ສະຫາຍ ທອງສີ ເສົາສຸລິພົມ ປະທານສະພາປະຊາຊົນແຂວງຜົ້ງສາລີ ຍັງໄດ້ປະດັບຫຼຽນກາລະນຶກ 50 ປີ ໃຫ້ເລຂາຄະນະບໍລິຫານການພັກແຂວງ, ພ້ອມນັ້ນ ທ່ານ ເລຂາຄະນະບໍລິຫານງານພັກແຂວງ ກໍໄດ້ປະດັບຫຼຽນກາລະນຶກ 50 ປີ ໃຫ້ປະທານສະພາປະຊາຊົນແຂວງ ແລະ ປະດັບໃຫ້ອະດີດການນໍາແຂວງຈໍານວນ 17 ທ່ານ ແລະ ມອບໃຫ້ຄະບໍລິຫານພັກແຂວງຈໍານວນ 34 ອີກດ້ວຍ. ຂ່າວ-ພາບ: ຮ້ອຍຕີ ທອງສຸກ ຈັນຖະໜອມ

news to day and hot news