ວັນພຸດ, ວັນທີ 21 ມັງກອນ 2026
ວພກ ເປີດກອງປະຊຸມສະພາວິທະຍາສາດຂັ້ນ II
ເວລາອອກຂ່າວ: 2025-11-28 10:10:18 | ຜູ້ຂຽນ : admin3 | ຈຳນວນຄົນເຂົ້າຊົມ: 745 | ຄວາມນິຍົມ: 
ວັນທີ 25 ພະຈິກ 2025 ນີ້, ວິທະຍາຄານພະລາທິການກອງ ທັບ ໄດ້ຈັດກອງປະຊຸມສະພາວິ ທະຍາສາດຂັ້ນວິທະຍາຄານຜ່ານປື້ມຕຳລາສິດສອນ, ໂດຍການເປັນປະທານຂອງສະຫາຍ ພັນເອກ ປອ ປະໂຍທອນ ແກ້ວວີສິດ ຮອງ
ອຳນວຍການ ຫົວໜ້າຫ້ອງອົບ ຮົມວິທະຍາຄານ-ຮອງປະທານສະພາວິທະຍາສາດ, ມີບັນດາຄະນະອຳນວຍການ, ສະມາຊິກສະພາວິທະຍາສາດ ແລະ ພະແນກວິຊາການທີ່ກ່ຽວຂ້ອງເຂົ້າຮ່ວມ.
ເພື່ອປະຕິບັດຕາມຫຼັກສູດ ໂຄງການໃນການຮຽນ-ການສອນປື້ມຕຳລາໃໝ່ທີ່ຂັ້ນເທິງ ເອົາເຂົ້ານຳໃຊ້ຢູ່ໃນບັນດາໂຮງຮຽນ, ບັນດາວິທະຍາຄານຂອງ ກອງທັບປະຊາຊົນລາວ ຈຸດປະສົງແມ່ນເພື່ອແນໃສ່ໃຫ້ນັກຮຽນ-ນັກສຶກສາ ໄດ້ຮຽນຮູ້ກ່ຽວກັບບົດຮຽນ ວິຊາການເງິນກອງທັບ, ຂັ້ນກອງພັນໃຫຍ່, ກອງພົນໃນປັດຈຸບັນ, ໃນກອງປະຊຸມໄດ້ຄົ້ນ ຄວ້າປະກອບຄຳຄິດຄຳເຫັນຢ່າງກົງໄປ, ກົງມາ ແລະ ພ້ອມກັນເຫັນດີເປັນເອກະພາບ ແລະ ໄດ້ຮັບຮອງເອົາເຂົ້ານຳໃຊ້ໃນການຮຽນ-ການສອນໃນສົກຮຽນ 2025-2026 ເຊິ່ງປື້ມຕຳລາມີທັງໝົດ 4 ບົດ.
ຕອນທ້າຍກອງປະຊຸມສະຫາຍປະທານກໍໄດ້ມີຄຳເຫັນໂອ້ລົມຕໍ່ກອງປະຊຸມກ່ອນອື່ນສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່ບັນດາສະຫາຍ ສະມາຊິກສະ ພາ ແລະ ຄະນະຮັບຜິດຊອບທີ່ໄດ້ພ້ອມກັນເອົາໃຈໃສ່ໃນການປະກອບຄຳຄິດເຫັນໃສ່ປື້ມຕຳລາຮຽນວິຊາ ການເງິນກອງທັບ, ກອງພັນໃຫຍ່, ກອງພົນ ເພື່ອພ້ອມກັນເປັນເອກະພາບ ແລະ ຮັບຮອງເອົາໄປນຳໃຊ້ເຂົ້າໃນຫຼັກ
ສູດໂຄງການໃຫ້ມີຄຸນນະພາບດີຈາກນັ້ນສະຫາຍປະທານຍັງໄດ້ຮຽກຮ້ອງໃຫ້ບັນດາສະຫາຍ,ໃຫ້ຄະນະຊີ້ນຳບັນດາອົງການທີ່ກຽ່ວຂ້ອງເປັນຜູ້ຮັບຜິດຊອບນຳໃຊ້ເຂົ້າໃນການຮຽນ-ການສອນ ຕ້ອງໄດ້ມີຄວາມຮັບຜິດຊອບສູງ,
ຕ້ອງມີວິໃສທັດ, ເອົາໃຈໃສ່ຄົ້ນ ຄວ້າໃນການຂຶ້ນຫ້ອງສິດສອນຕ້ອງຮູ້ຄັດຈ້ອນບັນດາເນື້ອໃນໃສ່ບົດສອນໃຫ້ສອດຄ່ອງ ແລະ ແທດເໝາະໃນແຕ່ລະເປົ້າໝາຍໃຫ້ມີໂລຊິກເປັນຄວາມຮູ້ອັນໃໝ່ເພື່ອໃຫ້ນັກຮຽນ-ນັກສຶກສາໄດ້ພັດທະນາຕົນເອງ, ພັດທະນາກົມກອງ ແລະ ພັດທະນາປະເທດຊາດໃຫ້ຮຸ່ງເຮືອງສີວິໄລ.
ໂດຍ: ບຸນປອນ ພັນດາລາ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
