ວັນພຸດ, ວັນທີ 21 ມັງກອນ 2026
ມອບເຄື່ອງບໍລິໂພກຊຸກຍູ້ ໃຫ້ກ້ອນກຳລັງສວນສະໜາມ ກອງພັນໃຫຍ່ 605
ເວລາອອກຂ່າວ: 2025-11-28 10:01:12 | ຜູ້ຂຽນ : admin3 | ຈຳນວນຄົນເຂົ້າຊົມ: 713 | ຄວາມນິຍົມ: 
ໃນວັນທີ 25 ພະຈິກ 2025 ນີ້, ທ່ານ ນາງ ໝີ ອຸດທະພອນ ຫົວໜ້າພະແນກກົງຈັກການຈັດຕັ້ງພັກ ຄະນະຈັດຕັ້ງສູນກາງພັກ ພ້ອມຄະນະ ໄດ້ນຳເອົາເຄື່ອງບໍລິໂພກມາຊຸກຍູ້ ໃຫ້ກ້ອນກຳລັງສວນສະໜາມ ກອງພັນໃຫຍ່ 605 ກໍຄືກ້ອນກຳລັງສວນສະໜາມຂອງເຫຼົ່າຮົບປືນໃຫຍ່ໜ້າດິນ ທີ່ພວມຫັດແອບເຝິກຊ້ອມສວນ ສະໜາມ ສະເຫຼີມສະຫຼອງ ວັນສະຖາປະນາ ສປປ ລາວ ຄົບຮອບ 50 ປີ, ໂດຍຕາງໜ້າກ່າວຮັບຂອງ ສະຫາຍ ພັກເອກ ໄມສີ ມາວັນດີ ເລຂາຄະນະພັກ ຫົວໜ້າການເມືອງກອງພັນໃຫຍ່ 605 ພ້ອມຄະນະ.
ເຄື່ອງທີ່ນຳມາມອບໃນຄັ້ງນີ້, ປະກອບມີ: ເຂົ້າກ່ອງ, ໝີ່, ເຄື່ອງດື່ມຊູກຳລັງ ແລະ ກະຕ່າຂອງ ຂວັນ ລວມມູນຄ່າ 6.000.000 ກີບ, ຈຸດປະສົງເພື່ອເປັນການປະ ກອບສ່ວນຊຸກຍູ້ ແລະ ໃຫ້ກຳລັງ ໃຈພະນັກງານ-ນັກຮົບ ໃນກ້ອນ ກຳລັງສວນສະໜາມ ສະເຫຼີມສະຫຼອງວັນສະຖາປະນາ ສປປ ລາວ ຄົບຮອບ 50 ປີ ໃຫ້ມີຄວາມກະຕືລືລົ້ນ, ອົດທົນຜ່ານຜ່າຄວາມຫຍຸ້ງຍາກ ຕະຫຼອດໄລຍະການຫັດແອບ ເພື່ອຮັບປະກັນໃຫ້ແກ່ການເຂົ້າຮ່ວມເດີນສວນສະໜາມ ໃຫ້ມີຄວາມເປັນເອກະພາບ, ຄ່ອງແຄ້ວ, ງົດງາມ ແລະ ໄດ້ຮັບໝາກຜົນສູງ.
ໂອກາດນີ້ ສະຫາຍ ພັກເອກ ໄມສີ ມາວັນດີ ໄດ້ຕາງໜ້າໃຫ້ຄະນະພັກ-ຄະນະບັນຊາ ກໍຄືກ້ອນສວນສະໜາມຂອງກອງພັນໃຫຍ່ 605 ໄດ້ກ່າວສະແດງຄວາມຂອບໃຈຕໍ່ຄະນະດັ່ງກ່າວ ທີ່ເຫັນໄດ້ເຖິງຄວາມໝາຍຄວາມສຳຄັນ
ຂອງວຽກງານຫັດແອບເຝິກຊ້ອມສວນສະໜາມ ສະເຫຼີມສະຫຼອງ ວັນສະຖາປະນາ ສປປ ລາວ ຄົບຮອບ 50 ປີ, ພ້ອມດຽວກັນນີ້, ທ່ານ ນາງ ໝີ ອຸດທະພອນ ໄດ້ຕາງໜ້າຄະນະ ມີຄຳເຫັນ ແລະ ອວຍພອນໄຊອັນປະເສີດໃຫ້ຄະນະພັກ-ຄະນະບັນຊາ, ຄະນະຮັບຜິດຊອບພາກສະໜາມ, ຄະນະຮັບຜິດຊອບກ້ອນສວນສະໜາມ ແລະ ອ້າຍນ້ອງກຳລັງກ້ອນສວນສະໜາມ ຈົ່ງມີສຸຂະພາບແຂງແຮງ, ສືບຕໍ່ຍົກສູງຄວາມຮັບຜິດ ຊອບການເມືອງ, ປະກອບ ສ່ວນສະເຫຼີມສະຫຼອງ ວັນສຳຄັນຂອງຊາດໃນຄັ້ງນີ້ ແລະ ພ້ອມກັນເຮັດສຳເລັດໜ້າທີ່ຕາມການຈັດຕັ້ງມອບໝາຍໃຫ້.
ໂດຍ: ເພັງ ມະນີລະສິດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
