POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 05 ທັນວາ 2025

ໂຮງຮຽນວັດທະນະທຳຊົນເຜົ່າກອງທັບ ເຜີຍແຜ່, ເຊື່ອມຊຶມບົດແນະນຳ ຂອງກົມໃຫຍ່ການເມືອງ
ເວລາອອກຂ່າວ: 2025-11-06 09:02:47 | ຜູ້ຂຽນ : admin1 | ຈຳນວນຄົນເຂົ້າຊົມ: 379 | ຄວາມນິຍົມ:

ທ້າຍເດືອນ ຕຸລາ 2025 ນີ້, ໂຮງຮຽນວັດທະນະທຳຊົນເຜົ່າກອງທັບ ໄດ້ຈັດກອງປະຊຸມເຜີຍແຜ່, ເຊື່ອມຊຶມ ບົດແນະນຳ ຂອງກົມໃຫຍ່ການເມືອງກອງທັບ ກ່ຽວກັບການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ (ສະບັບປັບປຸງ) ແລະ ເຜີຍແຜ່ມະຕິ ກອງປະຊຸມຄົບ ຄະນະບໍລິຫານງານພັກກະຊວງປ້ອງກັນປະເທດ ຄັ້ງທີ I ສະໄໝທີ VI, ໂດຍການເປັນປະທານຂອງ ສະຫາຍ ພັນເອກ ປອ ສະແຫວງ ແດນນາມົນ ເລຂາຄະນະພັກ, ຫົວໜ້າການເມືອງ ໂຮງຮຽນວັດທະນະທຳຊົນເຜົ່າກອງທັບ, ມີ ສະຫາຍ ພັນເອກ ເພັດສະໝອນ ວິລະວອນ ຮອງເລຂາຄະນະພັກ, ຫົວໜ້າການທະຫານໂຮງຮຽນ, ມີຄະນະພັກ-ຄະນະອຳນວຍການ, ຄະນະຫ້ອງ, ກອງພັນ ຕະຫຼອດຮອດພະນັກງານສະມາຊິກພັກສົມບູນ ແລະ ສຳຮອງເຂົ້າຮ່ວມ. ສະຫາຍ ພັນໂທ ອຸໄລກອນ ກົມມະເມືອງ ກຳມະການຄະນະພັກໂຮງຮຽນ, ຮອງເລຂາຄະນະພັກຮາກຖານຫ້ອງຫານເມືອງ ໄດ້ຂຶ້ນຜ່ານ ບົດແນະນຳ ຂອງກົມໃຫຍ່ການເມືອງກອງທັບ ກ່ຽວກັບການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ (ສະບັບປັບປຸງໃໝ່), ໂດຍປະຕິບັດຕາມແຈ້ງການ ແລະ ຄຳແນະນຳ ຂອງຄະນະຈັດຕັ້ງສູນກາງພັກ ກ່ຽວກັບການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ແລະ ອີງຕາມ ການຈັດຕັ້ງປະຕິບັດວຽກງານການກໍ່ສ້າງໜ່ວຍພັກປອດໃສເຂັ້ມແຂງ ໜັກແໜ້ນ ຂອງການຈັດຕັ້ງຮາກຖານພັກ ໃນທົ່ວກອງ ທັບ ໄລຍະຜ່ານມາ, ເພື່ອເຮັດໃຫ້ການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ດຳເນີນໄປຢ່າງເປັນລະບົບ, ຖືກຕ້ອງ, ສອດຄ່ອງກັບສະພາບຄວາມເປັນຈິງ ແລະ ຮັບປະກັນຄຸນນະພາບ. ໂອກາດນີ້, ສະຫາຍ ພັນເອກ ປອ ສະແຫວງ ແດນນາມັນ ໄດ້ເຜີຍແຜ່ ມະຕິກອງປະຊຸມຄົບຄະນະບໍລິຫານງານພັກ ກະຊວງປ້ອງກັນປະເທດ ຄັ້ງທີ I ສະໄໝທີ VI ແລະ ຮຽກຮ້ອງມາຍັງພະນັກງານ-ສະມາຊິກພັກ ທຸກສະຫາຍ ຈົ່ງພ້ອມກັນສືບຕໍ່ສຶກສາອົບຮົມການເມືອງ-ນຳພາແນວຄິດ ໃຫ້ມີຄຸນທາດການເມືອງໜັກແໜ້ນຕິດພັນກັບການຈັດຕັ້ງປະຕິບັດມະຕິວ່າດ້ວຍ 4 ໜ້າທີ່ໃຫຍ່ 26 ແຜນງານ, ຕັ້ງໜ້າປັບປຸງແບບແຜນວິທີເຮັດວຽກໃຫ້ສອດຄ່ອງ, ປະຕິບັດຕາມຫຼັກການລວມສູນປະຊາທິປະໄຕ ແບ່ງບຸກຄົນຮັບຜິດຊອບ, ພ້ອມກັນເຊີດຊູນ້ຳໃຈຮັກຊາດ, ເສີມຂະຫຍາຍມານະຈິດປະຕິວັດເຂົ້າໃນການປະຕິບັດໜ້າທີ່, ເຊື່ອມຊືມກຳແໜ້ນບົດແນະນຳ ຂອງກົມໃຫຍ່ການເມືອງກອງທັບ ແລະ ຜັນຂະຫຍາຍມະຕິກອງປະຊຸມໃຫຍ່ຜູ້ແທນສະມາຊິກພັກຄັ້ງທີ I ສະໄໝທີ VI ຂອງອົງຄະນະພັກກະຊວງປ້ອງກັນປະເທດ ໃຫ້ປະກົດຜົນເປັນຈິງ. ໂດຍ: ໂອລິນ ມິ່ງມີໄຊ

news to day and hot news