POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 13 ພະຈິກ 2025

ເຜີຍແຜ່ເຊື່ອມຊຶມມະຕິກອງປະຊຸມໃຫຍ່ຜູ້ແທນສະມາຊິກພັກ ຄັ້ງທີ VI ຂອງອົງຄະນະພັກກະຊວງປ້ອງກັນປະເທດ ແລະ ບົດແນະນຳຂອງກົມໃຫຍ່ການເມືອງກອງທັບ ຢູ່ 3 ກົມກອງ
ເວລາອອກຂ່າວ: 2025-11-03 11:30:37 | ຜູ້ຂຽນ : admin2 | ຈຳນວນຄົນເຂົ້າຊົມ: 790 | ຄວາມນິຍົມ:

ວັນທີ 30 ຕຸລາ 2025 ນີ້, ຢູ່ໂຮງງານ ອ 674, ໂຮງງານ ອ 410 ແລະ ສາງ ອ 2 ທີ່ຂຶ້ນກັບກົມໃຫຍ່ເຕັກນິກກອງທັບ, ໄດ້ຈັດກອງປະຊຸມເຜີຍແຜ່ເຊື່ອມຊຶມມະຕິກອງປະຊຸມໃຫຍ່ຜູ້ແທນສະມາຊິກພັກ ຄັ້ງທີ VI ຂອງອົງຄະນະພັກກະຊວງປ້ອງກັນປະເທດ ແລະ ບົດແນະນຳຂອງກົມໃຫຍ່ການເມືອງກອງທັບ, ກ່ຽວກັບການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ສະບັບປັບປຸງໃໝ່ ໂດຍການເປັນປະທານຂອງ ສະຫາຍ ພົນຈັດຕະວາ ສາຍສະໝອນ ໄຊພູບານ ກໍາມະການຄະນະປະຈຳພັກກົມໃຫຍ່ ຮອງຫົວໜ້າກົມໃຫຍ່ເຕັກນິກກອງທັບ, ມີ ຄະນະພັກ-ຄະນະບັນຊາ ພະນັກງານ-ສະມາຊິກພັກ 3 ກົມກອງ ເຂົ້າຮ່ວມ, ສະຫາຍ ພັນເອກ ວຽງທອງ ພັດທະສິດ ຮອງຫົວໜ້າຫ້ອງການເມືອງ ກົມໃຫຍ່ເຕັກນິກກອງທັບ ໄດ້ເຜີຍແຜ່ບົດລາຍງານການເມືອງທັງສອງພາກ ແລະ ມະຕິກອງປະຊຸມໃຫຍ່ຜູ້ແທນສະມາຊິກພັກ ຄັ້ງທີ VI ຂອງອົງຄະນະພັກ ກະຊວງປ້ອງກັນປະເທດ ແລະ ມະຕິຮັບຮອງເອົາຄະນະບໍລີຫານງານພັກສະໄໝທີ VI ຂອງອົງຄະນະພັກກະຊວງປ້ອງກັນປະເທດ, ໂດຍໄດ້ຍົກໃຫ້ເຫັນບົດບາດໃນ ການຊີ້ນຳ - ນຳພາ ການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຜູ້ແທນສະມາຊິກພັກ ຄັ້ງທີ V ຂອງອົງຄະນະພັກ ກະຊວງປ້ອງກັນປະເທດ ໃນໄລຍະ 5 ປີຜ່ານມາມີຜົນສຳເລັດ ແລະ ພົ້ນເດັ່ນຫຼາຍດ້ານເຊັ່ນວ່າ: ເຮັດໃຫ້ປະເທດຊາດມີຄວາມສະຫງົບ, ປັບປຸງກໍ່ສ້າງກຳລັງ, ດ້ານພະລາທິການ-ເຕັກນິກ ແລະ ອາວຸດກະສຸນ, ການພົວພັນ-ຮ່ວມມືກັບສາກົນຢ່າງບໍ່ຢຸດຢັ້ງ ພ້ອມທັງແກ້ໄຂຂໍ້ຄົງຄ້າງ ແລະ ຖອດຖອນບົດຮຽນຄຽງຄູ່ກັນໄປ, ກອງປະຊຸມໃຫຍ່ຄັ້ງນີ້ ມີຜູ້ແທນເຂົ້າຮ່ວມທັງໝົດ 230 ສະຫາຍ, ທີ່ເປັນຕົວແທນໃຫ້ສະມາຊິກທົ່ວກຳລັງຫຫຼວງມີ 43.686 ສະຫາຍ, ມີແຂກຖືກເຊີນເຂົ້າຮ່ວມ 47 ສະຫາຍ, ໄລຍະເວລາດຳເນີນກອງປະຊຸມເປັນເວລາ 2 ວັນ, ວັນທີ 7- 8 ສິງຫາ ຜ່ານມານີ້, ກອງປະຊຸມໄດ້ດຳເນີນໄປດ້ວຍຄວາມເປັນເອກະພາບ ແລະ ຄວາມຮັບຜີດຊອບການເມືອງສູງ ເຊິ່ງການດຳເນີນກອງປະຊຸມບັນດາສະຫາຍ ຜູ້ແທນໄດ້ພ້ອມກັນຄົ້ນຄວ້າ ຕົກລົງຫຼາຍບັນຫາທີ່ສຳຄັນ ຂອງກະຊວງປ້ອງກັນປະເທດ ດ້ວຍຄວາມເປັນເອກະພາບສູງ ພ້ອມທັງປ່ອນບັດເລືອກຕັ້ງເອົາຄະນະບໍລິຫານງານພັກກະຊວງປ້ອງກັນປະເທດ ສະໄໝທີ VI ຈຳນວນ 35 ສະຫາຍ ຍິງ 2 ສະຫາຍ ແລະ ຮັບຮອງເອົາຄະນະປະຈຳພັກ ຈຳນວນ 11 ສະຫາຍ ຮັບຮອງເອົາເລຂາ ຮອງເລຂາ ແລະ ປະທານ ຮອງປະທານກວດກາ, ແລະ ກອງປະຊຸມໄດ້ອັດລົງດ້ວຍຜົນສຳເລັດອັນຈົບງາມ. ພ້ອມນັ້ນໄດ້ຜ່ານເອກະສານວ່າດ້ວຍບົດແນະນຳຂອງກົມໃຫຍ່ການເມືອງກອງທັບ, ກ່ຽວກັບການກໍ່ສ້າງ ໜ່ວຍພັກປອດໃສ ເຂັ້ມແຂງ ໜັກແໜ້ນ ສະບັບປັບປຸງໃໝ່, ຈາກນັ້ນສະຫາຍ ພັນໂທ ນາງ ວຽງສະຫັວນ ຊົມພູ ໄດ້ຜ່ານຄຳສັ່ງເພີ່ມເຕີມຂອງກົມໃຫຍ່ການເມືອງກອງທັບ ວ່າດ້ວຍກົດລະບຽບການນຳໃຊ້ອຸປະກອນສື່ສານປະເພດໂທລະສັບເຄື່ອນທີ່ ຄອມພິວເຕີ ແລະ ອື່ນໆ ໃນການຮັກສາຄວາມລັບຂອງນາຍ ແລະ ພົນທະຫານໃນກອງທັບປະຊາຊົນລາວໃຫ້ເຂັ້ມງວດ, ຈາກນັ້ນ ສະຫາຍ ພັນເອກ ວຽງທອງ ພັດທະສິດ ກໍໄດ້ຜ່ານຂໍ້ຕົກລົງຂອງກະຊວງປ້ອງກັນປະເທດ ແລະ ກົມໃຫຍ່ການເມືອງກອງທັບ, ວ່າດ້ວຍການເລື່ອນຊັ້ນ ເລື່ອນທຽບຊັ້ນ ໃຫ້ນາຍທະຫານ 3 ກົມກອງ ໃນນີ້ ເລື່ອນຊັ້ນ ຮ້ອຍເອກ ຂຶ້ນຊັ້ນ ພັນຕີ ຈຳນວນ 7 ສະຫາຍ, ເລື່ອນທຽບຊັ້ນ ຮ້ອຍເອກ ຂຶ້ນຊັ້ນ ພັນຕີ ຈຳນວນ 6 ສະຫາຍ, ເລື່ອນຊັ້ນ ຮ້ອຍໂທ ຂຶ້ນຊັ້ນ ຮ້ອຍເອກ ຈຳນວນ 4 ສະຫາຍ, ເລື່ອນທຽບຊັ້ນ ຮ້ອຍໂທ ຂຶ້ນຊັ້ນ ຮ້ອຍເອກ ຈຳນວນ 11 ສະຫາຍ, ເລື່ອນຊັ້ນ ຮ້ອຍຕີ ຂຶ້ນຊັ້ນ ຮ້ອຍໂທ ຈຳນວນ 5 ສະຫາຍ. ໂດຍ: ທອງຈັນ

news to day and hot news