POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 11 ກຸມພາ 2026

ກອງບັນຊາການທະຫານແຂວງຈໍາປາສັກ ສະຫຼຸບວຽກງານປ້ອງກັນຊາດ ປະຈໍາໄຕມາດ lll
ເວລາອອກຂ່າວ: 2025-10-03 10:21:39 | ຜູ້ຂຽນ : admin2 | ຈຳນວນຄົນເຂົ້າຊົມ: 1530 | ຄວາມນິຍົມ:

ກອງປະຊຸມສະຫຼຸບວຽກງານປ້ອງກັນຊາດປະຈໍາໄຕມາດ III ແລະ ທິດທາງແຜນການປະຈໍາໄຕມາດ IV ປີ 2025 ຂອງກອງບັນຊາການທະຫານແຂວງຈໍາປາສັກ ໄດ້ຈັດຂຶ້ນໃນ ວັນທີ 2 ຕຸລາ 2025 ນີ້, ໂດຍການເປັນປະທານຂອງ ສະຫາຍ ພົນຈັດຕະວາ ວິລະຕູ່ ວໍລະຈິດ ກໍາມະການຄະນະປະຈໍາພັກແຂວງ, ຮອງປະທານຜູ້ປະຈໍາການປ້ອງກັນຊາດ-ປ້ອງກັນຄວາມສະຫງົບແຂວງ, ເລຂາຄະນະພັກ, ຫົວໜ້າການເມືອງກອງບັນຊາການທະຫານແຂວງຈໍາປາສັກ, ມີສະຫາຍ ພັນເອກ ສິດປະເສີດ ນວນມະນີວົງ ຮອງເລຂາຄະນະພັກ, ຫົວໜ້າການທະຫານກອງບັນຊາການທະຫານແຂວງ, ມີ ຄະນະພັກ-ຄະນະບັນຊາອົງການ 5 ຫ້ອງກອງບັນຊາການ, ພະແນກການ ແລະ ພະນັກງານໃນກົມກອງ ເຂົ້າຮ່ວມ. ສະຫາຍ ພົນຈັດຕະວາ ວິລະຕູ່ ວໍລະຈິດ ໄດ້ກ່າວເປີດກອງປະຊຸມວ່າ: ກອງປະຊຸມຄັ້ງນີ້ ເພື່ອສະຫລຸບຖອດຖອນບົດຮຽນ ເສີມຂະຫຍາຍບັນດາຈຸດດີ ທີ່ພົ້ນເດັ່ນ ແລະ ແກ້ໄຂຂໍ້ຄົງຄ້າງປັບປຸງແບບແຜນໃຫ້ມີຄວາມລະອຽດ ແທດເໝາະກັບຄວາມຮຽກຮ້ອງຕ້ອງການຂອງສະພາບການໃນສະເພາະໜ້າ ແລະ ໃນໄລຍະໃໝ່ໃຫ້ທັນສະພາບການ. ຈາກນັ້ນ ສະຫາຍ ພັນໂທ ພູເພັດ ວົງພົມ ຫົວໜ້າຫ້ອງການ ກອງບັນຊາການທະຫານແຂວງຈໍາປາສັກ ໄດ້ຜ່ານບົດສະຫຼຸບການຈັດຕັ້ງປະຕິບັດວຽກງານປ້ອງກັນຊາດປະຈໍາໄຕມາດ III ແລະ ຜ່ານທິດທາງແຜນການປະຈໍາໄຕມາດ IV ປີ 2025 ຂອງກອງບັນຊາການທະຫານແຂວງຈໍາປາສັກ ເຊິ່ງຍົກໃຫ້ເຫັນໝາກຜົນໆງານ ແລະ ຜົນສໍາເລັດຫຼາຍດ້ານ ເປັນຕົ້ນ ຄະນະພັກ-ຄະນະບັນຊາ ໄດ້ຖືເອົາການສຶກສາອົບຮົມການເມືອງ-ນຳພາແນວຄິດເປັນກົກ ຕິດພັນກັບວຽກງານກໍ່ສ້າງຮາກຖານການເມືອງພັດທະນາຊົນນະບົດ ແລະ ສ້າງທ່າສະໜາມສົງຄາມປະຊາຊົນ 3 ຂັ້ນ ໂດຍຖືເອົາວຽກງານ 3 ສ້າງຂອງພັກຢູ່ຈຸດສຸມຂອງແຂວງ, ຂອງເມືອງ, ຂອງກຸ່ມບ້ານທີ່ລຽບຕາມຊາຍແດນ ແລະ ບັນດາເມືອງທີ່ຢູ່ແນວຫຼັງ. ວຽກງານແກ້ໄຂໜໍ່ແໜງທີ່ຈະກໍ່ໃຫ້ເກີດຄວາມບໍ່ສະຫງົບໄດ້ເຄື່ອນໄຫວອັດປ່ອງຂ້າມລອຍຕາມບໍລິເວນຊາຍແດນ, ປ້ອງກັນເຂດປ່າສະຫງວນ-ປ່າປ້ອງກັນຊາດ, ປ້ອງກັນເຂດຍຸດທະສາດທີ່ສຳຄັນ ແລະ ສະກັດກັ້ນກຸ່ມຄົນທີ່ບໍ່ດີລັກລອບຕັດໄມ້ເຂດປ່າສະຫງວນຢ່າງເຂັ້ມງວດ, ຈັດຕັ້ງຮື້ຖອນຫຼັກໝາຍຊາຍແດນທີ່ລ່ວງເລິກເຂົ້າມາດິນເຮົາ, ພ້ອມນັ້ນໄດ້ເອົາໃຈໃສ່ວຽກງານກຽມພ້ອມສູ້ຮົບ ແລະກອບກູ້ໄພພິບັດ ໃຫ້ມີຄວາມຮັບປະກັນສູງສຸດ, ເພື່ອຮັບປະກັນສ້າງໃຫ້ທ້ອງຖິ່ນແຂວງຈໍາປາສັກໄດ້ມີຄວາມສະຫງົບປອດໄພໂດຍພື້ນຖານ. ໃນກອງປະຊຸມກໍ່ໄດ້ຜັດປ່ຽນກັນຂຶ້ນປະກອບຄໍາຄິດເຫັນຢ່າງກົງໄປກົງມາໃສ່ບົດສະຫຼຸບຕື່ມອີກ. ສະຫາຍ ພົນຈັດຕະວາ ວິລະຕູ່ ວໍລະຈິດ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນໆງານທີ່ຍາດມາໄດ້ໃນໄລຍະຜ່ານມາ ພ້ອມທັງເນັ້ນໜັກຫຼາຍບັນຫາທີ່ສຳຄັນ ເພື່ອພ້ອມກັນນໍາໄປຈັດຕັ້ງຜັນຂະຫາຍເຂົ້າໃນໜ້າທີ່ວຽກງານທີ່ໄດ້ຮັບການມອບໝາຍໃຫ້ມີຜົນສຳເລັດ. ໂດຍ: ນາງ ສິລິຄານ ສີດາວົງ

news to day and hot news