POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 13 ພະຈິກ 2025

ເປັນເຈົ້າການຄຸ້ມຄອງ, ຮັບ ແລະ ເບີກຈ່າຍອຸປະກອນເຕັກນິກ-ນ້ຳມັນເຊື້ອໄຟ ໃຫ້ບັນດາກົມກອງ
ເວລາອອກຂ່າວ: 2025-10-03 09:27:10 | ຜູ້ຂຽນ : admin3 | ຈຳນວນຄົນເຂົ້າຊົມ: 657 | ຄວາມນິຍົມ:

ສາງນ້ຳມັນ ເລກ 5 ກອງທັບ ແມ່ນສາງຍຸດທະສາດ ຂອງກະຊວງປ້ອງກັນປະເທດ ໂດຍພາຍໃຕ້ການນຳພາ-ຊີ້ນຳຮອບດ້ານ ໂດຍກົງຈາກຄະນະພັກອົງການ ກົມໃຫຍ່ພະລາທິການກອງທັບກໍຄືກົມນ້ຳມັນເຊື້ອໄຟ, ມີບົດບາດເປັນເສນາທິການໃຫ້ແກ່ກົມນ້ຳມັນເຊື້ອໄຟກ່ຽວກັບວຽກງານວິຊາສະເພາະ, ມີໜ້າທີ່ຄຸ້ມຄອງ, ຮັບ ແລະ ເບີກຈ່າຍ ອຸປະກອນເຕັກນິກ-ນ້ຳມັນເຊື້ອໄຟ ໃຫ້ບັນ ດາກົມກອງທີ່ກົມນ້ຳມັນເຊື້ອໄຟແກ້ໃຫ້ຄຽງຄູ່ກັນນີ້, ຍັງໄດ້ເອົາໃຈໃສ່ປັບປຸງສ້າງກົມກອງໃຫ້ມີຄວາມເຂັ້ມແຂງ ຮອບດ້ານ. ສະຫາຍ ພັນໂທ ຫັດສະດີ ວັນນະວົງ ຫົວໜ້າສາງນ້ຳມັນເລກ 5 ກອງທັບ ໃຫ້ຮູ້ວ່າ: ປັດ ຈຸບັນ ສາງນ້ຳມັນເລກ 5 ກອງທັບ ປະກອບມີ 5 ຂະແໜງການຄື: ຂະແໜງແຜນການ, ຂະແໜງບໍລິຫານ, ຂະແໜງເຕັກນິກອຸ ປະກອນ, ຂະແໜງວິໄຈນ້ຳມັນ ແລະ ຂະແໜງນ້ຳມັນເຊື້ອໄຟ, ສ່ວນດ້ານການຈັດຕັ້ງປະຕິບັດວຽກງານວິຊາສະເພາະເປັນໜ້າ ທີ່ໃຈກາງ ມີ 3 ຂະແໜງການ ຄື: ຂະແໜງເຕັກນິກອຸປະກອນ, ຂະແໜງວິໄຈນ້ຳມັນເຊື້ອໄຟ ແລະ ຂະແໜງນ້ຳມັນເຊື້ອໄຟ, ໃນໄລຍະຜ່ານມາບັນດາຂະແໜງການດັ່ງກ່າວ ໄດ້ຍົກສູງຄວາມຮັບຜິດຊອບຕໍ່ໜ້າທີ່ການເມືອງຂອງຕົນ ເປັນເຈົ້າການຮັບ-ຈ່າຍ ແລະ ຄຸ້ມຄອງວັດຖຸ ເປັນຕົ້ນແມ່ນ: ວັດຖຸຮັບໃຊ້ ນ້ຳມັນ, ລົດສະແຕັກຂົນສົ່ງນ້ຳມັນເຊື້ອໄຟ ໃຫ້ບັນດາກົມກອງ, ກວດກາລະບົບເຕັກນິກຕ່າງໆ ຢູ່ພາຍໃນສາງ ນອກນີ້, ຍັງໄດ້ເອົາໃຈໃສ່ເອົາແບບນ້ຳມັນເຂົ້າຫ້ອງວິໄຈກວດກາ ຄຸນະພາບ ໄດ້ຖືກຕ້ອງຕາມມາດຕະຖານ, ຮັບ-ຈ່າຍ ແລະ ຄຸ້ມຄອງນ້ຳມັນແຕ່ລະຊະ ນິດ ຄື: ນ້ຳມັນເຄື່ອງອາວຸດ, ນ້ຳມັນເຄື່ອງຍົນ, ນ້ຳມັນເຄື່ອງລົດ, ນ້ຳມັນແອັດຊັງພິເສດຍົນ, ນ້ຳມັນກາດຍົນ, ນ້ຳມັນແອັດຊັງ ແລະ ກາຊວນ, ການຄຸ້ມຄອງແມ່ນ ໄດ້ຈັດຕັ້ງເປັນຄະນະເພື່ອລົງກວດກາວັດແທກນ້ຳມັນຕົວຈິງມາສົມທຽບ ລາຍຮັບ-ລາຍຈ່າຍ ເພື່ອຈະໄດ້ແກ້ໄຂໃຫ້ທັນເວລາ. ສະຫາຍ ພັນຕີ ສີພອນ ຫງ່າສະຫວັນ ຫົວໜ້າຂະແໜງຮັບປະກັນນໍ້າມັນເຊື້ອໄຟ ສາງນ້ຳມັນ ເລກ 5 ກອງທັບ ໃຫ້ຮູ້ວ່າ: ສຳລັບການເບີກຈ່າຍນ້ຳມັນເຊື້ອໄຟ ແມ່ນອີງຕາມ ຄຳສັ່ງຂອງຂັ້ນເທິງ, ເບີກຈ່າຍດ້ວຍບັດ, ບົງ, ການຈັດຕັ້ງປະຕິບັດ ໃນການເບີກຈ່າຍ ແມ່ນແບ່ງອອກເປັນ 3 ພາກສ່ວນຄື: ການເບີກຈ່າຍບໍລິມາດ, ການເບີກຈ່າຍກົງເຕີ ແລະ ການເບີກຈ່າຍນ້ຳມັນຫຼໍ່ລື່ນຊະນິດຕ່າງໆ. ໂດຍຕິດພັນກັບວຽກງານວິຊາສະເພາະແລ້ວ, ສາງນ້ຳມັນເລກ 5 ກອງທັບ ຍັງໄດ້ເປັນເຈົ້າການເຄື່ອນໄຫວຈັດຕັ້ງປະຕິບັດໜ້າທີ່ວຽກງານ ຕາມ 4 ໜ້າທີ່ໃຫຍ່ 26 ແຜນງານ ທີ່ຄະນະພັກກະຊວງປ້ອງກັນປະເທດວາງອອກໃຫ້ເປັນຮູບປະທຳຕົວຈິງເປັນຕົ້ນແມ່ນ ວຽກງານເຮັດໃຫ້ສະພາບມີຄວາມສະຫງົບ, ວຽກງານປັບປຸງກໍ່ສ້າງກຳລັງ,ກໍ່ສ້າງພັກ-ພະນັກງານ ແລະ ວຽກງານອື່ນທີ່ອ້ອມໜ້າທີ່ການເມືອງຂອງກົມກອງ, ເຊິ່ງໃນໄລຍະຜ່ານມາ ກົມກອງໄດ້ຮັບການຍ້ອງຍໍຈາກຂັ້ນເທິງຄື: ກົມກອງລວມໝູ່ຢັ້ງຢືນເປັນກອງ 3 ປອດ, ໜ່ວຍພັກປອດໃສ ເຂັ້ມແຂງ ໜັກແໜ້ນ ໄດ້ດີຕະຫຼອດມາ, ບຸກຄົນໄດ້ຮັບການຍ້ອງຍໍ, ໄດ້ຮັບຫຼຽນກາ, ຫຼຽນໄຊ, ໄດ້ຮັບການເລື່ອນຊັ້ນ ແລະ ໄດ້ຮັບມອບໝາຍໜ້າທີ່ໃໝ່. ນອກນີ້, ຄະນະພັກ-ຄະນະບັນຊາຍັງໄດ້ເອົາໃຈໃສ່ຊີ້ນຳບັນດາຂະແໜງການ ແລະ ອົງການຈັດຕັ້ງມະຫາຊົນ ເຄື່ອນໄຫວຕາມພາລະບົດບາດໜ້າທີ່ຂອງຕົນຢ່າງເຕັມສ່ວນ ນອກນັ້ນ, ຍັງໄດ້ສຸມໃສ່ວຽກງານຂະບວນການອອກແຮງງານລວມໝູ່ພາຍໃນກົມກອງ, ວຽກງານພະລາທິການແກ້ໄຂຊີວິດການເປັນນຢູ່ ດ້ວຍການເພີ່ມພູນຜະລິດຜົນປູກຝັງ-ລ້ຽງສັດ ຕາມທ່າແຮງບົ່ມຊ້ອນຂອງກົມກອງ. ສະຫາຍ ພັນໂທ ຫັດສະດີ ວັນນະວົງ ໄດ້ໃຫ້ຮູ້ຕື່ມວ່າ: ສຳ ລັບແຜນການພັດທະນາ ແລະ ປັບປຸງສາງນ້ຳມັນເລກ 5 ກອງ ທັບ ໃນຕໍ່ໜ້າ ຕ້ອງຖືເປັນສຳຄັນຕໍ່ວຽກງານສຶກສາອົບຮົມການ ເມືອງ-ນຳພາແນວຄິດ ໃຫ້ພະ ນັກງານ-ນັກຮົບ ໄດ້ຮັບຮູ້ເຊື່ອມຊຶມຕໍ່ແນວທາງນະໂຍບາຍຂອງພັກ-ລັດ, ເອົາໃຈໃສ່ເຝິກຝົນຫຼໍ່ຫຼອມຕົນເອງ ໃຫ້ມີຄວາມຮູ້ຄວາມສາມາດ, ມີຄຸນສົມບັດສິນທຳປະຕິວັດ, ຍົກສູງນ້ຳໃຈເພິ່ງຕົນເອງ, ກຸ້ມຕົນເອງ, ສ້າງຄວາມເຂັ້ມແຂງດ້ວຍຕົນເອງ, ສືບຕໍ່ນຳເອົາມະຕິ ວ່າດ້ວຍ 4 ໜ້າທີ່ໃຫຍ່ 26 ແຜນງານ ທີ່ຄະນະພັກກະຊວງປ້ອງກັນປະເທດວາງອອກ ມາຈັດຕັ້ງປະຕິບັດໃຫ້ໄດ້ຮັບຜົນດີ, ສືບຕໍ່ສ້າງພະນັກງານສືບທອດປ່ຽນໃຫ້ມີຄຸນນະພາບ ເພື່ອພັດທະນາກົມກອງໃຫ້ມີໂສມໜ້າໃໝ່ກ້າວຂື້ນຢ່າງບໍ່ຢຸດຢັ້ງ. ໂດຍ: ຄຳໄຕ ຈັນນະຄອນ (ວິທະຍຸກະຈາຍສຽງກອງທັບ)

news to day and hot news