ວັນພະຫັດ, ວັນທີ 13 ພະຈິກ 2025
ສ່ອງແສງປະຈຳເດືອນວຽກງານສື່ມວນຊົນກອງທັບ
ເວລາອອກຂ່າວ: 2025-10-03 09:18:15 | ຜູ້ຂຽນ : admin3 | ຈຳນວນຄົນເຂົ້າຊົມ: 658 | ຄວາມນິຍົມ: 
ໃນວັນທີ 30 ກັນຍາ 2025 ນີ້, ຢູ່ຫໍພິພິທະພັນປະຫວັດສາດກອງທັບ ໄດ້ເປີດກອງປະຊຸມສ່ອງແສງປະຈຳເດືອນຂອງບັນດາກອງສື່ມວນຊົນກອງທັບ ໂດຍການເປັນປະທານຂອງ ສະຫາຍ ພັນເອກ ແສງອາລຸນ ແກ້ວສະຫວ່າງ ຮອງຫົວໜ້າກົມ ໂຄສະນາອົບຮົມ ກົມໃຫຍ່ການ ເມືອງກອງທັບ, ມີຄະນະພັກ-ຄະ ນະບັນຊາ 8 ກອງສື່ມວນຊົນກອງທັບເຂົ້າຮ່ວມ.
ບັນດາກອງສື່ມວນຊົນກອງທັບ ໄດ້ລາຍງານ, ແລກປ່ຽນບົດຮຽນໃນການປະຕິວັດວຽກງານສື່ມວນຊົນຂອງແຕ່ລະກົມກອງ ການອອກແບບຜະລິດສະປອດໂຄສະນາໃນຮູບແບບຕ່າງໆ ນັບທັງດ້ານຂ່າວສານ, ສາລະຄະດີ, ລາຍການບັນເທິງ ແລະ ການຕະ ຫຼາດດີຈີຕອນ ໂດຍການນຳໃຊ້ເຕັກໂນໂລຊີທີທັນສະໄໝ ເພື່ອໂຄສະນາອອກສື່ສັງຄົມອອນ ລາຍໃຫ້ກວ້າງຂວາງ ແລະ ມີ ຄຸນນະພາບ. ພ້ອມນັ້ນ ຍັງເປັນ ການປະກອບສ່ວນເຂົ້າໃນການເສີມຂະຫຍາຍມູນເຊື້ອຂອງກອງທັບ ແລະ ເປັນການພັດທະນາທັກສະທີ່ຈຳເປັນໃນຍຸກດີຈີຕອນຂອງສື່ມວນຊົນກອງທັບ ໂດຍສະເພາະຂອງກອງທັບປະຊາຊົນລາວ ໃຫ້ມີຄວາມທັນສະໄໝ ແລະ ສອດຄ່ອງກັບສະພາບການໃນປັດຈຸບັນ.
ໂອກາດນີ້, ສະຫາຍ ພັນເອກ ແສງອາລຸນ ແກ້ວສະຫວ່າງ ໄດ້ມີຄຳເຫັນໂອ້ລົມ ແລະ ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ບັນດາກົມກອງສື່ມວນຊົນທີ່ສ້າງມາໄດ້ໃນໄລຍະຜ່ານມາ ພ້ອມທັງຮຽກຮ້ອງໃຫ້ສືບຕໍ່ສຶກສາອົບຮົມການເມືອງ-ແນວຄິດໃຫ້ພະນັກງານ-ນັກຮົບຢ່າງຕໍ່ເນື່ອງ, ສືບຕໍ່ປັບປຸງແບບແຜນວິທີເຮັດວຽກໃຫ້ສອດຄ່ອງກັບຄວາມຮຽກຮ້ອງຕ້ອງການຂອງໜ້າທີ່ວຽກງານຕົວຈິງ ເພື່ອເຮັດໃຫ້ການເຄື່ອນໄຫວວຽກງານບັນດາກອງສື່ມວນຊົນໃນກອງທັບມີປະ ສິດທິພາບ ແລະ ຄຸນນະພາບ.
ໂດຍ: ວຽງໄຊ ຄູນວິໄລ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
