ວັນພະຫັດ, ວັນທີ 21 ພຶດສະພາ 2026
ກົມວິທະຍາສາດ-ປະຫວັດສາດ ການທະຫານ ເຄື່ອນໄຫວເຮັດວຽກຢູ່ທະຫານແຂວງຈຳປາສັກ
ເວລາອອກຂ່າວ: 2025-09-12 09:09:54 | ຜູ້ຂຽນ : admin1 | ຈຳນວນຄົນເຂົ້າຊົມ: 4849 | ຄວາມນິຍົມ: 
ໃນວັນທີ 8 ກັນຍາ 2025, ກົມວິທະຍາສາດ-ປະຫວັດສາດ (ວສ-ປສ) ການທະຫານ ໄດ້ເຄື່ອນໄຫວເຮັດວຽກ ຢູ່ ກອງບັນຊາການທະຫານແຂວງຈຳປາສັກ, ນຳພາໂດຍ ສະຫາຍ ພັນເອກ ປອ ໂພນທອງ ພັນຈະເລີນພົນ ຮອງຫົວໜ້າກົມ ວສ-ປສ ການທະຫານ, ຜູ້ຊີ້ນຳວຽກງານຍຸດທະສາດການທະຫານ, ມີ ສະຫາຍ ພັນເອກ ພູເວີນ ສູນນິວົງ ຫົວໜ້າຫ້ອງການເມືອງ ກອງບັນຊາການທະຫານແຂວງຈຳປາສັກ, ຄະນະພັກ-ຄະນະບັນຊາ ພະແນກການ ພ້ອມດ້ວຍ ພະນັກງານວິຊາການ ທີ່ກ່ຽວຂ້ອງ ເຂົ້າຮ່ວມ.
ຈຸດປະສົງ ກໍເພື່ອເປັນການ ເຄື່ອນໄຫວເກັບກຳຂໍ້ມູນ ປະຫວັດມູນເຊື້ອຂອງ ການຕໍ່ສູ້, ຕ້ານ ແລະ ກວາດລ້າງ ພວກອິດທິກຳລັງປໍລະປັກ ຢູ່ເມືອງປະທຸມພອນ ແລະ ເມືອງໂຂງ ແຂວງຈຳປາສັກ ໃນປີ 1988 ເພື່ອຈະນຳມາ
ປະກອບເຂົ້າໃນການຂຽນບົດໃສ່ໃນປື້ມປະຫວັດສາດການທະຫານ ໃຫ້ມີເນື້ອໃນສົມບູນຄົບຖ້ວນຂຶ້ນຕື່ມ. ທັງນີ້ ຍັງເພື່ອເປັນການໃຫ້ພະນັກງານ-ນັບຮົບ, ຊາວໜຸ່ມ-ໄວໜຸ່ມ, ນັກຮຽນ, ນັກສືສາ, ເຍົາວະຊົນ ຄົນຮຸ່ນຫຼັງ ໄດ້ສຶກສາຄົ້ນຄວ້າຮ່ຳຮຽນເອົາປະຫວັດມູນເຊື້ອອັນດີງາມຂອງພະນັກງານຮຸ່ນກ່ອນທີ່ໄດ້ສ້າງໄວ້ ມາເປັນບົດຮຽນໃນການດຳລົງຊີວິດ ແລະ ເປັນແວ່ນແຍງໃນການປະຕິບັດໜ້າທີ່ວຽກງານໃນໄລຍະໃໝ່.
ໂດຍ: ດາວົງ ບຸດຕະວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
