POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 11 ກຸມພາ 2026

ປະກາດການແຕ່ງຕັ້ງ ຂັ້ນນໍາພາ-ບັນຊາ ກອງຜະລິດກະສິກຳ ເລກ 2 ກອງທັບ
ເວລາອອກຂ່າວ: 2025-09-03 14:30:02 | ຜູ້ຂຽນ : admin2 | ຈຳນວນຄົນເຂົ້າຊົມ: 1297 | ຄວາມນິຍົມ:

ພິທີ ປະກາດການແຕ່ງຕັ້ງ ຂັ້ນນໍາພາ-ບັນຊາ ກອງຜະລິດກະສິກຳ ເລກ 2 ກອງທັບ ໄດ້ຈັດຂຶ້ນໃນວັນທີ 3 ກັນຍາ 2025 ນີ້, ໂດຍການເປັນປະທານ ຂອງສະຫາຍ ພົນຈັດຕະວາ ວົງສັກ ສີພັນດອນ ກໍາມະການຄະນະປະຈຳພັກກະຊວງປ້ອງກັນປະເທດ, ຮອງຫົວໜ້າກົມໃຫຍ່ພະລາທິການກອງທັບ, ມີຄະນະກົມຜະລິດກະສິກຳ, ຫ້ອງການເມືອງ ກົມໃຫຍ່ພະລາທິການກອງທັບ, ຄະນະພັກ-ຄະນະບັນຊາ ແລະພະນັກງານ-ນັກຮົບເຂົ້າຮ່ວມ. ສະຫາຍ ພັນເອກ ທອງຈັນ ພົງສີພັນ ຮອງຫົວໜ້າຫ້ອງການເມືອງ ກົມໃຫຍ່ພະລາທິການກອງທັບໄດ້ຜ່ານຂໍ້ຕົກລົງ ຂອງກະຊວງປ້ອງກັນປະເທດ ແລະ ຂໍ້ຕົກລົງ ຂອງກົມໃຫຍ່ການເມືອງກອງທັບ ວ່າດ້ວຍການແຕ່ງຕັ້ງພະນັກງານຂັ້ນນໍາພາ-ບັນຊາ ກອງຜະລິດກະສິກຳເລກ 2 ກອງທັບ, ອີງຕາມ ກົດໝາຍນາຍທະຫານ ກອງທັບປະຊາຊົນລາວ ວ່າດ້ວຍການແຕ່ງຕັ້ງ, ຍົກຍ້າຍນາຍທະຫານ, ອີງຕາມ ທິດທາງກ່ຽວກັບການປັບປຸງບູລະນະກົງຈັກການຈັດຕັ້ງນໍາພາ-ບັນຊາໃນກໍາລັງປະກອບອາວຸດໃຫ້ເຂັ້ມແຂງ, ໜັກແໜ້ນຮອບດ້ານ ເພື່ອເຮັດສຳເລັດໜ້າທີ່ປົກປັກຮັກສາ ແລະ ພັດທະນາປະເທດຊາດ, ອີງຕາມ ການສະເໜີ ຂອງກົມໃຫຍ່ພະລາທິການກອງທັບ, ອີງຕາມ ການຄົ້ນຄວ້າ ແລະ ນໍາສະເໜີ ຂອງກົມໃຫຍ່ການເມືອງກອງທັບ ໃນນັ້ນ, ຕົກລົງແຕ່ງຕັ້ງ ສະຫາຍ ພັັນໂທ ບຸນນຳ ພິມພະຈັນ ເປັນຫົວໜ້າກອງຜະລິດກະສິກໍາ ເລກ 2 ກອງທັບ, ສະຫາຍ ພັນໂທ ສີສະມຸດ ອິນທະລັງສີ ເປັນຮອງຫົວໜ້າກອງ ຮັບຜິດຊອບວຽກງານການເມືອງ ແລະ ບໍລິຫານ, ສະຫາຍ ພັນໂທ ນາງ ບົວວັນ ບົວສະຫວັນ ເປັນຫົວໜ້າພະແນກບໍລິຫານ, ສະຫາຍ ພັນຕີ ພຸດທະວົງ ອິດມອນຄຳ ເປັນຫົວໜ້າພະແນກແຜນການ-ສັງລວມ, ສະຫາຍ ພັນຕີ ອາສື ລາວລີ ເປັນຮອງຫົວໜ້າພະແນກແຜນການ-ສັງລວມ, ສະຫາຍ ພັນຕີ ສຸກັນ ແກ້ວດາວັນ ເປັນຮອງຫົວໜ້າພະແນກປູກຝັງ, ສະຫາຍ ພັນຕີ ນາງ ວັນເພັງ ໄຊມຸນຕີ ເປັນຮອງຫົວໜ້າພະແນກການເມືອງ ແລະ ສະຫາຍ ຮ້ອຍເອກ ແມັກ ພົມມະຈັນ ເປັນຮອງຫົວໜ້າພະແນກບໍລິຫານ. ໂອກາດນີ້, ສະຫາຍ ພົນຈັດຕະວາ ວົງສັກ ສີພັນດອນ ໄດ້ຮຽກຮ້ອງໃຫ້ຜູ້ທີ່ໄດ້ຮັບການແຕ່ງຕັ້ງໜ້າທີ່ໃໝ່ໃນຄັ້ງນີ້, ຈົ່ງເອົາໃຈໃສ່ຖືເປັນສໍາຄັນຕໍ່ວຽກງານສຶກສາອົບຮົມການເມືອງ-ພານໍາແນວຄິດເປັນກົກ, ຕັ້ງໜ້າເຝິກຝົນຫຼໍ່ຫຼອມຕົນເອງໃນທຸກດ້ານ, ມີຄຸນທາດການເມືອງໜັກແໜ້ນ, ຄຸນສົມບັດ ສິນທໍາປະຕິວັດ, ຄວາມຈົງຮັກພັກດີຕໍ່ປະເທດຊາດ, ເຊື່ອໝັ້ນຕໍ່ການນໍາພາຂອງພັກ-ລັດ ແລະ ກອງທັບ, ມີນໍ້າໃຈເສຍສະຫຼະເພື່ອຜົນປະໂຫຍດສ່ວນລວມ, ປະຕິບັດ ແລະ ເຄົາລົບລະບຽບກົດໝາຍຂອງພັກ-ລັດ, ມະຕິ, ຄໍາສັ່ງ, ຂໍ້ກໍານົດ, ກົດລະບຽບຕ່າງໆ ຂອງກອງທັບ ວາງອອກຢ່າງເຂັ້ມງວດ, ຕ້ານ ແລະ ແກ້ໄຂທຸກປະກົດການຫຍໍ້ທໍ້ທີ່ຈະເກີດຢູ່ໃນກົມກອງ, ເສີມຂະຫຍາຍດ້ານຫົວຄິດປະດິດສ້າງຂອງຕົນເອງຢ່າງແຂງແຮງເຂົ້າໃນວຽກງານວິຊາສະເພາະທີ່ການຈັດຕັ້ງມອບໝາຍ, ບົນພື້ນຖານປະຕິບັດຫຼັກການລວມສູນປະຊາທິປະໄຕ, ນໍາພາເປັນໝູ່ຄະນະ, ແບ່ງວຽກງານໃຫ້ບຸກຄົນຮັບຜິດຊອບລະອຽດຈະແຈ້ງ ແລະ ເຮັດສໍາເລັດທຸກໜ້າທີ່ ທີ່ການຈັດຕັ້ງຂັ້ນເທິງມອບໝາຍໃຫ້. ໂດຍ: ຄໍາປະສົງ ລາດຊະວົງ ພາບໂດຍ: ວິຊາການກົມກອງ

news to day and hot news