ວັນອາທິດ, ວັນທີ 12 ເມສາ 2026
ຫ້ອງເສນາທິການ ທະຫານແຂວງຫຼວງນ້ຳທາ ປະກາດການແຕ່ງຕັ້ງໜ້າທີ່ ຂັ້ນພະແນກການ ແລະ ຂະແໜງການ
ເວລາອອກຂ່າວ: 2025-08-13 09:27:28 | ຜູ້ຂຽນ : admin1 | ຈຳນວນຄົນເຂົ້າຊົມ: 620 | ຄວາມນິຍົມ: 
ວັນທີ 6 ສິງຫາ 2025, ຢູ່ທີ່ຫ້ອງເສນາທິການ ກອງບັນຊາການທະຫານແຂວງຫຼວງນ້ຳທາ ໄດ້ປະກາດການແຕ່ງຕັ້ງໜ້າທີ່ ຂັ້ນພະແນກການ ແລະ ຂະແໜງການ, ໂດຍການເປັນປະທານຂອງ ສະຫາຍ ພັນໂທ ຄຳທອນ ໄຊສົງຄາມ ຫົວໜ້າຫ້ອງເສນາທິການ ກອງບັນຊາການທະຫານແຂວງຫຼວງນ້ຳທາ, ມີຄະນະພັກ-ຄະນະບັນຊາ ພະນັກງານຫຼັກແຫຼ່ງ ແລະ ພາກສ່ວນທີ່ກ່ຽວຂ້ອງ ເຂົ້າຮ່ວມ.
ສະຫາຍ ພັນໂທ ສົມປອງ ເຈື້ອຫຼວງຄຳມີ ຫົວໜ້າພະແນກພະນັກງານ ຫ້ອງການເມືອງ ໄດ້ຜ່ານຂໍ້ຕົກລົງ ຂອງກອງບັນຊາການທະຫານແຂວງຫຼວງນ້ຳທາ ວ່າດ້ວຍການແຕ່ງຕັ້ງຫົວໜ້າພະແນກ, ຮອງຫົວໜ້າພະແນກ ແລະ ຫົວໜ້າຂະແໜງການ; ໃນນີ້, ກອງບັນຊາການທະຫານແຂວງຫຼວງນ້ຳທາ ຕົກລົງແຕ່ງຕັ້ງ ສະຫາຍ ພັນໂທ ບຸນສາງ ເສົາລັງສັກ ເປັນຮັກສາການ ຫົວໜ້າພະແນກສືບຂ່າວ, ສະຫາຍ ພັນຕີ ບຸນມີ ສິດທິພົງ ເປັນຫົວໜ້າຂະແໜງສັງລວມ, ສະຫາຍ ພັນຕີ ໄຊຍະດິດ ດ່ານຄຳລອຍ ເປັນຮັກສາການຮອງຫົວໜ້າພະແນກກົດລັບ ແລະ ສະຫາຍ ຮ້ອຍໂທ ທະນົງສີນ ວິໄສຜອນ ເປັນຊ່ວຍວຽກ ພະແນກອົບຮົມ ຫ້ອງເສນາທິການ ກອງບັນຊາການທະຫານແຂວງຫຼວງນ້ຳທາ.
ສະຫາຍ ພັນໂທ ຄຳທອນ ໄຊສົງຄາມ ໄດ້ເນັ້ນໜັກຫຼາຍບັນຫາສຳຄັນຕໍ່ນາຍທະຫານທີ່ໄດ້ຮັບໜ້າທີ່ໃໝ່ ຈົ່ງເອົາໃຈໃສ່ເຝິກຝົນຫຼໍ່ຫຼອມ ປັບປຸງກໍ່ສ້າງຕົນເອງ ໃຫ້ມີຄວາມຮູ້, ຄວາມສາມາດ, ມີຄຸນສົມບັດສິນທຳປະຕິວັດ, ປັບ
ປຸງລະບອບແບບແຜນ ວິທີການເຮັດວຽກໃຫ້ຖືກຕ້ອງເຂັ້ມງວດ, ຍົກສູງຄວາມຮັບຜິດຊອບທາງດ້ານການເມືອງຂອງຕົນ, ເອົາໃຈໃສ່ຢຶດໝັ້ນຫຼັກການລວມສູນປະຊາທິປະໄຕ ນຳພາເປັນໝູ່ຄະນະ, ຮັກສາຄວາມສາມັກຄີພາຍໃນ ແລະ ພາຍນອກໃຫ້ເປັນປຶກແຜ່ນ ເພື່ອນຳພາປັບປຸງກໍ່ສ້າງກົມກອງ ໃຫ້ມີຄວາມໜັກແໜ້ນ ເຂັ້ມແຂງ.
ໂດຍ: ບຸນມີ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
