POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 11 ກຸມພາ 2026

ຫຼາຍກົມກອງຈັດຕັ້ງປາຖະກະຖາວັນຄ້າຍວັນເກີດ ປະທານ ສຸພານຸວົງ ຄົບຮອບ 116 ປີ
ເວລາອອກຂ່າວ: 2025-08-01 09:07:08 | ຜູ້ຂຽນ : admin1 | ຈຳນວນຄົນເຂົ້າຊົມ: 1020 | ຄວາມນິຍົມ:

ໃນທ້າຍເດືອນກໍລະກົດ 2025 ນີ້, ໄດ້ມີຫຼາຍກົມກອງຈັດຕັ້ງປາຖະກະຖາວັນຄ້າຍວັນເກີດປະທານ ສຸພານຸວົງ ຄົບຮອບ 116 ປີ ແລະ ວັນສຳຄັນຂອງຊາດ ໃນນີ້ມີໂຮງຮຽນທິດສະດີການເມືອງກອງທັບ, ກົມວິທະຍາສາດ-ປະ ຫວັດສາດການທະຫານກະຊວງປ້ອງກັນປະເທດ, ກອງພັນ 233 ທີ່ຂຶ້ນກັບກົມ 213, ກອງພັນໃຫຍ່ 605, ໂຮງໝໍບໍລິເວນ 107. ຢູ່ແຕ່ລະກົມກອງໄດ້ເລົ່າຫວນຄືນມູນເຊື້ອຊີວິດການເຄື່ອນໄຫວປະຕິວັດຜົນງານ ແລະ ຄຸນງາມຄວາມດີຂອງປະທານ ສຸພານຸວົງ ເຊີ່ງຍົກໃຫ້ເຫັນການກຳເນີດ ແລະ ເຕີບໃຫຍ່ຂະຫຍາຍຕົວຂອງທ່ານປະທານສຸພານຸວົງ, ຊີວິດການ ເຄື່ອນໄຫວປະຕິວັດຂອງເພີ່ນຜົນງານ ແລະ ຄຸນງາມຄວາມດີທີ່ເພີ່ນສ້າງໄວ້ບາງບົດຮຽນທີ່ຖອດຖອນໄດ້ພະນັກງານ-ນັກຮົບ ຄວນສືບຕໍ່ຈັດຕັ້ງຜັນຂະຫຍາຍ, ປະທານສຸພານຸວົງ ຜູ້ນຳທີ່ແສນເຄົາລົບຮັກຂອງປວງຊົນລາວທັງຊາດກໍຄືພະນັກງານ-ນັກຮົບຂອງກອງທັບປະຊາຊົນລາວໃນການຊີ້ນຳ-ນຳພາກອງທັບກໍຄືປະຊາຊົນລາວບັນດາເຜົ່າຕໍ່ສູ້ກູ້ຊາດໃນແຕ່ລະໄລຍະທີ່ສ່ອງແສງເຖິງຜົນງານອັນຍິ່ງໃຫຍ່ ແລະ ມີຄຸນສົມບັດສິນທຳປະຕິວັດອັນຜ່ອງໃສ, ມີຄວາມສະຫຼຽວສະຫຼາດ, ມີຄວາມອົດທົນ, ເດັດດ່ຽວ, ເຂັ້ມແຂງ, ມີເຫດຜົນ, ມີຄວາມກ້າຫານ ແລະ ຄວາມເສຍສະຫຼະ, ຍາມໃດທ່ານສຸພານຸວົງເພີ່ນກໍ່ໄດ້ຍົກສູງຜົນປະໂຫຍດລວມຂອງຊາດ, ຂອງປະຊາຊົນຫຼາຍກວ່າຜົນປະໂຫຍດສ່ວນຕົວ ແລະ ຄອບຄົວ, ມີຄວາມຕໍ່ສູ້ຢ່າງກ້າແກ່ນພິລະອາດຫານບໍ່ຍອມຈຳນົນ, ມີນໍ້າໃຈຮັກຊາດອັນດູດດື່ມ, ມີນໍ້າໃຈເສຍສະຫຼະເພື່ອຊາດ, ເພື່ອປະຊາຊົນ, ຍ້ອນວ່າມີນໍ້າໃຈອັນແຮງກ້າຂອງບັນດາຜູ້ນຳປີຊາສາມາດ, ສະຫຼາດສ່ອງໃສ ແລະ ມີຄວາມສາມັກຄີເປັນຈິດໜຶ່ງໃຈດຽວຂອງບັນດາຜູ້ນຳໃນວິລະກຳເຫດການໂຕນຄຸກຢ່າງມະຫັດສະຈັນໄປສູ່ເຂດທີ່ໝັ້ນຂອງການປະຕິວັດຢ່າງປອດໄພ ແລະ ນຳພາຂະບວນການປະຕິວັດຕໍ່ສູ້ກູ້ຊາດເຊິ່ງສາມາດຍາດໄດ້ໄຊຊະນະ ແລະ ສະຖາປານາສາທາລະນະລັດ ປະຊາທິປະໄຕ ປະຊາຊົນລາວ ຢ່າງສະຫງ່າຜ່າເຜີຍໃນວັນທີ 2 ທັນວາ 1975, ໃນການຈັດໃນການປາຖະກະຖາຄັ້ງນີ້ ກໍເພື່ອແນ່ໃສ່ສືກສາອົບຮົມການເມືອງ-ແນວຄິດໃຫ້ພະນັກງານ-ນັກຮົບສະມາຊິກພັກຂອງແຕ່ລະກົມກອງໄດ້ຮັບຮູ້ເຊື່ອມຊຶມກຳແໜ້ນຢ່າງເລິກເຊິ່ງກ່ຽວກັບທາດແທ້, ມູນເຊື້ອ, ຄຸນສົມບັດສິນທຳປະຕິວັດ, ຄຸນງາມຄວາມດີຂອງປະທານສຸພານຸວົງເພື່ອເປັນບົດຮຽນໃນການຝຶກຝົນຫຼໍ່ຫຼອມຕົວເອງໃຫ້ຄວາມກ້າວໜ້າ, ມີຜົນງານອັນໃໝ່ ແລະ ສ້າງໃຫ້ກົມກອງມີຄວາມເຂັ້ນແຂງໜັກແໜ້ນ ແລະ ໃຫ້ກ້າວຂຶ້ນຢ່າງບໍ່ຢຸດຢັ້ງ.

news to day and hot news