POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 24 ມັງກອນ 2025

ສຳເລັດກອງປະຊຸມອົງການປົກຄອງ ແຂວງວຽງຈັນ ເປີດກວ້າງຄັ້ງທີ I
ເວລາອອກຂ່າວ: 2019-08-06 08:34:56 | ຜູ້ຂຽນ : admin3 | ຈຳນວນຄົນເຂົ້າຊົມ: 375 | ຄວາມນິຍົມ:

ກອງປະຊຸມເປີດກວ້າງອົງ ການປົກຄອງແຂວງວຽງຈັນ ຄັ້ງທີ 1 ປະຈຳປີ 2019 ໄດ້ໄຂຂຶ້ນ ແລະ ອັດລົງດ້ວຍຜົນສຳເລັດຢ່າງ ຈົບງາມ ໃນທ້າຍເດືອນ ກໍລະກົດ ຜ່ານມານີ້, ໂດຍພາຍໃຕ້ການ ເປັນປະທານຂອງ ສະຫາຍ ຄຳພັນ ສິດທິດຳພາ ກຳມະການ ສູນກາງພັກ, ເລຂາພັກແຂວງ, ເຈົ້າແຂວງວຽງຈັນ, ມີຄະນະປະ ຈຳພັກແຂວງ, ກຳມະການພັກ ແຂວງ, ເຈົ້າເມືອງ 11 ເມືອງ, ພະແນກການທີ່ກ່ຽວຂ້ອງອ້ອມ ຂ້າງແຂວງເຂົ້າຮ່ວມ. ໃນກອງປະຊຸມໄດ້ຮັບຟັງການ ລາຍງານຈາກພະແນກແຜນ ການ-ການລົງທຶນ ແລະ ພະແນກ ງານເງິນແຂວງຕໍໍ່ກັບການຕີລາ ຄາຜົນການຈັດຕັ້ງປະຕິບັດແຜນ ພັດທະນາເສດຖະກິດ-ສັງຄົມ ແລະ ງົບປະມານ 6 ເດືອນຕົ້ນປີ 2019, ກໍຄືຕໍ່ການກໍານົດຄາດ ໝາຍສູ້ຊົນ ແລະ ທິດທາງແຜນ ການ 6 ເດືອນທ້າຍປີ 2019 ແນໃສ່ເພື່ອຊອກຫາທາງອອກທີ່ ສອດຄ່ອງເໝາະສົມໃຫ້ແກ່ການ ແກ້ໄຂບັນຫາເສດຖະກິດ, ແກ້ໄຂ ບັນຫາຄວາມຫຍຸ້ງຍາກທາງ ດ້ານການເງິນ, ກໍຄືວຽກງານ ໃນຂົງເຂດສັງຄົມໃຫ້ມີຄວາມ ໜັກແໜ້ນ. ພ້ອມນັ້ນກອງປະຊຸມ ໄດ້ຮັບຟັງການປະກອບຄຳເຫັນ ທີ່ມີການພົວພັນກັບແຜນພັດທະນາເສດຖະກິດ-ສັງຄົມ ແລະ ງົບ ປະມານຂອງລັດເປັນຕົ້ນຕໍ່ກັບ ການຊົດເຊີຍໃນແລວເສັ້ນທາງ ລົດໄຟລາວ-ຈີນ, ຮັບຟັງກ່ຽວກັບ ການນຳໃຊ້ເນື້ອທີ່ດິນ ຫຼື ເຊົ່າດິນ ລັດ, ການກຳນົດເຂດອຸດສາຫະ ກຳ, ການຄຸ້ມຄອງການທ່ອງ ທ່ຽວຢູ່ເມືອງວັງວຽງ ແລະ ອ່າງ ນໍ້າງື່ມ 1, ການແກ້ໄຂບັນຫາໄພ ພິບັດຜ່ານມາ ແລະ ຄາດຄະເນ ແຜນຮັບມືໄພພິບັດທີ່ຈະເກີດຂຶ້ນ ໃນຕໍ່ໜ້າ ແລະ ຮັບຟັງລາຍງານ ກ່ຽວກັບການປະຕິບັດຄຳສັ່ງເລກ ທີ 15/ນຍ ກ່ຽວກັບໄມ້, ຜ່ານ ການຟັງລາຍງານ ແລະ ການປະ ກອບຄຳເຫັນຂອງຫຼາຍສະຫາຍ ເຫັນວ່າໃນ 6 ເດືອນຕົ້ນປີ 2019 ບັນດາພະແນກການ, ເມືອງແຕ່ ລະເມືອງໄດ້ເອົາໃຈໃສ່ໃນການ ຜັນຂະຫຍາຍ ແລະ ຈັດຕັ້ງປະ ຕິບັດແຜນພັດທະນາເສດຖະ ກິດ-ສັງຄົມ, ແຜນງົບປະມານ ຂອງແຂວງໄດ້ປະກົດຜົນເປັນ ຮູບປະທຳຕົວຈິງຫຼາຍສົມຄວນ ເຖິງວ່າສະພາບເສດຖະກິດພາຍ ໃນປະເທດເຮົາໂດຍລວມຍັງ ມີຄວາມຫຍຸ້ງຍາກກໍຕາມແຕ່ຂະ ບວນການສ້າງສາພັດທະນາໃນ ທຸກຂົງເຂດວຽກງານພາຍໃນ ແຂວງແມ່ນຍັງສືບຕໍ່ດຳເນີນໄປ ເປັນປົກກະຕິເຮັດໃຫ້ພື້ນຖານເສດ ຖະກິດຂອງແຂວງຍັງມີການຂະ ຫຍາຍຕົວຢ່າງຕໍ່ເນື່ອງຈັ່ງຫວະ ການເພີ່ມຂຶ້ນຂອງລວມຍອດຜະ ລິດຕະພັນພາຍໃນ (GDP) ເຖິງ ວ່າມີບາງດ້ານບໍ່ທັນບັນລຸຕາມ ຄາດໝາຍແຕ່ກໍຍັງເພີ່ມຂຶ້ນ 6,7% ສະເລ່ຍໃສ່ຫົວຄົນບັນລຸ 14,13 ລ້ານກີບ ຫຼື ເທົ່າກັບ 1.703 ໂດລາ, ການ ເກັບລາຍຮັບເຂົ້າງົບປະມານໄດ້ 54,26%, ລາຍຈ່າຍປະຕິບັດ ໄດ້ 45,32%, ຜະລິດເຂົ້ານາ ແຊງໄດ້ 39,188 ໂຕນ, ຄວາມ ທຸກຍາກຍັງເຫຼືອ 9 ບ້ານກວມ 2,15% ຂອງຈຳນວນບ້ານທົ່ວ ແຂວງ, ຄອບຄົວທຸກຍາກຍັງ 930 ຄອບຄົວ ເທົ່າກັບ 1,06% ຂອງຄອບຄົວທັງໝົດ. ສ່ວນການ ຈັດຕັ້ງປະຕິບັດວຽກງານໃນຂົງ ວັດທະນະທຳ-ເຂດສັງຄົມ ກໍໄດ້ ດຳເນີນໄປດ້ວຍຜົນສຳເລັດ ແລະ ບັນຍາກາດທີ່ດີອັດຕາເຂົ້າຮຽນຂອງເດັກກ່ອນໄວຮຽນປະຕິບັດໄດ້ 78,5%, ອັດຕາເຂົ້າຮຽນສຸດ ທິຊັ້ນປະຖົມສຶກສາ 99,4%, ອັດ ຕາການຕາຍຂອງເດັກລຸ່ມ 1 ປີ ປະຕິບັດໄດ້ 3,1/1000 ເດັກເກີດ ມີຊີວິດ, ສະໜອງນໍ້າສະອາດໃຫ້ ປະຊາຊົນ ໄດ້ 85% ແລະ ອັດ ຕາການໃຊ້ວິດຖ່າຍ 71%, ຄອບ ຄົວວັດທະນະທຳ 1.127 ຄອບ ຄົວ, ບ້ານວັດທະນະທຳ 6 ບ້ານ, ນັກທ່ອງທ່ຽວເຂົ້າມາແຂວງ 356.945 ເທື່ອຄົນກວມ 49% ຂອງແຜນການປີ ແລະ ບັນດາ ຄາດໝາຍອື່ນໆ ກໍໄດ້ມີການຈັດ ຕັ້ງປະຕິບັດຢ່າງເປັນຂະບວນ ຟົດຟື້ນ ແລະ ມີໝາກຜົນຕົວຈິງ. ໂດຍ: ຈັນທະຈອນ ສີສະເກດ

news to day and hot news