POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 09 ມີນາ 2026

ຫ້ອງວ່າການ ກະຊວງປ້ອງກັນປະເທດ ສະຫຼຸບການຈັດຕັ້ງປະຕິບັດວຽກງານຮອບດ້ານ ປະຈໍາ 6 ເດືອນຕົ້ນປີ 2025
ເວລາອອກຂ່າວ: 2025-07-09 10:38:49 | ຜູ້ຂຽນ : admin2 | ຈຳນວນຄົນເຂົ້າຊົມ: 1277 | ຄວາມນິຍົມ:

ໃນວັນທີ 9 ກໍລະກົດ 2025 ນີ້, ຫ້ອງວ່າການ ກະຊວງປ້ອງກັນປະເທດ ໄດ້ສະຫຼຸບການຈັດຕັ້ງປະຕິບັດວຽກງານຮອບດ້ານ ປະຈໍາ 6 ເດືອນຕົ້ນປີ ແລະ ວາງທິດທາງແຜນການ 6 ເດືອນທ້າຍປີ 2025 ໂດຍການເປັນປະທານ ຂອງສະຫາຍ ພົນຕີ ສົມພອນ ມິຕະພອນ ຫົວໜ້າຫ້ອງວ່າການ ກະຊວງປ້ອງກັນປະເທດ, ມີຄະນະຫ້ອງວ່າການກະຊວງປ້ອງກັນປະເທດ, ຄະນະພັກ-ຄະນະບັນຊາກົມ, ຫ້ອງການ, ຄະນະອໍານວຍການບໍລິສັດ, ລັດວິສາຫະກິດ ພ້ອມດ້ວຍພະນັກງານຫຼັກແຫຼ່ງເຂົ້າຮ່ວມ. ສະຫາຍ ພັນເອກ ໄຊຍະສອນ ແກ້ວໂຍທີ ຫົວໜ້າກົມຄົ້ນຄວ້າສັງລວມ ຫ້ອງວ່າການ ກະຊວງປ້ອງກັນປະເທດ ໄດ້ສະຫຼຸບຕີລາຄາການຈັດຕັ້ງປະຕິບັດວຽກງານຮອບດ້ານ ປະຈໍາ 6 ເດືອນ ເຊິ່ງຕະຫຼອດໄລຍະຜ່ານມາ, ຄະນະພັກ-ຄະນະບັນຊາ ຫ້ອງວ່າການ ກະຊວງປ້ອງກັນປະເທດ ໄດ້ສຶກສາອົບຮົມການເມືອງ-ນໍາພາແນວຄິດ ໃຫ້ພະນັກງານ-ນັກຮົບ ມີຄວາມໜັກແໜ້ນທາງດ້ານການເມືອງ ຕິດພັນກັບການໂຄສະນາປາຖະກະຖາ ເຊື່ອມຊຶມ ບັນດາມະຕິ, ຄໍາສັ່ງຕ່າງໆ ກໍຄືແນວທາງນະໂຍບາຍຂອງພັກ-ລັດ, ມູນເຊື້ອວັນສຳຄັນຕ່າງໆ ຂອງຊາດ, ຂອງພັກ, ຂອງກອງທັບ ແລະ ສ້າງຂະບວນການຂໍ່ານັບຮັບຕ້ອນວັນປະຫວັດສາດສໍາຄັນຕ່າງໆ. ດ້ານວຽກງານວິຊາສະເພາະ ຄະນະພັກ-ຄະນະບັນຊາ ໄດ້ເອົາໃຈໃສ່ນໍາພາ-ຊີ້ນໍາ ບັນດາໜ່ວຍງານວິຊາສະເພາະໃນການຄົ້ນຄວ້າບັນດາມະຕິຂອງກົມການເມືອງສູນກາງພັກ, ຄະນະເລຂາທິການສູນກາງພັກ, ມະຕິ, ຄໍາສັ່ງ ຂອງຄະນະປ້ອງກັນຊາດ-ປ້ອງກັນຄວາມສະຫງົບສູນກາງ ເປັນມະຕິ ຂອງຄະນະພັກກະຊວງ, ເປັນທິດທາງວຽກງານປ້ອງກັນຊາດ; ສະຫຼຸບລາຍງານ ແລະ ວາງທິດທາງວຽກງານປ້ອງກັນຊາດ ປະຈໍາອາທິດ, ປະຈຳເດືອນ ຂອງກະຊວງປ້ອງກັນປະເທດ, ຫ້ອງວ່າການ ກະຊວງປ້ອງກັນປະເທດ. ຄົ້ນຄວ້າ-ຮ່າງບັນດາຄໍາສັ່ງແນະນໍາ, ແຜນການເຄື່ອນໄຫວເຮັດວຽກ ຂອງຄະນະນໍາກະຊວງ, ແຈ້ງການ, ບົດລາຍງານ, ບັນດາບົດຄໍາເຫັນ, ບົດໂອ້ລົມ, ບົດປາໄສ ຂອງຄະນະນໍາກະຊວງ ແລະ ຂອງການນໍາພັກ-ລັດ, ເປັນເຈົ້າການປະສານສົມທົບກັບບັນດາອົງການກ່ຽວຂ້ອງ ຂອງ ພັກ-ລັດ, ກົມກອງ-ທ້ອງຖິ່ນ; ຕິດຕາມ ແລະ ຊ່ວຍການນໍາກະຊວງປ້ອງກັນປະເທດ ເຄື່ອນໄຫວວຽກງານຢູ່ພາຍໃນ ແລະ ຕ່າງປະເທດ; ກວດແກ້ເອກະສານ, ສັບຊ້ອນສ້າງສຳເນົາ ແລະ ຈໍລະຈອນເອກະສານເປັນລະບົບ-ວ່ອງໄວ, ຮັກສາໄດ້ຄວາມລັບ ແລະ ມີຄວາມປອດໄພ ເຊິ່ງໃນ 6 ເດືອນຜ່ານມາ ສັງລວມໄດ້: ກວດແກ້ເອກະສານ ຂາເຂົ້າ-ຂາອອກ ຂອງກະຊວງ: ຂາເຂົ້າ 3.335 ສະບັບ, ຂາອອກ 3.397 ສະບັບ; ຂາເຂົ້າ-ຂາອອກ ຂອງຫ້ອງວ່າການ ກະຊວງປ້ອງກັນປະເທດ: ຂາເຂົ້າ 3.016 ສະບັບ, ຂາອອກ 1.368 ສະບັບ; ຈັດສົ່ງເອກະສານແຈ້ງຕອບ ວຽກງານປະຕູດຽວ ໃຫ້ກະຊວງແຜນການ ແລະ ການລົງທຶນ 58 ສະບັບ; ສົ່ງເອກະສານຂອງກະຊວງ ແລະ ຫ້ອງວ່າການ 461 ຄັ້ງ, ຮັບປະກັນວຽກຂອງຂັ້ນເທິງ 397 ຄັ້ງ, ເຮັດສະໂນດນໍາສົ່ງ 36 ຄັ້ງ, ເຮັດປຶ້ມມະຕິກອງປະຊຸມຄົບຄະນະສະໄໝສາມັນ 14 ຫົວ; ຮັບໂທລະເລກ 51 ສະບັບ, ສົ່ງໂທລະເລກ 129 ສະບັບ ສົ່ງໃຫ້ບັນດາກໍາລັງຫຼວງ-ທ້ອງຖິ່ນ ທົ່ວກອງທັບ; ຕິດຕາມຄະນະລັດຖະມົນຕີກະຊວງປ້ອງກັນປະເທດ ໄປເຮັດວຽກຢູ່ພາຍໃນ-ຕ່າງປະເທດ 325 ຄັ້ງ. ສະເໜີຄວັດຕາປະທັບໃຫ້ບັນດາກົມກອງຈໍານວນ 40 ກົມກອງ ຈໍານວນ 103 ໜ່ວຍ, ສະໜອງຂໍ້ມູນ 17 ສະບັບ, ຮັບເອກະສານປີ 2024 ຂອງກະຊວງປ້ອງກັນປະເທດ ແລະ ຫ້ອງວ່າການກະຊວງປ້ອງກັນປະເທດ ເຂົ້າສູນສໍາເນົາ, ລົງເຜີຍແຜ່ວຽກງານຄຸ້ມຄອງເອກະສານໃຫ້ກອງບັນຊາການທະຫານແຂວງຄໍາມ່ວນ, ສະຫວັນນະເຂດ ແລະ ກອງພົນທີ 4. ກອງປະຊຸມ ຍັງໄດ້ຜ່ານທິດທາງແຜນການປະຈຳປີ 6 ເດືອນທ້າຍປີ 2025. ຈາກນັ້ນ, ສະຫາຍປະທານກອງປະຊຸມ ໄດ້ມີຄຳເຫັນຊີ້ນຳຫຼາຍບັນຫາວຽກງານທີ່ສຳຄັນ ເພື່ອແນໃສ່ເຮັດໃຫ້ການຈັດຕັ້ງປະຕິບັດຄາດໝາຍສູ້ຊົນໃນຕໍ່ໜ້າບັນລຸໝາກຜົນສູງ. ໂດຍ: ອາຫວຸ້ນ

news to day and hot news