ວັນພະຫັດ, ວັນທີ 21 ພຶດສະພາ 2026
ປະກາດການເລື່ອນຊັ້ນ, ເລື່ອນທຽບຊັ້ນໃຫ້ນາຍທະຫານ ຢູ່ອົງການໄອຍະການທະຫານພາກໃຕ້
ເວລາອອກຂ່າວ: 2025-07-09 09:45:00 | ຜູ້ຂຽນ : admin1 | ຈຳນວນຄົນເຂົ້າຊົມ: 2311 | ຄວາມນິຍົມ: 
ພິທີປະກາດການເລື່ອນຊັ້ນ, ເລື່ອນທຽບຊັ້ນໃຫ້ນາຍທະຫານ ຢູ່ອົງການໄອຍະການທະຫານພາກໃຕ້, ໄດ້ຈັດຂື້ນໃນວັນທີ 4 ກໍລະກົດ 2025 ນີ້. ໂດຍການເປັນປະທານຂອງ ສະຫາຍ ພັນເອກ ອຳພອນ ສຸກວິໄລ ຫົວໜ້າຫ້ອງການເມືອງກົມໃຫຍ່ການເມືອງກອງທັບ, ມີສະຫາຍ ພັນເອກ
ພູວົງ ບຸດສະດີ ຫົວໜ້າອົງການ ໄອຍະການທະຫານພາກໃຕ້, ມີຄະນະພັກ-ຄະນະບັນຊາ ພ້ອມດ້ວຍພະນັກງານທີ່ໄດ້ຮັບການເລື່ອນ ຊັ້ນ, ເລື່ອນທຽບຊັ້ນ ເຂົ້າຮ່ວມ.
ສະຫາຍ ພັນຕີ ກອງຄຳ ດາວັນຄຳ ຊ່ວຍວຽກພະແນກພະນັກງານ,ຫ້ອງການເມືອງ, ກົມໃຫຍ່ການເມືອງກອງທັບ ໄດ້ຂຶ້ນຜ່ານຂໍ້ຕົກລົງ ຂອງກະຊວງປ້ອງກັນປະເທດ ແລະ ຂໍ້ຕົກລົງຂອງກົມໃຫຍ່ການເມືອງກອງທັບ ວ່າດ້ວຍການເລື່ອນຊັ້ນ, ເລື່ອນທຽບຊັ້ນໃຫ້ນາຍທະຫານ ຢູ່ອົງການໄອຍະການທະຫານພາກໃຕ້. ໃນນີ້ ເລື່ອນຊັ້ນ ຮ້ອຍເອກ ຂື້ນ ພັນຕີ ຈຳນວນ 04 ສະຫາຍ ແລະ ເລື່ອນ
ທຽບຊັ້ນຮ້ອຍເອກ ຂື້ນ ພັນຕີ ຈຳນວນ 1 ສະຫາຍ, ເລື່ອນທຽບຊັ້ນ ຮ້ອຍໂທ 03 ສະຫາຍ.
ໂອກາດນີ້, ສະຫາຍ ພັນເອກ ອຳພອນ ສຸກວິໄລ ໄດ້ສະແດງຄວາມຍ້ອງຍໍຊົມເຊີຍ ຕໍ່ນາຍທະຫານທີ່ໄດ້ຮັບການເລື່ອນຊັ້ນໃໝ່, ພ້ອມທັງເນັ້ນໜັກໃຫ້ແຕ່ລະສະຫາຍ ເອົາໃຈໃສ່ ຄົ້ນຄວ້າເຊື່ອມຊຶມ ແນວທາງນະໂຍບາຍຂອງພັກ-ລັດ, ຕັ້ງ
ໜ້າປະຕິບັດໜ້າທີ່ວຽກງານ ກໍຄືຂໍ້ກຳນົດກົດລະບຽບຂອງກອງທັບໃຫ້ເຂັ້ມງວດ, ຍົກສູງຄວາມຮັບຜິດຊອບ ຕໍ່ໜ້າທີ່ການເມືອງຂອງຕົນ, ສືບຕໍ່ເຝິກຝົນຫຼໍ່ຫຼອມ
ຕົນເອງດ້ານຄຸນທາດການເມືອງ, ຄຸນສົມບັດສິນທຳປະຕິວັດ, ຍົກສູງສະຕິລະວັງຕົວ ແລະ ພ້ອມກັນເຮັດສຳເລັດໜ້າທີ່ ຕາມການຈັດຕັ້ງຂັ້ນເທີງມອບໝາຍໃຫ້.
ໂດຍ: ນາງ ສີລິຄານ ສີດາວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
