ວັນອາທິດ, ວັນທີ 12 ເມສາ 2026
ປະກາດການເລື່ອນຊັ້ນ, ເລື່ອນທຽບຊັ້ນໃຫ້ ນາຍທະຫານ ຢູ່ ສານທະຫານພາກເໜືອ ແລະ ອົງການໄອຍະການທະຫານພາກເໜືອ
ເວລາອອກຂ່າວ: 2025-07-09 09:40:48 | ຜູ້ຂຽນ : admin1 | ຈຳນວນຄົນເຂົ້າຊົມ: 1771 | ຄວາມນິຍົມ: 
ວັນທີ 3 ກໍລະກົດ 2025, ກົມໃຫຍ່ການເມືອງກອງທັບ ໄດ້ປະກາດການເລື່ອນຊັ້ນ, ເລື່ອນທຽບຊັ້ນໃຫ້ນາຍທະຫານ ຢູ່ ສານທະຫານພາກເໜືອ ແລະ ອົງການໄອຍະການທະຫານພາກເໜືອ ຢູ່ທີ່ຫ້ອງປະຊຸມຂອງສານທະຫານພາກເໜືອ, ໂດຍການເປັນປະທານຂອງ ສະຫາຍ ພັນເອກ ບຸນຄໍ້າ ສຸນັນທາ ຮອງຫົວໜ້າຫ້ອງການ ເມືອງ ກົມໃຫຍ່ການເມືອງກອງທັບ, ມີຄະນະພັກ-ຄະນະບັນຊາ, ພະແນກການ, ຂະແໜງການ ພ້ອມດ້ວຍນາຍທະຫານ ທີ່ໄດ້ຮັບການເລື່ອນຊັ້ນໃໝ່ ເຂົ້າຮ່ວມ.
ສະຫາຍ ພັນໂທ ສຸກສາຄອນ ຈັນຍາຫານ ຮອງຫົວໜ້າພະແນກພະນັກ ງານ ຫ້ອງການເມືອງກົມ ໃຫຍ່ການເມືອງກອງທັບ ໄດ້ຜ່ານຂໍ້ຕົກລົງຂອງກະຊວງປ້ອງ ກັນປະເທດ ວ່າດ້ວຍການເລື່ອນຊັ້ນ, ເລື່ອນທຽບຊັ້ນນາຍທະຫານ ຢູ່ສານທະຫານພາກເໜືອ ແລະ ອົງການໄອຍະການທະຫານພາກເໜືອ ຈຳນວນ 11 ສະຫາຍ, ອີງຕາມກົດໝາຍນາຍທະຫານກອງທັບປະຊາຊົນລາວ ວ່າດ້ວຍການເລື່ອນຊັ້ນ, ເລື່ອນທຽບຊັ້ນນາຍທະຫານ, ອີງຕາມການຄົ້ນ ຄວ້າ ແລະ ນຳສະເໜີຂອງກົມໃຫຍ່ການເມືອງກອງທັບ ກະຊວງປ້ອງກັນປະເທດຕົກລົງ ເລື່ອນຊັ້ນ ຮ້ອຍເອກ ຂຶ້ນ ພັນຕີ 9 ສະຫາຍ, ເລື່ອນທຽບຊັ້ນຮອ້ຍເອກ ຂຶ້ນ ພັນຕີ 1 ສະຫາຍ; ພ້ອມທັງ ຜ່ານຂໍ້ຕົກລົງຂອງກົມໃຫຍ່ການເມືອງກອງທັບ ວ່າດ້ວຍການປະດັບທຽບຊັ້ນຮ້ອຍໂທ ຈຳນວນ 1 ສະຫາຍ.
ສະຫາຍ ພັນເອກ ບຸນຄໍ້າ ສຸນັນທາ ໄດ້ເນັ້ນໜັກໃຫ້ແຕ່ລະສະຫາຍ ທີ່ໄດ້ຮັບການເລື່ອນຊັ້ນໃໝ່ ສືບຕໍ່ເຝິກຝົນຫຼໍ່ຫຼອມຕົນເອງໃນທຸກດ້ານ ດຸໝັ່ນຊອກຮູ້ຄົ້ນຄວ້າຮໍ່າຮຽນ, ຍົກສູງສະຕິຄວາມເປັນຊາດ, ສະຕິຄວາມຮັບຜິດຊອບຕໍ່ໜ້າທີ່ການເມືອງທີ່ໄດ້ຮັບການ ມອບໝາຍ, ມີແບບແຜນໃນ ການດຳລົງຊີວິດທີ່ປອດໃສຂາວສະອາດ, ເສີມຂະຫຍາຍຫົວຄິດປະດິດສ້າງວິທະຍາສາດ, ສຸມສະຕິປັນຍາວິຊາສະເພາະທີ່ຮຽນມາປະກອບສ່ວນເຂົ້າໃນການພັດທະນາກົມກອງ, ປັບປຸງລະ ບຽບແບບແຜນວິທີເຮັດວຽກຢ່າງມີຫຼັກການ, ເຮັດສຳເລັດໜ້າທີ່ການເມືອງຂອງຕົນໃຫ້ໄດ້ຮັບຜົນດີມີຄວາມກ້າວໜ້າຂຶ້ນຢ່າງບໍ່ຢຸດຢັ້ງ.
ໂດຍ: ເກດຕະວັນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
