ວັນພຸດ, ວັນທີ 11 ກຸມພາ 2026
ກອງພົນທີ 2 ມອບເງິນນະໂຍບາຍອຸດໜູນເທື່ອດຽວ ໃຫ້ນາຍທະຫານ
ເວລາອອກຂ່າວ: 2025-07-09 09:38:32 | ຜູ້ຂຽນ : admin1 | ຈຳນວນຄົນເຂົ້າຊົມ: 1879 | ຄວາມນິຍົມ: 
ໃນວັນທີ 4 ກໍລະກົດ 2025, ຢູ່ທີ່ກອງພົນທີ 2 ໄດ້ປະກາດຂໍ້ຕົກລົງ ວ່າດ້ວຍການອະນຸມັດ ໃຫ້ນາຍທະຫານອອກການ ຮັບເງິນນະໂຍບາຍອຸດໜູນເທື່ອດຽວ, ໂດຍການເປັນປະທານຂອງ ສະຫາຍ ພັນໂທ ສົມຈິດ ແກ້ວໄຊຍະວົງ ຮອງຫົວໜ້າຫ້ອງການເມືອງກອງພົນທີ 2, ພະແນກການທີ່ກ່ຽວຂ້ອງ ແລະ ນາຍທະຫານ ທີ່ອອກການຮັບເງິນນະໂຍບາຍອຸດໜູນເທື່ອດຽວ ເຂົ້າຮ່ວມ.
ສະຫາຍ ພັນຕີ ອຸ່ນເຮືອນ ໄຊທະລັງສີ ຊ່ວຍວຽກພະແນກພະນັກງານ ຫ້ອງການເມືອງ ກອງພົນທີ 2 ໄດ້ຜ່ານຂໍ້ຕົກລົງ ຂອງກະຊວງປ້ອງກັນປະເທດ ວ່າດ້ວຍການອະນຸມັດໃຫ້ນາຍທະຫານອອກການ ຮັບເງິນນະ ໂຍບາຍອຸດໜູນເທື່ອດຽວ, ໂດຍອີງຕາມກົດໝາຍ ວ່າດ້ວຍນາຍທະຫານກອງທັບປະຊາຊົນລາວ, ອີງຕາມກົດໝາຍ ວ່າດ້ວຍປະກັນສັງຄົມ, ອີງຕາມຄຳຮ້ອງຂອງຜູ້ ກ່ຽວ ແລະ ການຄົ້ນຄວ້າ ແລະ ນຳສະເໜີຂອງກອງພົນທີ 2, ກົມພະນັກງານ ກົມໃຫຍ່ການເມືອງກອງທັບ ໄດ້ຕົກລົງໃຫ້ນາຍທະ ຫານ ອອກການຮັບເງິນນະໂຍ ບາຍອຸດໜູນເທື່ອດຽວ ຈຳນວນ 37 ສະຫາຍ ລວມເງິນທັງໝົດ 2.418.758.769 ກີບ.
ສະຫາຍ ພັນໂທ ສົມຈິດ ແກ້ວ ໄຊຍະວົງ ໄດ້ຮຽກຮ້ອງໃຫ້ແຕ່ລະສະຫາຍສືບຕໍ່ປະກອບສ່ວນເຮັດວຽກງານປ້ອງກັນຊາດ-ປ້ອງກັນຄວາມສະຫງົບຢູ່ທ້ອງຖິ່ນຂອງຕົນ, ຮັກສາມູນເຊື້ອອັນດີງາມຂອງການປະຕິວັດ, ນຳເອົາເງິນອຸດໜູນທີ່ໄດ້ຮັບໄປໝູນໃຊ້ໃນຄອບຄົວຢ່າງຖືກຕ້ອງ ແລະ ເກີດຜົນປະໂຫຍດສູງສຸດ.
ໂດຍ: ສຸວັນໂນ ທະລັງສີ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
