ວັນອາທິດ, ວັນທີ 12 ເມສາ 2026
ເປີດການຮຽນ-ການສອນພາສາລາວ ໃຫ້ພະນັກງານກອງພົນ 355 ທະຫານເຂດ II ກອງທັບປະຊາຊົນຫວຽດນາມ
ເວລາອອກຂ່າວ: 2025-07-08 08:57:11 | ຜູ້ຂຽນ : admin1 | ຈຳນວນຄົນເຂົ້າຊົມ: 1260 | ຄວາມນິຍົມ: 
ວັນທີ 3 ກໍລະກົດ 2025 ນີ້, ກອງພົນທີ 3 ໄດ້ເປີດການຮຽນ-ການສອນພາສາລາວ ໄລຍະສັ້ນໃຫ້ພະນັກງານ ກອງພົນ 355 ທະຫານເຂດ II ກອງທັບປະຊາຊົນຫວຽດນາມ, ໂດຍການເຂົ້າຮ່ວມຂອງ ສະຫາຍ ພັນເອກ ປອ ສະເຫຼີມ ໄຊສົມພອນ ຫົວໜ້າຫ້ອງເສນາທິການ ກອງພົນທີ 3, ມີຄະນະຫ້ອງ, ພະແນກການກ່ຽວຂ້ອງ, ຄະນະພັກ-ຄະນະບັນຊາ ກອງພັນ 407 ຕະຫຼອດຮອດຄະນະຮັບຜິດຊອບ, ຄູ-ອາຈານ ແລະ ພະນັກງານ ທີ່ມາຈາກກອງພົນ 355 ທະຫານເຂດ II ກອງທັບປະຊາຊົນຫວຽດນາມ ເຂົ້າຮ່ວມ.
ສະຫາຍ ພັນໂທ ຄຳພີ ຫົງສາຄອນ ຫົວໜ້າພະແນກພົວພັນຕ່າງປະເທດ ກອງພົນທີ 3 ໄດ້ຜ່ານແຜນການ ການຮຽນ-ການສອນພາສາລາວ ໄລຍະສັ້ນ ປະຈຳປີ 2025 ໃຫ້ພະນັກງານກອງພົນ355 ທະຫານເຂດ II ກອງທັບປະຊາຊົນຫວຽດນາມ ເຊິ່ງປະກອບມີເນື້ອໃນຫັດອ່ານ, ຫັດຂຽນພະຍັນຊະນະພາສາລາວ, ສະຫຼະ, ວັນນະຍຸດ, ການປະສົມສະຫຼະ, ພະຍັນຊະນະ, ການສ້າງປະໂຫຍກ, ການສົນທະນາແລກປ່ຽນ, ການນັບເລກ, ຄວາມຮູ້ທົ່ວໄປ ແລະ ຊື່ປະເພດອາຫານ. ການຮຽນ-ການສອນໃນຄັ້ງນີ້ຈະດຳເນີນໄປເປັນເວລາ 66 ວັນ ຈຶ່ງຈະສຳເລັດຕາມແຜນການ.
ໂອກາດດັ່ງກ່າວ, ສະຫາຍ ພັນເອກ ປອ ສະເຫຼີມ ໄຊສົມພອນ ໄດ້ຮຽກຮ້ອງໃຫ້ຄະນະຮັບຜິດຊອບ, ຄູ-ອາຈານ ແລະ ນັກຮຽນ ໃຫ້ຍົກສູງຄວາມຮັບຜິດຊອບ, ປະຕິບັດໂມງເວລາການຂຶ້ນຫ້ອງ-ລົງຫ້ອງ, ປະຕິບັດຫຼັກສູດການຮຽນ-ການສອນ ໃຫ້ຖືກຕ້ອງຕາມເນື້ອໃນແຜນການທີກຳນົດໄວ້, ປະຕິບັດຂໍ້ກຳນົດ, ກົດລະ
ບຽບຂອງກອງທັບຢ່າງເຂັ້ມງວດ ເພື່ອເຮັດໃຫ້ການຮຽນ-ການສອນຮັບປະກັນທາງດ້ານຄຸນນະພາບ ແລະ ສຳເລັດລົງດ້ວຍໝາກຜົນອັນຈົບງາມ.
ໂດຍ: ຄຳຜູຍ ສີວິໄລ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
