ວັນອາທິດ, ວັນທີ 15 ກຸມພາ 2026
ປະກາດການສ້າງຕັ້ງຫົວໜ່ວຍງົບປະມານເອກະລາດ ກອງຮ້ອຍສ້ອມແປງປະສົມ
ເວລາອອກຂ່າວ: 2025-07-08 08:53:54 | ຜູ້ຂຽນ : admin1 | ຈຳນວນຄົນເຂົ້າຊົມ: 1320 | ຄວາມນິຍົມ: 
ພິທີປະກາດສ້າງຕັ້ງຫົວໜ່ວຍງົບປະມານເອກະລາດ ກອງຮ້ອຍສ້ອມແປງປະສົມ ພະແນກເຕັກນິກ ກອງພັນໃຫຍ່ 11 ຈັດຂຶ້ນໃນທ້າຍເດືອນ ມິຖຸນາ 2025 ນີ້, ໂດຍການເປັນປະທານຂອງ ສະຫາຍ ພັນເອກ ຄຳສາຍ ມົນດວງສິງ ຫົວໜ້າການເມືອງ ກອງພັນໃຫຍ່ 11, ມີສະຫາຍ ພັນເອກ ສົມແພງ ແກ້ວສີລາ ຫົວໜ້າການທະຫານ ກອງພັນໃຫຍ່ 11, ມີຄະນະພັກ-ຄະນະບັນຊາພະແນກການ, ຂະແໜງການທີ່ກ່ຽວຂ້ອງພ້ອມດ້ວຍຄະນະກອງຮ້ອຍສ້ອມແປງປະສົມ ແລະ ພະນັກງານວິຊາສະເພາະ ການເງິນ ເຂົ້າຮ່ວມ.
ສະຫາຍ ພັນໂທ ສຸວັນນີ ວໍລະສິງ ຫົວໜ້າຂະແໜງການເງິນ ກອງພັນໃຫຍ່ 11 ໄດ້ຜ່ານຂໍ້ຕົກລົງ ວ່າດ້ວຍການສ້າງຕັ້ງຫົວໜ່ວຍງົບປະມານເອກະລາດຂອງກອງຮ້ອຍສ້ອມແປງປະສົມ ພະແນກເຕັກນິກ ກອງພັນໃຫຍ່
11, ອີງຕາມຂໍ້ຕົກລົງ ຂອງກົມໃຫຍ່ເສນາທິການກອງທັບ ແລະ ອີງຕາມແຜນຍຸດທະສາດປັບປຸງກໍ່ສ້າງກຳລັງ ຂອງກອງທັບປະຊາຊົນລາວ ແຕ່ປີ 2021-
2025 ແນ່ໃສ່ເພື່ອປັບປຸງ ກອງພັນໃຫຍ່ 11 ໃຫ້ກາຍເປັນກົມກອງແບບແຜນທັນສະໄໜ, ອີງຕາມທິດຊີ້ນຳ ຂອງຄະນະພັກ-ຄະນະບັນຊາ ກອງພັນໃຫຍ່ 11
ຄັ້ງວັນທີ 29 ພຶດສະພາ 2025. ກອງພັນໃຫຍ່ 11 ຕົກລົງ: ສ້າງຕັ້ງຫົວໜ່ວຍງົບປະມານເອກະລາດ ຂອງກອງຮ້ອຍສ້ອມແປງປະສົມ (ຕົວຫຍໍ້ ສປສ), ລະ
ບອບເງິນນະໂຍບາຍແມ່ນປະຕິບັດຕາມໜ້າທີ່ ຂອງໂຄງປະກອບການຈັດຕັ້ງ, ຕຳແໜ່ງງານຂອງກອງຮ້ອຍສ້ອມແປງປະສົມທີ່ກົມໃຫຍ່ເສນາທິການອະນຸມັດ, ການຈັດຕັ້ງປະຕິບັດ ນັບແຕ່ເງິນເດືອນ 9/2025 ເປັນຕົ້ນໄປ.
ໂດຍ: ປິ່ນ ຂຸນພົນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
