POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອາທິດ, ວັນທີ 22 ມິຖຸນາ 2025

ກອງພັນໃຫຍ່ 202 ປາຖະກະຖາມູນເຊື້ອວັນຜ່າວົງປິດລ້ອມ ກອງພັນທີ 2
ເວລາອອກຂ່າວ: 2025-05-20 08:45:18 | ຜູ້ຂຽນ : admin1 | ຈຳນວນຄົນເຂົ້າຊົມ: 1185 | ຄວາມນິຍົມ:

ໃນວັນທີ 14 ພຶດສະພາ 2025 ນີ້, ກອງພັນໃຫຍ່ 202 ກອງພົນທີ 2 ໄດ້ປາຖະກະຖາມູນເຊື້ອວັນຜ່າວົງປິດລ້ອມ ກອງພັນທີ 2 ແລະ ມູນເຊື້ອວັນສ້າງຕັ້ງກອງພັນໃຫຍ່ 202 ຄົບຮອບ 10 ປີ, ໂດຍການເປັນປະທານຂອງ ສະຫາຍ ພັນເອກ ສົມໝາຍ ດອນພະຈັນ ຫົວໜ້າການເມືອງກອງພັນໃຫຍ່ 202, ມີບັນດາຄະນະພັກ-ຄະນະບັນຊາ, ພະແນກການ, ກົມກອງພ້ອມດ້ວຍພະນັກ ງານຫຼັກແຫຼ່ງເຂົ້າຮ່ວມ. ສະຫາຍ ພັນໂທ ຄຳໄບ ວິໄລພອນ ຮອງຫົວໜ້າພະແນກການເມືອງ ກອງພັນໃຫຍ່ 202 ໄດ້ທົບທວນຫວນຄືນປະຫວັດມູນເຊື້ອ ວັນຜ່າວົງປິດລ້ອມຂອງກອງພັນທີ 2 ວີລະຊົນ ທີ່ທົ່ງໄຫຫີນຊຽງຂວາງ ວັນທີ 18 ພຶດສະພາ 1959 ໄດ້ສ່ອງແສງໃຫ້ເຫັນເຖີງການນຳພາ ຂອງພັກ ຖືກຕ້ອງສະຫລາດສ່ອງໃສ, ຂະບວນການຕໍ່ສູ້ຂອງພວກເຮົາແມ່ນເປັນທຳ. ສະນັ້ນ, ການຜ່າວົງປິດລ້ອມຂອງ ກອງພັນທີ 2 ສະແດງໃຫ້ເຫັນເຖີງຄວາມບໍລິສຸດພຸດຜ່ອງ, ຄວາມຈົ່ງຮັກພັກດີ, ຄວາມສາມັກຄີເປັນຈິດໜຶ່ງໃຈດຽວ, ຄວາມອົດທົນໝັ້ນໜຽວບໍ່ຄອນແຄນຕໍ່ການນາບຂູ່, ຫຼອກລວງຂອງສັດຕູ, ນ້ຳໃຈສູ້ຮົບພິລະອາດຫານ ແລະ ໄຫວພິບຂອງກອງພັນທີ 2 ໄດ້ເປັນແວ່ນແຍງ, ເປັນການປຸກລະດົມອັນແຮງກ້າໃຫ້ແກ່ຂະບວນການປະຕິວັດ ເພື່ອຕີເອົາຊະນະກັບຈັກກະພັດອາເມຣິກາ ແລະ ລູກແຫຼ່ງຕີນມື, ແມ່ນໄຊຊະນະອັນໃຫຍ່ຫຼວງຂອງກຳລັງປະກອບອາວຸດເຮົາ ທີ່ຢູ່ພາຍໃຕ້ການນຳພາຂອງພັກ, ເປັນເຫດການປະຫວັດສາດອັນສຳຄັນຂອງຊາດ, ຂອງພັກ, ຂອງກອງທັບເຮົາ ແລະ ເປັນບົດຮຽນອັນລ້ຳຄ່າທີ່ສຸດໃຫ້ແກ່ຂະບວນຕໍ່ສູ້ຂອງກອງທັບ ແລະ ປະຊາຊົນ ເພື່ອຍາດເອົາໄຊຊະນະໃນໄລຍະຕໍ່ມາ.ໃນພິທີດັ່ງກ່າວໄດ້ຫວນຄືນປະຫວັດມູນເຊື້ອ ແລະ ການເຕີບໃຫຍ່ຂະຫຍາຍຕົວຂອງກອງພັນໃຫຍ່ 202. ເພື່ອຕອບສະໜອງຕາມຄວາມຮຽກຮ້ອງຕ້ອງການຂອງໜ້າທີ່ວຽກງານໃນການປົກປັກຮັກສາ ແລະ ການເຕີບໃຫຍ່ຂອງກອງທັບເຮົາໃນກຳລັງປະກອບອາວຸດໃຫ້ມີຄວາມຄົງຕົວ ແລະ ຂະຫຍາຍຕົວ ໂດຍອີງໃສ່ເງື່ອນໄຂສະພາບແວດລ້ອມພາຍໃນ, ພາຍນອກ ມີຄວາມພ້ອມໃນຂັ້ນພື້ນຖານແລ້ວຄະນະພັກກອງພົນທີ 2 ຈຶ່ງໄດ້ນຳສະເໜີໃຫ້ກະຊວງປ້ອງກັນປະເທດພິຈາລະນາອອກມະຕິຕົກລົງ. ດັ່ງນັ້ນ,ລັດຖະມົນຕີກະຊວງປ້ອງກັນປະເທດອອກມະຕິຕົກລົງ ວ່າດ້ວຍການປະກາດສ້າງຕັ້ງກອງພັນໃຫຍ່ 202 ໃຫ້ຂຶ້ນກັບກອງພົນທີ 2 ເຊິ່ງຕັ້ງຢູ່ເມືອງໄຊຍະບູລີແຂວງໄຊຍະບູລີ ຢ່າງເປັນທາງການໃນວັນທີ 12 ພຶດສະພາ 2015. ກອງພັນໃຫຍ່ 202 ເປັນກອງກຳລັງເຄື່ອນທີ່ຍຸດທະສາດຂອງ ກອງພົນທີ 2 ນຳໃຊ້ກຳລັງເຄື່ອນໄຫວກວດກາລາດຕະເວນ ຮັບຜິດຊອບທິດໜຶ່ງຂອງແຂວງໄຊຍະບູລີ ເພື່ອປະສານສົມທົບແໜ້ນກັບກຳລັງປະກອບອາວຸດທ້ອງຖິ່ນ, ກົມກອງເພື່ອນສ້າງທ່າສະໜາມຕາມບໍລິເວນຊາຍແດນທີ່ຫຼໍ່ແຫຼມ, ມີຄວາມສ່ຽງຕໍ່ຄວາມໝັ້ນຄົງຂອງຊາດໃຫ້ມີຄວາມສະຫງົບປອດໄພ, ມີໜ້າທີກຽມພ້ອມສູ້ຮົບ ແລະ ສູ້ຮົບມີໄຊ. ນອນນັ້ນ, ຍັງໄດ້ເອົາໃຈໃສ່ປັບປຸງກໍ່ສ້າງກຳລັງໃຫ້ເຕີບໃຫຍ່ເຂັ້ມແຂງທາງດ້ານການເມືອງ, ການທະຫານ, ພະລາທິການ ແລະ ເຕັກນິກ, ຈົ່ງຮັກພັກດີ, ຊື່ສັດບໍລິສຸດຕໍ່ພັກ-ຕໍ່ປະເທດຊາດ, ປະຕິບັດຄຳສັ່ງຂອງຂັ້ນເທິງເດັດຂາດ, ໂດຍກົງ ແລະ ຮອບດ້ານ ມີການພົວພັນກັບອຳນາດການປົກຄອງທ້ອງຖິ່ນ ແລະ ສາກົນ ຊ່ວຍເຫຼືອເຊິງກັນ ແລະ ກັນຢ່າງຮອບດ້ານ ເປັນຕົ້ນວຽກງານປ້ອງກັນຊາດ-ປ້ອງກັນຄວາມສະຫງົບ ໄດ້ມີການປະສານສົມທົບຢ່າງກົມກຽວກັນ ເພື່ອປົກປັກຮັກສາສະຖຽນລະພາບທາງດ້ານການເມືອງໃຫ້ມີຄວາມສະຫງົບ, ເສດຖະກິດໄດ້ຮັບການຂະຫຍາຍຕົວຢ່າງໄວວາ ແລະ ຕໍ່ເນື່ອງ. ທັງນີ້, ເພື່ອເປັນການສຶກສາອົບຮົມໃຫ້ພະນັກງານ ສະມາຊິກພັກ-ນັກຮົບ ເຊື່ອມຊຶມ ກຳແໜ້ນຕື່ມມູນເຊື້ອດັ່ງກ່າວ ເພື່ອນຳມາເປັນພື້ນຖານບ່ອນອີງ ໃຫ້ແກ່ການເຝິກຝົນຫຼໍ່ຫຼອມຕົນເອງໃຫ້ມີຄຸນທາດການເມືອງ, ມີຄຸນສົມບັດສິນທຳປະຕິວັດ ແລະ ກາຍເປັນພະນັກງານ-ນັກຮົບຮຸ່ນສືບທອດທີ່ດີຂອງກອງທັບ ແລະ ເຮັດສຳເລັດໜ້າທີ່ວຽກງານທີ່ໄດ້ຮັບການມອບໝາຍ. ໃນໂອກາດດັ່ງກ່າວຍັງໄດ້ຮັບຟັງການໂອ້ລົມຂອງ ສະຫາຍ ພັນເອກ ສົມໝາຍ ດອນພະຈັນ ຕື່ມອີກ. ໂດຍ: ຄຳຊາຍ ກວ່າງຄຸນສີ

news to day and hot news