POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 20 ພຶດສະພາ 2025

ສະຫະພັນແມ່ຍິງ ທະຫານແຂວງຫຼວງພະບາງ ເຊື່ອມຊຶມເອກະສານ ກອງປະຊຸມໃຫຍ່ຜູ້ແທນແມ່ຍິງກອງທັບ ຄັ້ງທີ IX
ເວລາອອກຂ່າວ: 2025-05-08 15:37:09 | ຜູ້ຂຽນ : admin2 | ຈຳນວນຄົນເຂົ້າຊົມ: 1497 | ຄວາມນິຍົມ:

ວັນທີ 8 ພຶດສະພາ 2025 ນີ້, ຢູ່ທີ່ສະໂມສອນກອງບັນຊາການທະຫານແຂວງຫຼວງພະບາງ ໄດ້ຈັດພິທີເຊື່ອມຊຶມເອກະສານ ກອງປະຊຸມໃຫຍ່ຜູ້ແທນແມ່ຍິງທົ່ວກອງທັບ ຄັ້ງທີ IX, ໂດຍການເປັນປະທານຂອງ ສະຫາຍ ພົນຈັດຕະວາ ນາງໄພວອນ ອິນທະບຸດ ຄະນະບໍລິຫານງານສູນກາງສະຫະພັນແມ່ຍິງລາວ, ຫົວໜ້າຫ້ອງການສະຫະພັນແມ່ຍິງກອງທັບ, ມີສະຫາຍ ພັນເອກ ວິລະສິນ ມິດຕະພອນ ຫົວໜ້າຫ້ອງການເມືອງທະຫານແຂວງ, ມີສະຫາຍ ພັນໂທ ນາງສີດາ ພົມມະຈັນ ຄະນະບໍລິຫານງານສະຫະພັນແມ່ຍິງແຂວງ, ຫົວໜ້າພະແນກສະຫະພັນແມ່ຍິງທະຫານແຂວງຫຼວງພະບາງ, ມີຄະນະພັກ-ຄະນະບັນຊາ, ສະຫະພັນແມ່ຍິງ ອົງການ 6 ຫ້ອງ, ຫົວໜ່ວຍກົມກອງ ອ້ອມຂ້າງກອງບັນຊາການເຂົ້າຮ່ວມ. ສະຫາຍ ພັນໂທ ນາງສີດາ ພົມມະຈັນ ໄດ້ຜ່ານບົດລາຍງານຫຍໍ້ກ່ຽວກັບການຈັດຕັ້ງປະບັດໜ້າທີ່ວຽກງານຂອງສະຫະພັນແມ່ຍິງກອງບັນຊາຫານແຂວງຫຼວງພະບາງ ໃນໄລຍະຜ່ານມາ ເຊິ່ງໄດ້ຍົກໃຫ້ເຫັນດ້ານດີ, ດ້ານອ່ອນ ແລະ ບົດຮຽນທີ່ຖອດຖອນໄດ້, ຈາກນັ້ນ ສະຫາຍ ພັນໂທ ນາງ ແພງດີ ສົມສະນິດ ຫົວໜ້າພະແນກແຜນການ-ສັງລວມ ຫ້ອງການສະຫະພັນແມ່ຍິງກອງທັບ ໄດ້ຂຶ້ນເຜີຍແຜ່ມະຕິກອງປະຊຸມຜູ້ແທນແມ່ຍິງທົ່ວກອງທັບ ຄັ້ງທີ IX ແລະ ຜ່ານບົດສະຫຼຸບແຜນພັດທະນາແມ່ຍິງກອງທັບ ໃນໄລຍະ 2021-2025 ແລະ ທິດທາງແຜນພັດທະນາໄລຍະ 2025-2030, ໂດຍປະຕິບັດຕາມວິໄສທັດຍຸດທະສາດ ແລະ ແຜນພັດທະນາແມ່ຍິງແຫ່ງຊາດຄັ້ງທີ VIII ປີ 2021-2025 ເພື່ອບັນລຸເປົ້າໝາຍ 10 ແຜນງານ 65 ໂຄງການຂອງແຜນພັດທະນາແມ່ຍິງແຫ່ງຊາດວາງອອກ, ສະຫະພັນແມ່ຍິງກອງທັບໄດ້ຫັນເອົາແຜນງານໂຄງການດັ່ງກ່າວ ມາເປັນແຜນພັດທະນາແມຍິງກອງທັບ ປະກອບມີ 10 ແຜນງານ 54 ໂຄງການເຂົ້າໃນວຽກງານຕົວຈິງ ຕາມສະພາບຈຸດພິເສດ ແລະ ເງື່ອນໄຂຕົວຈິງ ຂອງສະຫະພັນແມ່ຍິງກອງທັບເຫັນໄດ້ວ່າ: ສະມາຊິກສະຫະພັນແມ່ຍິງມີ ຄຸນທາດການເມືອງ ໜັກແໜ້ນເຊື່ອມຊຶມຕໍ່ແນວທາງນະໂຍບາຍຂອງພັດ, ກົດໝາຍຂອງລັດ, ມະຕິຄໍາສັ່ງຂອງຂັ້ນເທິງ ມີຄວາມສາມັກຄີເປັນເອກະພາບພາຍໃນ-ພາຍນອກ ຢ່າງແໜ້ນແຟ້ນ ແລະ ມີຄວາມຫ້າວຫັນຕໍ່ການປະຕິບັດໜ້າທີ່ການເມືອງດ້ວຍຄວາມຮັບຜິດຊອບສູງ. ສະຫາຍ ພົນຈັດຕະວາ ນາງ ໄພວອນ ອິນທະບຸດ ໄດ້ກ່າວສະແດງຄວາມຍ້ອງຍໍຊົມເຊີຍຕໍ່ຜົນງານສະຫະພັນແມ່ຍິງກອງບັນຊາການທະຫານແຂວງ ທີ່ຍາດມາໄດ້ໃນໄລຍະຜ່ານມາ, ພ້ອມທັງເໜັ້ນໜັກໃຫ້ສະຫະພັນແມ່ຍິງທຸກສະຫາຍຈົ່ງພ້ອມກັນຍົກສູງຄວາມຮັບຜິດຊອບຕໍ່ໜ້າທີ່ວຽກງານຂອງຕົນ, ເອົາໃຈໃສ່ປະຕິບັດມະຕິຄຳສັ່ງຂໍ້ກຳນົດກົດລະບຽບຂອງກອງທັບ ກໍ່ຄືສະຫະພັນແມ່ຍິງລາວວາງອອກຢ່າງເຂັ້ມງວດ, ກຳແໜ້ນແນວທາງນະໂຍບາຍຂອງພັກ, ກົດໝາຍຂອງລັດ, ມີສະຕິລະວັງຕົວຕໍ່ກົນອຸບາຍຫັ່ນປ່ຽນໂດຍສັນຕິຂອງກຸ່ມຄົນບໍ່ຫວັງດີ, ຕັ້ງໜ້າເຝິກຝົນຫຼໍ່ຫຼອມຕົນເອງຢ່າງຮອບດ້ານ, ພ້ອມນີ້ກໍຕ້ອງໄດ້ຜູກແໜ້ນຄວາມສາມັກຄີພາຍໃນໃຫ້ແໜ້ນແຟ້ນ, ພ້ອມກັນເຮັດສໍາເລັດໜ້າທີ່ ທີ່ໄດ້ມອບໝາຍໃຫ້ມີຜົນສໍາເລັດ. ຂ່າວ: ບຸນເພັງ ວົງແກ້ວມະນີ; ພາບ: ທອງລິດ ແກ້ວທຸມມາ

news to day and hot news