ວັນອັງຄານ, ວັນທີ 20 ພຶດສະພາ 2025
ຄະນະນໍາສະຫະພັນແມ່ຍິງກອງທັບ ຢ້ຽມຢາມ ແລະ ໃຫ້ກໍາລັງໃຈ ຜູ້ທີ່ໄດ້ຮັບບາດເຈັບຈາກການປະຕິບັດໜ້າທີ່
ເວລາອອກຂ່າວ: 2025-05-08 12:27:58 | ຜູ້ຂຽນ : admin2 | ຈຳນວນຄົນເຂົ້າຊົມ: 1106 | ຄວາມນິຍົມ: 
ໃນວັນທີ 8 ພຶດສະພາ 2025 ນີ້, ຄະນະນໍາສະຫະພັນແມ່ຍິງກອງທັບ ນຳພາໂດຍ ສະຫາຍ ພັນເອກ ນາງ ຫຼ້າ ຄຸນນະວົງສາ ຮອງຫົວໜ້າຫ້ອງການສະຫະພັນແມ່ຍິງກອງທັບ ພ້ອມດ້ວຍຄະນະ ໄດ້ເຂົ້າຢ້ຽມຢາມ ແລະ ໃຫ້ກໍາລັງໃຈ ພະນັກງານ-ນັກຮົບ ທີ່ໄດ້ຮັບບາດເຈັບຈາກການປະຕິບັດໜ້າທີ່ ທີ່ກຳລັງປິ່ນປົວຢູ່ໂຮງໝໍສູນກາງ 103 ກອງທັບ.
ສະຫາຍ ພັນເອກ ນາງ ຫຼ້າ ຄຸນນະວົງສາ ໄດ້ຕາງໜ້າໃຫ້ຄະນະນໍາສະຫະພັນແມ່ຍິງກອງທັບ ກໍຄື ສະມາຊິກສະຫະພັນແມ່ຍິງໃນທົ່ວກອງທັບ ສະແດງຄວາມເປັນຫ່ວງເປັນໃຍ ຕໍ່ພະນັກງານ-ນັກຮົບ ທີ່ໄດ້ຮັບບາດເຈັບຈາກການປະຕິບັດໜ້າທີ່ ແລະ ສະແດງຄວາມຊົມເຊີຍ ຕໍ່ຄວາມສາມາດ, ນ້ຳໃຈເດັດດ່ຽວໜຽວແໜ້ນ, ນໍ້າໃຈເສຍສະຫຼະອັນສູງສົ່ງ ເພື່ອປະເທດຊາດ, ເພື່ອປະຊາຊົນ ພ້ອມທັງ,ຝາກຄວາມຢື້ຢາມຖາມຂ່າວ ແລະ ອວຍພອນໄຊ ເຖິງພະນັກງານ-ນັກຮົບທຸກສະຫາຍ ທີ່ພວມປະຕິບັດໜ້າທີ່ປົກປັກຮັກສາ ເຂດນໍ້າແດນດິນຂອງຊາດ ຈົ່ງພ້ອມກັນອົດທົນຜ່ານຜ່າ, ຍົກສູງຄວາມຮັບຜິດຊອບຕໍ່ໜ້າທີ່ ທີ່ໄດ້ຮັບມອບ.
ໂອກາດນີ້, ຄະນະນໍາສະຫະພັນແມ່ຍິງກອງທັບ ຍັງໄດ້ມອບວັດຖຸປັດໄຈຈໍານວນໜຶ່ງ ເພື່ອເປັນການປະກອບສ່ວນຊຸກຍູ້ ພະນັກງານ-ນັກຮົບ ທີ່ກໍາລັງປິ່ນປົວ ໃຫ້ມີກໍາລັງໃຈໃນການຮັກສາຕົວ ໃຫ້ຫາຍດີ ກັບຄືນສູ່ຄອບຄົວ.
ໂດຍ: ນາງ ໜູແດງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
