POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 20 ພຶດສະພາ 2025

ກອງຮ້ອຍທະຫານຊາຍແດນ 113 ທະຫານແຂວງຜົ້ງສາລີ ສ້າງໄດ້ຜົນງານຫຼາຍດ້ານທີ່ພົ້ນເດັ່ນ
ເວລາອອກຂ່າວ: 2025-04-25 09:10:57 | ຜູ້ຂຽນ : admin1 | ຈຳນວນຄົນເຂົ້າຊົມ: 821 | ຄວາມນິຍົມ:

ສະຫາຍ ພັນຕີ ເພັງ ວິໄລ ເລຂາໜ່ວຍພັກ, ຫົວໜ້າການເມືອງ ກອງຮ້ອຍທະຫານຊາຍແດນ 113 ແຂວງຜົ້ງສາລີ ໄດ້ໃຫ້ຮູ້ວ່າ: ໃນໄລຍະຜ່ານມາຄະນະພັກ-ຄະນະບັນຊາ ໄດ້ສຸມໃສ່ວຽກງານປ້ອງກັນຊາດ-ປ້ອງກັນຄວາມສະຫງົບ ໂດຍການຈັດຕັ້ງກຳລັງລົງກໍ່ສ້າງຮາກຖານການເມືອງ ໃນນີ້, ເວົ້າສະເພາະການ ຈັດຕັ້ງປະຕິບັດວຽກງານທີ່ພົ້ນເດັ່ນຂອງກົມກອງໃນ 1 ປີ ຜ່ານມາ, ຄະນະພັກ-ຄະນະບັນຊາ ໄດ້ຈັດຕັ້ງກຳລັງເຄື່ອນໄຫວຕິດຕາມ, ກວດກາສະພາບຕາມຊາຍແດນ, ຫຼັກໝາຍຊາຍແດນ ເປັນປົກກະຕິເດືອນລະ 2 ຄັ້ງ, ເກັບກຳສະພາບປະຊາຊົນບັນດາເຜົ່າ, ເກັບກຳສະພາບການຕ່າງໆ ຂອບເຂດກົມກອງຕັ້ງທັບທົ່ວເຖິງທັນການ ແລະ ສະຫຼຸບສັງລວມສ່ອງແສງລາຍງານ ໃຫ້ຂັ້ນເທິງເປັນປົກກະຕິ ພ້ອມທັງ ຈັດຕັ້ງກຳລັງ ລົງກໍ່ສ້າງຮາກຖານການເມືອງ ຕາມ 4 ເນື້ອໃນ 4 ຄາດໝາຍ, ປັບປຸງຕາໜ່າງປ້ອງກັນຊາດ-ປ້ອງກັນຄວາມສະຫງົບ ຢູ່ຂັ້ນຮາກຖານບ້ານ, ຈັດຕັ້ງດຳເນີນຮ່ວມຊີວິດ ໜ່ວຍພັກເປັນປົກກະຕິ ເດືອນລະຄັ້ງ ຄັດເລືອກເອົາມາຫາຊົນຜູ້ກ້າວໜ້າຂະຫຍາຍເຂົ້າເປັນສະມາຊິກພັກ ໃນປີຜ່ານມາສາມາດຂະຫາຍໄດ້ 6 ສະຫາຍ, ຕີລາຄາແບງປະເພດສະມາຊິກພັກ ໄດ້ 1 ຄັ້ງ ແລະ ຮັກສາໄດ້ໜ່ວຍພັກປອດໃສ ເຂັ້ມແຂງ ໜັກແໜ້ນ ປະຈຳປີ 2024 ພ້ອມກັນນີ້, ຍັງໄດ້ເອົາໃຈໃສ່ສຶກສາອົບຮົມການເມືອງແນວຄິດ ໃຫ້ພະນັກງານສະມາຊິກພັກ, ນາຍ ແລະ ພົນທະຫານ ພາຍໃນກົມກອງມີແນວຄິດ ອຸ່ນອ່ຽນເຊື້ອໝັ້ນ ຕໍ່່ການນຳພາຂອງພັກ ພ້ອມກັນເຮັດສຳເລັດໜ້າທີ່ວຽກງານທີ່ການຈັດຕັ້ງຂັ້ນເທິງມອບໝາຍໃຫ້, ສ້າງແຜນກຳນົດພະນັກງານ ສືບທອດປ່ຽນແທນຢ່າງຕໍ່ເນື່ອງ, ປະຕິບັດຕາມຄຳສັງ ຂອງຂັ້ນເທິງ ທີ່ວ່າພະນັກງານ ມີຂຶ້ນມີລົງ, ມີເຂົ້າມີອອກ ຢ່າງເຂັ້ມງວດ. ນອກນີ້, ຍັງໄດ້ກໍ່ສ້າງບຳ ລຸງພະນັກງານ ດ້ວຍຫຼາຍຮູບແບບ ເປັນຕົນແມ່ນກໍ່ສ້າງພະນັກງານສົ່ງໄປຮຽນທິດສະດີການເມືອງ-ການປົກຄອງ ຈຳນວນ 9 ສະຫາຍ, ຈັດຕັ້ງປະຕິບັດຂໍ້ກຳນົດ ກົດລະບຽບ 7 ລະບອບ 18 ວຽກ ຂອງກອງທັບ ຢ່າງເຂັ້ມງວດ, ຈັດຕັ້ງຫັດແອບຮໍ່າຮຽນການທະຫານ, ການເມືອງ, ພະລາທິການ-ເຕັກນິກ ແລະ ວິຊາສະເພາະຊາຍແດນ ໄດ້ 2 ໄຕມາດ ຕາມຂັ້ນເທິງກຳນົດ ພ້ອມທັງປັບປຸງລະບຽບແບບແຜນດີຂຶ້ນກວ່າເກົ່າ ປົກປັກຮັກສາພາຫະນະເຕັກນິກ, ວັດຖຸສິ່ງຂອງຮັບໃຊ້ຕ່າງໆ ບໍ່ໃຫ້ຕົກເຮຍເສຍຫາຍ ໂດຍບໍ່ມີເຫດຜົນ ແລະ ນຳໃຊ້ໄດ້ຢ່າງຍາວນານ, ຊີ້ນຳການປູກຝັງ-ລ້ຽງສັດ ຕາມຄວາມສາມາດຂອງກົມກອງ ແລະ ຈັດຕັ້ງເຮັດກິດຈະກຳອື່ນໆເພື່ອສ້າງລາຍໄດ້ເຂົ້າຄັງລວມ ເພື່ອແກ້ໄຂຊີວິດການເປັນຢູ່ ຂອງພະນັກງານ-ນັກຮົບໃນກົມກອງໃຫ້ດີຂຶ້ນເທື່ອລະກ້າວ. ນອກນັ້ນ ຍັງໄດ້ພົວພັນແຮກສ່ຽວ ກັບ ບັນດາສຳນັກງານ, ອົງການ, ກົມກອງມິດ ແລະ ຮ່ວມມືຮັກແພງຊ່ວຍເຫຼືອອຳນາດການປົກຄອງ, ພໍ່ແມ່ປະຊາຊົນບັນດາເຜົ່າ ຂອບເຂດກົມກອງຕັ້ງທັບເປັນຢ່າງດີ. ສະຫາຍ ພັນຕີ ເພັງ ວິໄລ ໃຫ້ຮູ້ຕື່ມອີກວ່າ: ໃນຕໍ່ໜ້າຈະສືບຕໍ່ສູ້ຊົນຈັດຕັ້ງປະຕິບັດວຽກງານສຶກສາອົບຮົມການເມືອງແນວຄິດ ໃຫ້ພະນັກງານສະມາຊິກພັກ, ນາຍ ແລະ ພົນທະຫານ ມີແນວຄິດໜັກແໜ້ນ ພ້ອມກັນເຮັດສຳເລັດໜ້າທີ່ການເມືອງຂອງກົມກອງ, ສືບຕໍ່ຈັດຕັ້ງກຳລັງເຄື່ອນໄຫວ, ຕິດຕາມກວດກາສະພາບເສັ້ນຊາຍແດນບໍລິເວນຊາຍແດນ ແລະ ຫຼັກໝາຍແດນ ຂອບເຂດກົມກອງຮັບຜິດຊອບ ໃຫ້ເປັນປົກກະຕິທົ່ວເຖິງ, ຈັດຕັ້ງກຳລັງເຄື່ອນໄຫວເກັບກຳສະພາບປະຊາຊົນບັນດາເຜົ່າຂອບເຂດກົມກອງຮັບຜິດຊອບໃຫ້ເປັນປົກກະຕິທົ່ວເຖິງ ທັງສະຫຼຸບລາຍງານໃຫ້ຂັ້ນເທິງ, ຈັດຕັ້ງພະນັກງານລົງກໍ່ສ້າງຮາກຖານການເມືອງ ຕາມ 4 ເນື້ອໃນ 4 ຄາດໝາຍ ຢູ່ຂອບເຂດກົມກອງຮັບຜິດຊອບ. ທັງປັບປຸງຕາໜ່າງປ້ອງກັນຊາດ-ປ້ອງກັນຄວາມສະຫງົບຢູ່ຂັ້ນຮາກຖານ, ສືບຕໍ່ຈັດຕັ້ງປະຕິບັດຂໍກຳນົດ ກົດລະບຽບ ກໍຄື 7 ລະບອບ 18 ວຽກໃນມືໜື່ງຂອງກອງທັບໃຫ້ແຂັມງວດຂື້ນກວ່າເກົ່າ, ຈັດຕັ້ງເຝິກແອບຮ່ຳຮຽນການທະຫານ, ການເມືອງ, ພະລາທິການ-ເຕັກນິກ ແລະ ວິຊາສະເພາະຊາຍແດນ ແລະ ປັບປຸງລະບຽບແບບແຜນໃຫ້ດີຂຶ້ນ, ດຳເນີນຊີວິດການເມືອງພາຍໃນໜ່ວຍພັກເປັນປົກກະຕິ ຕິດພັນກັບຂະບວນການແຂ່ງຂັນຍ້ອງຍໍຮັກຊາດ ແລະ ພັດທະນາ ເພື່ອສ້າງເປັນກອງວັດທະ ນະທຳ-ນັກຮົບວັດທະນະທຳ. ໂດຍ ເພັດ ສົມນໍວັນ

news to day and hot news